यूहन्‍ना 16:8 - थुलुङ राई

⁸ गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।

यूहन्‍ना 16:8 Referans Kwoze

यहूदा 1:15

गुमीका खोत्‍ले मु़चु़मिमकु निया बोमी। माम्‍चु़नीलाई डोक्‍पु मेबेपा बेसाका खोत्‍ले खारी बेपा माम्‍चु़नीकु लाम्‍दी लाममेदिपा खोत्‍ले मु़चु़लाई नुङ माम्‍चु़नीकु लाम्‍दीडा लाममेदिपा छु़लचो़मिमका उनी कोर्थो़लाम जेम्‍डिम उनी न-गो जक्‍पाकु दुथाम मुमा बेन्‍मी।”

थु़र्मा 2:37

ओराम ल्‍वा थो़म्‍डिमा मेर्मिमकु न-गो ख्राप्‍डा, मा मेर्मिमका पत्रुस नुङ वाङमिम थु़र्मामिमलाई, “ए वा-ल्‍वाकनी, गुकु हाम बोमु बासी?” र्‍वाक्‍साका हिलाबेम्‍डी।

१ कोरिन्थी 14:24

लावो खोत्‍लेका माम्‍चु़नीलाम जेमिमिम बुमिलो कोङनिम थो़र मेलु़पा मु़चु़ लोवो होप्‍माम ल्‍वा थेसिमेथेट्‍पा हाम वो थेसिमेथेट्‌पा मु़चु़ लोवो मेगोडा रोक्‍ता माला खोत्‍लेलामका उ छु़लकु दुथाम चबेला सो़सी मा खोत्‍ले मु़चु़मिमलामका छाम्‍ला सो़सी।

यूहन्‍ना 8:9

मेसेमलाई मुमा बेट्‌पा मु़चु़मिमका ओराम ल्‍वा थो़म्‍डिमा ङादो ङावालामका कोले-कोले बेत्तो वाङमिम वो मेलामका लु़म्डिमा लम्‍डी। मेम्‍मा येशू नुङ मे मेसेम कोङङा मेसिन्‍डा दु़म्‍ची। मे मेसेम येशूकु ङादोडा येम्‍तासिड्‌डा।

यूहन्‍ना 8:46

गो छु़ल बेउतोम बु र्‍वाक्‍पा गानीगोडाम सु़का रेम्‍बोमु चाप्‍सु़? गो आच्‍छाङाकाम ल्‍वा जेङुमिम बुङु, हेङा गानी गोलाई थो़र मेलु़निमिम?

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 16:9

गोडला थो़र बोमु मेद्‌वाकु़मिमङा सु़म्‍दिसेरकु छु़ल।