यूहन्‍ना 16:7 - थुलुङ राई

⁷ लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 16:7 Referans Kwoze

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

यूहन्‍ना 15:26

“जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

थु़र्मा 10:34

ओराम थो़स्‍तु़मा पत्रुसका जेमु चो़म्‍डु़, “माम्‍चु़नीका चोमिक्‍सी मेबोमी र्‍वाक्‍पा आच्‍छाङा गो ल्‍वाउतो।

यूहन्‍ना 14:28

“गो लङुमा इनीमाडा ख्‍लोङ्‌सिङुमा रोङु र्‍वाङ्‌डोम ने गानी थो़न्‍नी। गानी गोलाई रिखाम बेङिनिवाम माला गो पापकाडा लङुमिमडा गानी गेर्सिट्‌निवा, हेङालोने पाप गोडाम घ्‍ल्‍वापा बुमी।

यूहन्‍ना 14:3

गो लङुमा इनीमा लागि बाखोप झो़म्‍सिबेट्‌जो़लुमा योङु। मेम्‍मा गानीलाई लनिनी, मा गो बान्‍ते बुङु मेसिन्‍डा गानी वो दु़म्‍नी।

लूका 9:27

आच्‍छाङा गो गानीलाई र्‍वाङु, आसिन्‍डा येम्‍सिक्‍पामिमगोडाम कोङ-कोङका माम्‍चु़नीकु किब्‍दी मेल्‍वाथु़म उनी साम मेल।”

लूका 4:25

गो र्‍वाङुमिम आच्‍छाङा सो़, एलिया बाइडाम थारीका सु थ रु मुनाम व मेयोकावा, मा खोत्‍ले नेब्‍दीडा मा-के हुक्‍ताम बाइडा। मेकोतिलो इस्राएलडा दु़खा ल्‍वापा अर्दोमे हापा ङा बाम्‍डी।

२ कोरिन्‍थी 4:17

गुकुनुङ ओम्‍लो कति दु़पा थारी नुङ याक्‍के दु़खा बु, ओरामका हेल्‍लो वो मेदाम्‍पा यु़म-झ्‍वाक्‍सी गुकुगोडा रेडु़। ओराम दु़खाडाम वो मेराम यु़म झ्‍वाक्‍सी ने हापा डोक्‍पु बु।

यूहन्‍ना 16:8

गुमी योमिमा सु़म्‍दिसेरलाई उमा छु़लकु दुथाम, माम्‍चु़नीकु न-गो होप्‍मामकु दुथाम मा रोक्‍पा नियाकु दुथाम मुमा बेन्‍मी।