यूहन्‍ना 17:22 - थुलुङ राई

²² “गानी गोलाई ग्‍वाङ्‌डिनिम यु़म-झ्‍वाक्‍सी मेर्मिमलाई ग्‍वाक्‍तोमिम बु। मेम्‍साका गानी नुङ गो कोङसो़ बुचिमिम होङ्‍ङा मेर्मिम कोङसो़ दु़म्‍मिनु़।

यूहन्‍ना 17:22 Referans Kwoze

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

यूहन्‍ना 14:20

मेनेम गो आमा पापगोडा बुङु, मा गानी आमाडा बुनी, मा गो गानीगोडा बुङु र्‍वाक्‍पा थेसिथेनी।

यूहन्‍ना 1:16

छो़म उनी दिदामडला दिदाम गुइ ल्‍वास्‍तिम बु।

एफिसी 2:20

गानी ने नेम होप्‍माम सो़ मा मेराम नेमकु जग ने थु़र्मामिमनुङ माम्‍चु़नीलाम जेपामिम ङा सो़, ख्रीष्‍ट येशू उनी त्‍वाप ने मेराम नेमकु जगडाम डोक्‍पु लुङ सो़।

१ यूहन्‍ना 3:24

माम्‍चु़नीका र्‍वामिमिम थो़पा मु़चु़मिम गुमीडा दु़म्‍मी मा गुमी मेर्मिम मु़चु़काडा दु़म्‍मी। गुमीका ग्‍वाक्‍साड्‌डामिम माम्‍चु़नी-पेललामका गुइ च, माम्‍चु़नी गुइनुङ बुमी।

२ कोरिन्‍थी 6:1

माम्‍चु़नीनुङ खारी बेपा मु़चु़ दु़म्तोकोमका गुकु छो़म र्‍वाकु, गानी माम्‍चु़नीलाम दिदाम ल्‍वापामिमका मेराम दिदाम मेडेङा ब्लाम-ब्लाम दु़म्‍मु मेग्‍वाक्‍नी।

२ कोरिन्‍थी 5:20

मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

मर्कूस 6:7

गुमीका को-न (१२) सीसिपामिमलाई उनीमाडा येट्‌मिडी, मा मेर्मिमलाई न-नले बेसाका थु़र्मिडी। मेर्मिमलाई मुनाङपेल ख्‍लुक्‍पा साखाम वो ग्‍वाम्‍डिमी।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

लूका 22:30

मेकोतिमा गो किब्‍दी थो़पुमिम थारीका गानी गोनुङङा पोनी-डुनी, मा हपकु गन्‍खोपडा गन्‍साका माम्‍चु़नीकु मु़चु़मिमडला गोनुङ साखाम थो़पा दु़म्‍नी।”

रेम्‍बेट्‌मिडिम ल्‍वा 21:14

मे शहरकु ब्रोलुङकाम को-न उनी फारमिमकाम लुङ बाइडा। मेरामडला भेन्‍दाचो़कु को-न थु़र्मामिमकु नङ र्‍याक्‍मा बाइडा।

कलस्‍सी 1:24

इनीमा लागि गो दु़खा ल्‍वाउमिमडा गो भ्रसिक्‍पा बुङु। उनीमा मिरो़म मण्‍डलीकाम लागि आथावो बाट्‌पाम बाट्‌पा ख्रीष्‍टकु दु़खा गो इम्‍सोक्‍पु।

फिलिप्‍पी 1:29

गानी ख्रीष्‍टकाम लागि गुमीडला थो़र लु़मु कोङङा मेएँ, लावो उनीमा लागि दु़खा वो ल्‍वानी र्‍वाक्‍साका गुमीका ग्‍वाक्‍निम बु।

रोमी 8:30

गुमीका ङादोङा छेट्‌मिडिम मु़चु़मिमलाई वो येट्‌मिडी मा मेर्मिमलाई उनीमा ङादोडा जो़पा नगोकाम दु़म्‍बेट्‌मिडी। मेम्‍मा जो़पा न-गोकाम दु़म्‍पामिमलाई गुमीका यु़म-झ्‍वाक्‍सी ल्‍वापा वो दु़म्‍बेट्‌मिडी।

१ यूहन्‍ना 4:17

निया दु़म्मिम नेम गुइ मेङिसाका बुइनु़ र्‍वाक्‍साका गुइगोडा रिखाम माम्‍चु़नीकु न होङङा दु़म। हेङालोने ओराम सु़म्‍दिसेरडा गुइ वो ख्रीष्‍ट होप्‍मामङा बुइ।