यूहन्‍ना 17:26 - थुलुङ राई

²⁶ गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 17:26 Referans Kwoze

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।

यूहन्‍ना 15:9

“आमा पापका गोलाई रिखाम बेङ्‌डिमिम होङ्‍ङा गो वो गानीलाई रिखाम बेन्‍निनिम बु। गानी आमा रिखामडा बानिहोम बानी।

हिब्रू 2:12

गुमीका र्‍वामी, “गो वा-ल्‍वाकमिमलाई इनीमा नङ थो़बेट्‍पुमी मा खोत्‍ले थो़रलु़पामिमनुङ इनीमा नङ कोक्‍पा काम्‍सो बेउ।”

यूहन्‍ना 15:15

आथा ने गो गानीलाई डु़ल्‍चो़ मेर्‍वाङु, हेङालोने उमा नेमहपका हाम बु़, मेराम डु़ल्‍चो़का मेच। मेम मेर्‍वाक्‍साका गो गानीलाई ङोप्‍सो़नी र्‍वाङु, हेङालोने आमा पापलामका थो़उतोम खोत्‍ले ल्‍वा गानीनुङ सो़उतोम बु।

यूहन्‍ना 14:20

मेनेम गो आमा पापगोडा बुङु, मा गानी आमाडा बुनी, मा गो गानीगोडा बुङु र्‍वाक्‍पा थेसिथेनी।

यूहन्‍ना 15:4

आमा गोगोडा दु़म्‍नी, मा गो गुमीडा दु़म्‍ङु। अङ्‍गूरकु ग्रेममिम उ रो़लडा मेदु़प्‍सावा माला मा सिन्‍मु मेचाप्‍सु़। मेम्‍साकाङा आमाडा मेदु़म्‍निवा माला गानी वो मा सिन्‍बेन्‍मु मेचाम्‍नी।

एफिसी 5:32

ओराम ने सु़का वो थेसिथेन्‍मु मेचापा ल्‍वा बाइडा, लावो मेराम ने ख्रीष्‍ट नुङ थो़रलु़पामिमकु दुथाम ल्वा सो़।

एफिसी 5:30

हेङालोने गुइ ख्रीष्‍टकु मिरो़मडाम अंगमिम सो़।

यूहन्‍ना 14:23

येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 8:50

गो आमा त्‍वाकाम यु़म-झ्‍वाक्‍सी मेमालु, लावो यु़म-झ्‍वाक्‍सी माल्‍पा कोले बुमी, मा गुमी निया बेपा बुमी।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

कलस्‍सी 3:11

माम्‍चु़नीका आरे बेम्‍डिमका ग्रीक ना यहूदी, कोक्‍ते खिरिरि क्रिप्‍मा ना मेक्रिप्‍मा मु़चु़, मेसीसिक्‍पा, सोक्‍मुचो़, डु़ल्‍चो़ ना मेडु़ल्‍चो़ हाम वो मेएँ। लावो ख्रीष्‍टङा खोत्‍लेडाम डोक्‍पु सो़, मा खोत्‍लेकाडा गुमी बुमी।

कलस्‍सी 2:10

गुमीका गानीलाई ख्रीष्‍टडा नु़मु ग्‍वाक्‍निम बु, मा खोत्लेका लिट्‍पा बेम्‍डिमका आथा ने हाम वो मेबासी। खोत्‍ले साखाम नुङ यु़मडला साखाम थो़पा ख्रीष्‍टङा बुमी।

कलस्‍सी 1:27

मेयहूदीमिमकाम लागि उनीमा थक्‍मा ल्‍वा हाङको जो़पा बु र्‍वाक्‍साका उनीमा मु़चु़मिमलाई रेम्‍बोमु माम्‍चु़नीका न बेम्डी। ओराम थक्‍मा ल्‍वा ने गानीगोडा ख्रीष्‍ट बुमिमिम सो़, मेम्मिमका माम्‍चु़नीका गानीलाई कोमी र्‍वाक्‍साका थो़र बोमु चाम्नी।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

एफिसी 1:6

मेम्मिमका गुमीका द्‌वादीबुङ उनीमा चो़ ख्रीष्‍टलामका गुइलाई मेडेङा ग्‍वाक्‍साड्‌डामिम ङाङाया दु़म्‍सीमिम उनीमा डोक्‍पु दिदामकाम लागि गुइ आलासो़ र्‍वाकी।

गलाती 2:20

गो ख्रीष्‍टनुङङा क्रूसडा सिङ्‍डोम बु। मेम्‍मिमका आथाडा आनो आमा मिरो़मडा गो मेएँ, ख्रीष्‍ट गोनुङ नु़पा बुमी। ओम्‍लोम आमा मिरो़मडाम त्‍वारो़म माम्‍चु़नीकु तारापाचो़डला थो़रलु़साका गो नु़पा दु़म्‍ङु। गुमीका गोलाई रिखाम बेङ्‌डिमी मा गुमीका आमा लागि उनी त्‍वापलाई ङा ग्‍वाम्‍डी।

१ कोरिन्थी 12:12

मु़चु़कु मिरो़म गोडा हापा अंग बुमी, लोवो मे खोत्‍ले दु़म्‍साका कोलेङा मिरो़म बनेदु़म। ख्रीष्‍ट वो मेप्‍मामङा सो़।

१ कोरिन्थी 1:30

माम्‍चु़नीका गानीलाई येशू ख्रीष्‍टनुङ दु़म्‍बेट्‌निम बु। ख्रीष्‍ट ङा इकीमा लागि माम्‍चु़नीलाममिम नेप्‍ची, लोवो गुइलाई माम्‍चु़नीकु ङादोडा जो़पा मिम्‍पा, गुइलाई उनीमा सेपा मु़चु़ दु़म्‍बेट्‍पा, मा गुइलाई छु़ललामका वाङ बेपा दु़म्‍मिडिम बु।

रोमी 8:10

ख्रीष्‍ट गानीगोडा बुमी माला छु़ल बेन्‍निमका इनीमा मिरो़म सिडाम लोवो माम्‍चु़नीकु ङादोडा जो़पा न-गोकाम दु़म्‍निमका इनीमा त्‍वारो़म ने हेल्‍लो लोवो दु़महोम बु।

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।