यूहन्‍ना 17:21 - थुलुङ राई

²¹ मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

यूहन्‍ना 17:21 Referans Kwoze

१ कोरिन्थी 12:12

मु़चु़कु मिरो़म गोडा हापा अंग बुमी, लोवो मे खोत्‍ले दु़म्‍साका कोलेङा मिरो़म बनेदु़म। ख्रीष्‍ट वो मेप्‍मामङा सो़।

यूहन्‍ना 17:11

“गो सु़म्‍दिसेरडा मेबुङु, लावो मेर्मिम सु़म्‍दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्‍वाङ्‌डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्‍ङा मेर्मिम वो कोङसो़ दु़म्‍मिनु़।

फिलिप्‍पी 1:27

हा-हाम दु़म लोवो मेराम हाम वो मेएँ, लावो इनी बासी-दोसी ख्रीष्‍टकु जो़पा-सेला घ्रेट्‌पा दु़म्‍नु़। मेम्‍मा गो इनीमाडा रोङु मा क्रो़म्‍निनी लोवो गो मेरोक्‍साका इनीमा दुथाम थो़उ कोङङा लोवो, गानी कोले न-गोकाम दु़म्साका भाल-आथो़ न मेहिनी, जो़पा-सेलाडलाम थो़रकाम लागि कोले नकाम दु़म्साका क्‍वाल्‍बा बेत्तोङा बोनी,

यूहन्‍ना 13:35

गानी रिखाम बेबेन्‍नी माला ओरामलामका गानी आमा सीसिपा रेछा र्‍वाक्‍साका खोत्‍ले मु़चु़का चमी।”

थु़र्मा 4:32

थो़रलु़पामिम खोत्‍ले कोले न-गोकाम दु़म्‍मिडिम बाइडा, मा मेर्मिमगोडा सु़का वो उनी त्‍वाकु खाप्‍चीमिम ओराम आमा मेर्‍वाम्‍थाल्‍मिवा, लावो मेर्मिमनुङ हा-हाम बाट्‌पा खोत्‍लेङा खोत्‍लेका दो़साका मोम्‍थाल्‍मिडी।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

यूहन्‍ना 10:30

गो नुङ पाप कोलेङा।”

गलाती 3:28

आथाडा आनो ना यहूदी बु ना ग्रीक, ना डु़ल्‍चो़ ना वाङ दु़म्‍पा, ना वोस्‍चो़ ना मेसेम दु़म्‍मी, हेङालोने येशू ख्रीष्‍टडा खोत्‍ले कोलेङा सो़।

१ कोरिन्थी 1:10

वा-ल्‍वाकनी, इकी ङाचो़ येशू ख्रीष्‍टकु नङडा गो गानीलाई छो़म र्‍वाङु, गानी खोत्‍ले इनी त्‍वाप-त्‍वापडा दु़साका बानी, मा गो-फ मेदु़म्‍नी। मेम्‍मा इनी नडा नुङ इनी मिम्‍सीडा कोलेङा नकाम दु़म्‍नी।

रोमी 12:5

मेम्‍साका ङा गुइ हापा बुइ लोवो गुइ ख्रीष्‍टकाम कोलेङा मिरो़म सो़ मा गुइ खोत्‍लेङा कोले कोङमीकु अंग सो़।

१ यूहन्‍ना 5:7

येशूकु दुथाम गुइनुङ सो़पा सुले बुमी:

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

यूहन्‍ना 10:16

“आमा वाङमिम भेन्‍दामिम वो बुमी, मेर्मिम ओराम गोठाडाम मेएँ। मेर्मिमलाई वो गो रेन्‍मु बासिक्‍पा बु। मेर्मिमका आमा लो़लाम थो़मी, मा मेर्मिम कोलेङा बगाल दु़म्‍मी। मेम्‍मा कोलेङा रेपा-क्रिपा दु़म।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

यूहन्‍ना 5:23

मेम्‍साका पापलाई डोक्‍पु मिम्‍मिमिम होङङा तारापाचो़लाई वो डोक्‍पु मिम्‍मिनु़। तारापाचो़लाई डोक्‍पु मेमिम्‍पाका गुलाई थु़र्पा पापलाई वो डोक्‍पु मेमिम्‍मी।

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 17:18

गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

यूहन्‍ना 11:42

गो र्‍वाङुमिम ल्‍वा गानी हेल्‍लो लोवो थो़नी र्‍वाक्‍पा गो चक्‍पु। लावो आसिन्‍डा येम्‍तासिक्‍पा मु़चु़मिमकाम लागि गो र्‍वाङ्‌डोम। मेम्‍साका गानी गोलाई थु़र्ङिडिनिम र्‍वाक्‍पा ओर्मिमका थो़र बोमिनु़।”

यूहन्‍ना 17:20

“गो ओर्मिमकाम लागि कोङङा सो़म्‍दी मेबेउ। ओर्मिमकु सिजेमका सु़का गोडला थो़रलु़मी, मेर्मिमकाम लागि वो सो़म्‍दी बेउ।

१ कोरिन्थी 6:17

लावो उहेम मु़चु़ ङाचो़नुङ कोले दु़म, मेराम मु़चु़ गुमीनुङ पेलडा कोलेङा दु़म।

१ यूहन्‍ना 1:3

गुकु हाम ल्‍वात्तोको थो़त्तोको मेराम गानीनुङ सो़कु, मेम्‍साका गुकुनुङ इनीमा हेमकेम दु़म्‍नु़। आकीमा वो हेमकेम माम्‍चु़नी पाप नुङ उनीमा तारापाचो़ येशू ख्रीष्‍टडा बु।

मर्कूस 3:24

कोङ किब्‍दीगोनो त्‍वाप-त्वापङा क्‍वाल्‍बा बोमिमा मेदु़मी माला मेराम किब्‍दी मेडेङा दाम्‍मा ल।

यूहन्‍ना 13:32

माम्‍चु़नीकु यु़म मिनीचो़लामका झ्‍वासी माला मिनीचो़कु यु़म गुमीलामका झ्‍वाबेन्‍मी, मा दालाङा उमा यु़म झ्‍वाबेन्‍मी।