यूहन्‍ना 17:1 - थुलुङ राई

¹ येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

यूहन्‍ना 17:1 Referans Kwoze

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

यूहन्‍ना 11:4

ओराम ल्‍वा थो़म्‍डिमा येशूका र्‍वाम्‍डी, “ओराम नो़सी सिमुलामडा रेथिक्‍पा मेएँ। ओराम ने माम्‍चु़नीकु यु़म झ्‍वाम्‍सिमुकाम लागि सो़, मेम्‍साका ओरामलामका माम्‍चु़नीकु तारापाचो़काम यु़म झ्‍वासी।”

मर्कूस 14:41

गुमी सुकखेपडा रोम्‍डिमा मेर्मिमनुङ र्‍वाम्‍डी, “हाम गानी आथावो अम्‍चेट्‌पा ङा बुनी, मा ङेन्‍सिनिम बुनी? आकोतिङा दु़म्‍नु़, हेङालोने मिनीचो़लाई छु़लचो़मिमकु ल्‍वाडा भ्रेट्‍पा थारी रोम्‍फामु दु़म्‍स्‍तु़म बु।

यूहन्‍ना 11:41

मेर्मिमका सु़लु़मकु ख्रेमलुङ रिल्‍मिडी। मेकोतिमा येशूका पाह्रीथो़ रेप्‍मिडिमा र्‍वाम्‍डी, “पाआ, गो र्‍वाङडोम ल्‍वा गानी थो़ङसाङडिनिमकाम लागि आलासो़।

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।

यूहन्‍ना 7:30

मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 16:32

लावो आरेप्‍माम थारी रोक्‍तोङा लेडु़, मा रोम्‍फामु दु़म्‍स्‍तु़म बु, गानी फोन्‍सिनिमा इनीमा त्‍वाकु नेमडा लनी, मा गोलाई त्‍वापङा पार्जो़ल्‍ङिनी। लावो गो त्‍वापङा मेदु़म्‍ङु, हेङालोने आमा पाप गोनुङ बुमी।

यूहन्‍ना 13:1

सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

लूका 18:13

“लावो कर फक्‍पा मु़चु़ ने होनोङा येम्‍स्‍तामा पाह्रीथो़ मेरेप्‍साका उ धक्‍ची डेप्‍तो र्‍वाक्‍ता, ‘ए माम्‍चु़नी, गोडला न-थो़म रेम्‍बेनी।’