यूहन्‍ना 17:3 - थुलुङ राई

³ मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 17:3 Referans Kwoze

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

१ यूहन्‍ना 4:6

लावो गुइ ने माम्‍चु़नीकाम सो़। मेम्‍मिमका उहेम मु़चु़का माम्‍चु़नी छेडु़ मेरामका इकीमा ल्‍वा थो़सु़। उहेम मु़चु़ माम्‍चु़नीकाम मेएँ मेरामका इकीमा ल्‍वा मेथो़सु़। ओरामलामकाङा आच्‍छाङाकाम पेल नुङ लिमा पेल छेडी।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

यूहन्‍ना 3:34

उहेमलाई माम्‍चु़नीका थु़र्मिडी गुमीका माम्‍चु़नीकु सिजेम जेमी। हेङालोने माम्‍चु़नीका थो़म्‍मुङा मेझापा पेल गुमीलाई ग्‍वामी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ थेसलोनिकी 1:9

गुकु इनीमाडा रोक्‍तोकोम थारीका गानी गुकुलाई जो़होमका हुनाखाना बेत्तिकी। मेम्‍मा ङाटामिमलाई सेव सान्‍मु डिसाका आच्‍छाङाकाम नुङ हाम्‍सी वो मेसिपा माम्‍चु़नीकु लाले-पाङके बोमु ख्‍लोन्‍सिट्‌नी। ओर्मिम खोत्‍ले ल्‍वाकु दुथाम मेर्मिमका सो़मी।

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

यूहन्‍ना 7:29

लावो गो ने गुमीलाई छेपु, हेङालोने गो गुमीलामकाङा योङडोम सो़। मेम्‍मा गुमीका गोलाई इनीमाडा थु़र्ङिडिमिम सो़।”

यूहन्‍ना 6:57

त्‍वारो़म ग्‍वाक्‍पा पापका गोलाई थुर्ङिडिमिमा नु़बेट्‌ङिडिमिम होम्‍साकाङा आमा मिरो़म पेपा मु़चु़लाई वो गो नु़बेट्‌पु।

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

यूहन्‍ना 11:42

गो र्‍वाङुमिम ल्‍वा गानी हेल्‍लो लोवो थो़नी र्‍वाक्‍पा गो चक्‍पु। लावो आसिन्‍डा येम्‍तासिक्‍पा मु़चु़मिमकाम लागि गो र्‍वाङ्‌डोम। मेम्‍साका गानी गोलाई थु़र्ङिडिनिम र्‍वाक्‍पा ओर्मिमका थो़र बोमिनु़।”

लूका 9:48

मेम्‍मा मे सीसिपामिमलाई र्‍वाम्‍डी, “उहेमका गोडला थो़रलु़डामका ओराम चो़च्‍चो़लाई हुनाखाना बु़, मेरामका गोलाई हुनाखाना बोङि, मा मेराम मु़चु़का गोलाई थु़र्पा माम्‍चु़नीलाई वो हुनाखाना बु़। गानीगोडाम खोत्‍लेडाम याक्‍के सु़ बु, मेराम मु़चु़ङा खोत्‍लेडाम डोक्‍पु दु़म।”

मर्कूस 9:37

“उहेमका आमा नङडा आरेप्‍माम याक्‍के चो़च्‍चो़मिमडाम कोले रङु़, मेरामका गोलाई ङा रङी। उहेमका गोलाई रङी, मेरामका गोलाई कोङङा मेएँ, गो थु़र्पालाई ङा रङु़।”

१ कोरिन्थी 8:4

मेम्‍मिमका ङाटालाई ग्‍वाक्‍मा पोमु-डुमुकु दुथाम र्‍वाकी माला सु़म्‍दिसेरडाम ङाटा हाम वो मेएँ, मा कोले माम्‍चु़नीडाम वाङमिम सु़ वो मेबुमी र्‍वाक्‍पा ल्वा गुइ चडिम बु।

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

फिलिप्‍पी 3:8

मेकोति कोङङा मेएँ, ख्रीष्‍ट येशू आमा ङाचो़लाई छेत्तोमका हापा थिकाम ल्‍वानुङ थो़प्‍सीडा खोत्‍ले ल्‍वा हाम वो मेएँ र्‍वाक्‍पा लु़ङु। ख्रीष्‍टलाई गो ल्‍वाउनु़ मा गो गुमीनुङ दु़म्‍ङुनु़ र्‍वाक्‍साका खोत्‍ले ल्‍वा हाम ना हामकाम दु़म्‍बेत्तो मा मेर्मिम ने पारिमिम घ्राम्‍लु़पा कोतिम लु़ङु।

फिलिप्‍पी 3:10

ख्रीष्‍टलाई नुङ सिमुलाम गुमीलाई फक्‍पा यु़मलाई गो जो़होमका छेमु न बु। गुमीका ल्‍वाम्‍डिम होङङा दु़खा ल्‍वामु मा उनी साम लक्‍सीडा गुमी होङङा दु़म्‍मु न बु,

हिब्रू 3:1

गानी वो सेपा मु़चु़ दु़म्‍मु लागि माम्‍चु़नीका येट्‌निमिम बु, मेम्‍मिमका वा-ल्‍वाकनी, माम्‍चु़नीकु थु़र्मा नुङ डोक्‍पु डु़म्‍लाचो़ र्‍वाक्‍साका गुइ रङडिम येशूडा न सोक्‍नी।

२ पत्रुस 1:2

माम्‍चु़नी नुङ इकीमा ङाचो़ येशूलाई गानी आच्‍छाङाका छेनिमिमका माम्‍चु़नीका गानीलाई दिदाम नुङ न-भ्रसी छो़म हापा ग्‍वानिमिनु़।

२ पत्रुस 1:3

गुमीलाई छेडिमिमलामका माम्‍चु़नीकु लाम्‍दीडा लाम्‍दिमु लागि चाहेबिइमिम खोत्‍ले ल्‍वा माम्‍चु़नीकु उनी यु़मका गुइलाई ग्‍वाक्‍साड्‌डामिम बु। उहेमका उनी त्‍वाकु यु़म-झ्‍वाक्‍सी नुङ जो़पा दु़म्‍सीलामका गुइलाई येसाड्‌डामी।

२ पत्रुस 1:8

ओर्मिम खोत्‍ले ल्‍वा गानीनुङ छो़म बु माला गानी इकी ङाचो़ येशू ख्रीष्‍टकु दुथाम चनिमिमका हाम ना हामकाम नुङ हाम ना हाम मान्‍थिम मेदु़म्‍नी।

१ यूहन्‍ना 1:2

माम्‍चु़नीका गुमीलाई रेम्‍बेम्‍डी, मा गुकु ल्‍वात्तोको मा गुकु उनीमा दुथाम सो़कु। मेम्‍मा हेल्‍लो वो मेसिपा मेराम त्‍वारो़मकु दुथाम गानीनुङ सो़कु। गुमी पापनुङ बाम्‍डी, मा माम्‍चु़नीका गुकुनुङ रेम्‍बेम्‍डी।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।