यूहन्‍ना 17:19 - थुलुङ राई

¹⁹ “इनीमा आच्‍छाङाकाम ल्वाका मेर्मिम सेपा दु़म्‍मीनु़ र्‍वाक्‍साका गो आ त्‍वापलाई वो सेपा सासेसी दु़म्‍बेट्‍पु।

यूहन्‍ना 17:19 Referans Kwoze

हिब्रू 2:11

येशू, उहेमका मु़चु़मिमलाई सेपा दु़म्‍बेन्‍मी मा मे सेपा दु़म्‍पामिम खोत्‍ले कोले पापकु चो़मिमङा सो़। मेम्‍मिमका मेर्मिमलाई आमा वा-ल्‍वाक र्‍वामु येशूलाई उनी क्रो़म मेलु़।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

यूहन्‍ना 17:17

मेर्मिमलाई आच्‍छाङाम ल्‍वाडा सेपा दु़म्‍बेट्‌नी, इनीमा सिजेम आच्‍छाङाम बु।

१ कोरिन्थी 1:2

ओराम सेलाखाजेम कोरिन्‍थ शहरडा बाट्‌पा माम्‍चु़नीकु मण्‍डलीडा बाट्‍पामिमलाई र्‍याक्‍तोङा बेउ। गानीलाई माम्‍चु़नीका उनी त्‍वाकु सेपा मु़चु़ दु़म्‍मु लागि येट्‌निमी। ङाचो़ येशू ख्रीष्‍टकु सो़रलोले बेपा खोत्लेथो़म मु़चु़मिमलाई गुमीका सेपा दु़म्‍बेट्‌मिडिम होम्‍साका गानीलाई वो ख्रीष्‍ट येशूलामका सेपा दु़म्बेट्नामिम बु। येशू ङा इनीमा नुङ आकीमा ङाचो़ सो़।

२ तिमोथी 2:10

माम्‍चु़नीका छेट्‌मिडिम मु़चु़मिमका वो ख्रीष्‍ट येशूडा सेल्‍सिमु ल्‍वामी। मेम्‍मा मेराम सेल्‍सिसीनुङ हेल्‍लो वो मेदाम्‍पा यु़म-झ्‍वाक्‍सी ल्‍वामी मेम्‍मिमका मेर्मिमकाम लागि गो खोत्‍ले इम्‍पा आमा न बु।

१ थेसलोनिकी 4:7

सेपा मु़चु़ दु़म्‍मुमा बुमु लागि माम्‍चु़नीका येसाड्‌डामिम, मेसेपा दु़म्‍साका बुमु लागि ने मेएँ।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

२ कोरिन्‍थी 4:15

गुकु दु़खा ल्‍वात्तोकोम ओर्मिम खोत्‍ले ल्‍वाका ने गानीलाई जो़पा दु़म्‍नु़ र्‍वाक्‍साका दु़स्‍ताम सो़। मेम दु़स्‍तामका हापा मु़चु़मिमका माम्‍चु़नीकु दिदाम ल्‍वामी मा मेर्मिम खोत्‍लेका माम्‍चु़नीकु नङ डोक्‍पु बोमु लागि गुमीलाई आलासो़ ग्‍वामी।

हिब्रू 9:26

आरेसाका हेल्‍लो लोवो लमु बासिक्‍पा माला ने सु़म्‍दिमोलो आथामङा गुमीका सिमुकु दु़खा इम्‍मु बासावा। लावो हुक्‍पा थारीका येशू ख्रीष्‍ट मु़चु़मिमकु छु़ल हेप्‍सी हेल्‍लो लोवो दु़म्‍नु़म बुनु़ र्‍वाक्‍साका उनी त्‍वापलाई कोखेपङा सासेन्‍ला सो़सिप्‍डा गुमी रेम्‍बेसिम्‍डी।

हिब्रू 10:29

मेम माला ने माम्‍चु़नीकु तारापाचो़लाई खेल गोयु़ देम्‍पा, गुलाई सेपा दु़म्‍बेड्‌डु़म सो़रख्रेप्‍सीकु सिसि मेसेपा दु़म्‍बेट्‌पा, मा दिदाम रेम्‍बेपा माम्‍चु़नी-पेललाई डक्‍पा मु़चु़ हाङको हापा इम्‍मु मेझापा देन्‍दे ल्‍वामुका घ्रेट्‌पा दु़म र्‍वाक्‍पा गानी लु़नी?

हिब्रू 9:13

मेसेपा मु़चु़मिमलाई छ्‌वारा नुङ बेनोकु सिसिका रमिमा मालोम पितु चासाका मेरामकु फोकाका फोसाका मेर्मिमकु मिरो़म सेपा दु़म्‍बेन्‍मी।

हिब्रू 9:18

मेम्‍मिमका ङादोम सो़रख्रेप्‍सी वो सिसिलामका आच्‍छाङा दु़स्‍ताम बाइडा।

यूहन्‍ना 10:36

‘गो माम्‍चु़नीकु तारापाचो़’ र्‍वाङ्‌डोमका माम्‍चु़नीलाई डक्‍साका जेन्‍ना र्‍वाक्‍साका हेङा गानी र्‍वानी? गोलाई माम्‍चु़नीका थुट्‌ङिडिमिमा सु़म्‍दिसेरडा थु़र्ङिडिमी।

यूहन्‍ना 15:3

गो गानीलाई र्‍वाङ्‌डोम सिजेमका गानी बासीङा सेपा दु़म्‍मु दु़म्‍निम बु।

यूहन्‍ना 15:13

त्‍वाकु ङोप्‍सो़काम लागि त्‍वाकु साम फ्‍यामुडाममा डोक्‍पु रिखाम सु़काम वो मेदु़म।

यूहन्‍ना 17:20

“गो ओर्मिमकाम लागि कोङङा सो़म्‍दी मेबेउ। ओर्मिमकु सिजेमका सु़का गोडला थो़रलु़मी, मेर्मिमकाम लागि वो सो़म्‍दी बेउ।

२ कोरिन्‍थी 7:14

इनीमा दुथाम गो तीतसनुङ डोक्‍पु ल्‍वा बेउतोम बाइडा, मा ओराम ल्‍वाडा गो ङाली डमु बासिक्‍पा मेदु़बेट्‌ङिनिवा। गो गानीनुङ हेल्‍लो लोवो आच्‍छाङाकाम ल्‍वा सो़उतोम बाइडा। मेम्‍साकाङा गो तीतसनुङ डोक्‍पु ल्‍वा बेउतोम वो आच्‍छाङा रोक्‍थिड्‍डा।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

१ यूहन्‍ना 3:3

मेम्‍मा आरे दु़म्‍मु लथाक्‍पा मु़चु़ खोत्‍लेका येशू ख्रीष्‍ट छु़ल मान्‍थिम बुमिमिम होङङा त्‍वापलाई छु़ल मान्‍थिम दु़म्‍बेन्‍मी।

१ यूहन्‍ना 3:18

द्‌वादीबुङ चो़च्‍चो़नी, जेसी पेसीलाम कोङङा रिखाम बे बि। इकीमा बेसी-पेसीका आच्‍छाङा रिखाम बेबिमिम रेम्‍बी।