यूहन्‍ना 17:12 - थुलुङ राई

¹² गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

यूहन्‍ना 17:12 Referans Kwoze

यूहन्‍ना 18:9

“गानी गोलाई ग्‍वाङडिनिमगोडाम कोलेलाई वो गो मेदाम्‍पुमिवा” र्‍वाक्‍साका येशूका र्‍वाम्‍डिम ल्‍वा रोम्‍थिमु लागि आरे दु़स्‍ताम।

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’

यूहन्‍ना 6:37

पापका ग्‍वाङ्‌डिमिम खोत्‍ले मु़चु़ आमाडा रोमी, मा आमाडा रोक्‍पामिमलाई गो हेल्‍लो वो मेकोलुमी।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

थु़र्मा 1:25

मेराम लाले-पाङकेडा नुङ थु़र्मामिमकु खारीडा रोमु चाप्‍सु़नु़, उहेम लाले-पाङकेलामका यहूदा ख्‍लोस्‍तामा उ त्‍वाकु खोमडा सिडा।”

२ थेसलोनिकी 2:3

मु़चु़मिमका ओराम ल्‍वाकु दुथाम गानीलाई र्‍वामिमिम लिमा ल्‍वा जेसाका लु-फेले बोमु मेल्वासु़नु़। मु़चु़मिम माम्‍चु़नीकु कोर्थो़लाम बमी, मा माम्‍चु़नीकु डु़म्‍लाकाम कोर्थो़लाम बमिम पुयु़लुक्‍पा मु़चु़ रो। मेम्‍मा ङाचो़ येशू योमी।

हिब्रू 2:13

गुमीका आथावो र्‍वामी, “गो माम्‍चु़नीडाङा थो़र बेउ।” मेम्‍मा गुमीका आथावो र्‍वामी, “गो आसिन्‍डा माम्‍चु़नीका ग्‍वाङ्‌डिमिम जाउमो तारापाचो़मिमनुङ बुङु।”

यूहन्‍ना 17:6

“सु़म्‍दिसेरलामका गानी गोलाई ग्‍वाङ्‌डिनिम मु़चु़मिमकाडा गो गानीलाई छेबेट्‌निनिम बु। मेर्मिम मु़चु़ इनीमाङा बाम्‍डी, मा मेर्मिम गोलाई ग्‍वाङ्‌डिनी। मेर्मिमका इनीमा सिजेम होम्‍साका दोम्‍डिम बु।

फिलिप्‍पी 2:9

मेम्‍मिमका माम्‍चु़नीका गुमीलाई खोत्‍लेडाम येपाला कोम्‍डी, मा गुमीलाई खोत्‍लेडाम गेलेम नङ ग्‍वाम्‍डी,

रेम्‍बेट्‌मिडिम ल्‍वा 19:12

उनीमा मिक्‍सी मुकु भुल्‍मु होप्‍माम बाइडा मा उनीमा बुइडला सेर्पा मुकुटमिम बाम्‍डी। गुमीडा कोले नङ र्‍याक्‍मा बाइडा, मेराम गुमी उनी त्‍वापडाम वाङमिम सु़का वो मेच।