यूहन्‍ना 16:4 - थुलुङ राई

⁴ थारी रो, मा गो गानीलाई चङचङया बाबेट्‌निनिम ल्‍वा इनीमा नडा रो र्‍वाक्‍साका ओराम ल्‍वा गो गानीलाई र्‍वाङडोम बु। गो गानीनुङ बाङडोमका गानीनुङ ङादो गो ओराम ल्‍वा मेर्‍वाङुवा।

यूहन्‍ना 16:4 Referans Kwoze

यूहन्‍ना 14:29

ओर्मिम खोत्‍ले ल्‍वा दु़म्‍मु ङादोङा गो गानीलाई र्‍वाङडोम बु, मा ओराम ल्‍वा दु़म्‍मु खाप्‍डु़लो गानी थो़र बोनी।

मर्कूस 13:23

रेप्‍नी, गो गानीलाई ङादो ङा खोत्‍लेमथोक र्‍वाङडोम बु, मेम्‍मिमका चङचङया बानी वो।

यूहन्‍ना 13:19

“आरे दु़म्‍मु ङादोङा गो गानीलाई ओराम ल्‍वा र्‍वाङु, मेम्‍साका आरे दु़म, मा गो गुङा र्‍वाक्‍पा गानी थो़रलु़नी।

मत्ती 9:15

येशूका मेर्मिमलाई ओराम सो़म्‍दीलामका र्‍वाम्‍डी, “लालीकुन्‍दाकाम थारीका लारेपा मेर्मिमनुङ बुमिमसम्‍म हाम जन्‍तीमिम येमी-ख्राम्‍मी मा? लावो आरेप्‍माम थारी रो, मेर्मिमनुङ बाट्पा लारेपा मेर्मिमडाम वाङ दु़म। मेनेम मे जन्‍तीमिम उपास बुमी।

मर्कूस 2:19

येशूका मेर्मिमनुङ र्‍वाम्‍डी, “हाम लारेपा मेर्मिमनुङ बात्तो-बात्तोङा लालीकुन्‍दाडाम बोच्‍चो़मिम उपास बुमी मा? लारेपा उनी त्‍वापनुङ बुलो बोच्‍चो़मिम उपास मेबुमी।

मत्ती 24:25

थो़नी, ओराम ल्‍वा गानीनुङ ङादोङा र्‍वाङ्‌डोम बु।

२ पत्रुस 1:14

हेङालोने इकी ङाचो़ येशू ख्रीष्‍टका गोलाई रेम्‍बेट्‌ङिडिमिम बु, गो दालाङा ओराम मिरो़म डिन्‍मु बासी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

मत्ती 10:7

मा मेर्मिमकाडा लनिलो ‘पाह्री-किब्‍दी फार्डाङा रोक्‍फाड्‌डाम बु’ र्‍वाक्‍निमा थो़बेट्‌नी।

लूका 1:2

माम्‍चु़नीकु जो़पा-सेला सो़पा उनी डु़ल्‍चो़मिमका ओर्मिम ल्‍वा गुकुनुङ सो़म्‍डिम बु। मे उनीमा डु़ल्‍चो़मिम ने येशूकु दुथाम नुङ येशूका खारी बोमु चो़म्‍मिडिलो आथाममिम ल्‍वा ल्‍वापा थो़पा बाम्‍डी, मा मे ल्‍वाम्‍डिम थो़म्डिम ल्‍वा वाङमिमनुङ सो़म्‍डी।

२ थेसलोनिकी 2:5

गो गानीनुङ बाङडोलो र्‍वाङडोम ओराम ल्‍वा हाम मेमिम्‍नी?