13 “ओम्लो गो इनीमाडा गेत्तोङा लेट्पु। लावो गो सु़म्दिसेरडा आथावो बुङुलो ओर्मिम ल्वा र्वाङु, मेम्साका छो़म आमा न-गो भ्रसी मेर्मिमकु गोगोडा दु़म्नु़।
इकीमा थो़र चो़म्पा मा बेप्सोक्पा येशूडला इकीमा मिक्सी बिइ। गुमीका उनीमा ङादोडा जु़ल्मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्मिडी। मेम्मा साखाम थो़मिम बुमिमिम माम्चु़नीकु जो़पलाम गन्तासिट्मी।
लावो माम्चु़नी-पेलका ने गुइलाई आरेप्माम दु़म्बेसामी– रिखाम बेपा, न-थो़म भ्रसिक्पा, न-गो भ्रसिक्पा, इम्सिमु चापा, न-थो़मनुङमा, खोत्लेकाम लागि जो़पा मिम्पा, थो़र लु़इमिम,
आमा न-भ्रसी गानीगोडा दु़म्नु़, मा इनीमा न-गो भ्रम्सिमु हाम वो मेबासिक्पा दु़म्नु़ र्वाक्साका गो गानीलाई ओराम ल्वा र्वाङडोम।
लारेमा लारेपाकामङा सो़। लारेपाकु फार्डा उ ङोप्सो़ येम्सी, मा उमा ल्वा थो़साका छो़म भ्रसिद्वा। मेम्माङा गो छो़म भ्रसिक्पा बुङु।
गानी छो़म भ्रसी द्वाक्नी र्वाक्साका गानीलाई गुकु ओराम र्याकुम बुकु।
पापका खोत्ले ल्वामिमडला साखाम येशूलाई ग्वाम्डिम मा गुमी माम्चु़नीलाम योम्डिम, मा माम्चु़नीकाडाङा ख्लोसिक्तो लेट्पु र्वाक्पा गुमीका चम्डिम बाइडा।
गो गानीलाई र्वामु बासिक्पा ल्वा ने हापाङा बु लावो कागज नुङ मसीका र्यामु आमा न मिबु। मेम मेबेसाका, गुइ छो़म गेर्सिडिनु़ र्वाक्साका इनीमाडा रोमुमा रेम-रेम बेसाका ल्वाबोमु आमा न बु।
हेङालोने माम्चु़नीकु किब्दी र्वाक्मा पोमु-डुमुकाम लागि मेएँ, लावो माम्चु़नी-पेललाम रोक्पा जो़पा न-गो, न-भ्रसी, मा सेपा दु़म्साका गेर्सी द्वाक्तो बुमु सो़।
आमाडा गानी दु़म्साका इनीमा न-गो भ्रसिनु़ र्वाक्साका गो गानीलाई ओराम ल्वा र्वाङडोम। ओराम सु़म्दिसेरडा गानीलाई दु़खा दु़म, लावो रुखु फिन्नी, सु़म्दिसेरडला गो घ्ल्वाङडोम बु।”
मेकोतिमा एटिन्ओखियाडाम खोत्ले थो़रलु़पामिम छो़म गेर्सिम्डी, मा माम्चु़नी-पेलका लु़न्सिम्डी।
येशूका मेर्मिमलाई र्वाम्डी, “गानीनुङ गो किचो़ कोङङा बुङु, मेम्मा गोलाई थु़र्पाकाडा लङु।
“गो सु़म्दिसेरडा मेबुङु, लावो मेर्मिम सु़म्दिसेरडा बुमी, मा गो ने इनीमाडा गेत्तोङा बेउ। सेपा पाआ, गानी गोलाई ग्वाङ्डिनिम इनीमा नङकु यु़मका मेर्मिमलाई बोनी-थार्निमी, मा गानी नुङ गो कोङसो़ बुचिमिम होङ्ङा मेर्मिम वो कोङसो़ दु़म्मिनु़।