Biblia Todo Logo
Bib sou entènèt

- Piblisite -




यूहन्‍ना 17:18 - थुलुङ राई

18 गानी गोलाई सु़म्‍दिसेरडा थु़र्ङिडिनिम होङ्‍ङा मेर्मिमलाई सु़म्‍दिसेरडा थु़र्तोमिम बु।

Gade chapit la Kopi




यूहन्‍ना 17:18
13 Referans Kwoze  

येशूका आथावो र्‍वाम्‍डी, “न-गो भ्रसीनु़। पापका गोलाई थु़र्ङिडिमिम होम्‍साकाङा गो गानीलाई वो थु़र्निनी।”


मेम्‍मिमका गुकु ख्रीष्‍टकाम सेलाचो़ सो़, मा माम्‍चु़नीका गुकुलामका र्‍वामिमिम-र्‍वामिमिमङा बुमी। ख्रीष्‍टलामका गुकु गानीलाई छो़म र्‍वाकु: माम्‍चु़नीनुङ इनीमा न-थो़म घ्रो़म्‍बेट्‌नी।


मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।


मा-के मेख्‍लिनिवाम खोमडा मा-के हप्‍डा गो थु़र्निनिम बु। वाङमिमकाङा ङादो खारी बेम्‍डिम बु, ओम्‍लो गानी मा-के हमु ल्‍वानी।”


येशूका मे को-न (१२) थु़र्मामिमलाई आरे बेम्‍डिमा थु़र्मिडी, “वाङसामामिमकाडा मेलक्‍नी, मा सामरीमिमकु शहरडा मेहुनी।


माम्‍चु़नीकु डोक्‍पु दिदाम नुङ यु़मलामका माम्‍चु़नीका गोलाई राप्‍लावा ग्‍वाक्‍साका जो़पा-सेला थो़बेट्‌पा उनीमा डु़ल्‍चो़ दु़म्‍बेट्‌ङिडिमी।


मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।


मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।


हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।


मेम्‍मिमका इनीमाडा माम्‍चु़नीलाम-जेपामिम, नेप्‍चीनुङमा मु़चु़मिम, मा सीपा मु़चु़मिम गो थु़रुमी। मेर्मिमगोडाम कोङनिमलाई गानी सेनिमा क्रूसडा चेनी, मा याङलाई इनी घ्रो़म्‍दीनेममिमबाडे कोक्‍तेकु रिबाका याल्‍नी। मेम्‍मा शहरलामका शहरथो़ खानिमी।


“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।


सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।


Swiv nou:

Piblisite


Piblisite