यूहन्‍ना 17:4 - थुलुङ राई

⁴ गानी गोलाई बेबेट्‌ङिडिनिम खारी बेसोक्‍साका सुबुडा इनीमा यु़म झ्‍वाबेत्तोम बु।

यूहन्‍ना 17:4 Referans Kwoze

यूहन्‍ना 4:34

येशूका मेर्मिमलाई र्‍वाम्‍डी, “गोलाई थु़र्पाकु न होङङा बोमु नुङ उनी खारी बोम्‍सोमुङा आमा पोमु-डुमु सो़।

थु़र्मा 20:24

लावो गो आमा मिरो़म त्‍वाकाम लागि हाम होङ्‍ङा वो मेलु़ङु। गो आकोति कोङङा मालुमिम बु– येशू ख्रीष्‍टका गोलाई ग्‍वाङ्‌डिमिम माम्‍चु़नीकु दिदामकु दुथाममिम जो़पा-सेलाकु खारी गो मेङेसिसाका बोम्‍सोमु चापुनु़।

२ तिमोथी 4:7

गो जो़पा क्‍वाल्‍बा बेउतोम बु, मा ओराम खारीकु ओन्‍सी ओन्‍सोमु दु़म्‍तोम बु, आमा थो़र जो़होमका जु़ल्‍तोम बु।

यूहन्‍ना 19:30

येशूका मेराम दो़प्‍मिडिमा र्‍वाम्‍डी, “हुक्‍ता।” मेम्‍मा कुम्‍सिम्‍डिमा उनीमा साम लस्‍ता।

यूहन्‍ना 14:31

लावो पापलाई गो रिखाम बेउ, मा पापका हाम बेबेन्‍ङिमी मेरामङा गो बेउ र्‍वाक्‍पा सु़म्‍दिसेरडाम मु़चु़मिमका चमिनु़। दो, ओलामका लक्‍सी।”

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 12:28

ए पाआ, गानी हाङकोम यु़म-झ्‍वासिक्‍पा बुनी र्‍वाक्‍पा रेम्‍बेनी।” मेकोतिमा पाह्रीलामका कोले लो़लामका र्‍वाक्‍ता, “गो ओराम यु़म-झ्‍वाक्‍तोम बु, मा आथावो ओराम यु़म-झ्‍वाक्‍पु।”

यूहन्‍ना 9:3

येशूका र्‍वाम्‍डी, “ओराम मु़चु़कु छु़लका वो मेएँ, मा उ माम-पापकु छु़लका वो मेएँ, लावो माम्‍चु़नीकु खारी ओराम मु़चु़काडा रेम्‍बोमु लागि आरेप्‍माम दु़स्‍ताम सो़।

यूहन्‍ना 5:36

“लावो यूहन्‍नाका सो़यु़डु़मडाम वो डोक्‍पु ल्‍वामिम गोनुङ बु। खारी बोम्‍सोमु आमा पापका गोलाई ग्‍वाङ्‌डिमिम बु। मेराम गो बेत्तोङा लेट्‌पु। पापका गोलाई थु़र्ङिडिमिम र्‍वाक्‍पा मेरामकाङा सो़यु़।

लूका 22:37

हेङालोने “गुमी ख्‍ल्‍याम्‍याचो़मिमनुङ ङार्सिम्‍डी र्‍वाक्‍साका माम्‍चु़नीकु सिजेमडा आमा दुथाम र्‍याक्‍मा ल्‍वा रोक्‍थिट्‌पा थारी रोक्‍ताम बु। आच्‍छाङा आमा दुथाम र्‍वाक्‍मा खोत्‍ले ल्‍वामिम रोक्‍थित्तोङा लेडु़।”

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”