यूहन्‍ना 16:32 - थुलुङ राई

³² लावो आरेप्‍माम थारी रोक्‍तोङा लेडु़, मा रोम्‍फामु दु़म्‍स्‍तु़म बु, गानी फोन्‍सिनिमा इनीमा त्‍वाकु नेमडा लनी, मा गोलाई त्‍वापङा पार्जो़ल्‍ङिनी। लावो गो त्‍वापङा मेदु़म्‍ङु, हेङालोने आमा पाप गोनुङ बुमी।

यूहन्‍ना 16:32 Referans Kwoze

मत्ती 26:31

येशूका उनी सीसिपामिमलाई र्‍वाम्‍डी, “आनेप सिन्‍था गोडला हाम दु़म मेरामका गानी खोत्‍लेका गोलाई ङेन्‍ङिनी। हेङालोने माम्‍चु़नीकु सिजेमका आरे र्‍वा, ‘रेपा-क्रिपा मु़चु़लाई गो सेट्‌पु, मा भेन्‍दामिम फोन्‍सिमी।’

यूहन्‍ना 8:29

गोलाई थु़र्पा गुमी गोनुङ बुमी। गुमीका गोलाई त्‍वापङा पार्जो़ल्‍ङिडिमिम मिबु, गुमीलाई गेर्सीबेट्‌पा खारी गो हेल्‍लो लोवो बेउ।”

यूहन्‍ना 8:16

गो निया बेउतो माला जो़होमका निया बेउ, हेङालोने गो आमा त्‍वाका कोङङा मेराम मेबेउ। गोलाई थु़र्पा पाप गोनुङ बुमी।

मर्कूस 14:27

येशूका मेर्मिमनुङ र्‍वाम्‍डी, “गानी खोत्‍लेका गोलाई डिन्‍ङिनी, हेङालोने आरेप्‍माम र्‍याक्‍मा बु भेन्‍दा रेपा-क्रिपालाई गो याक्‍पु, मा भेन्‍दामिम खोत्‍लेथो़ फोन्‍सिट्‌मी।

मत्ती 26:56

लावो माम्‍चु़नीकु सिजेमडा माम्‍चु़नीलाम-जेपामिमका र्‍याम्‍डिम ल्‍वा रोम्‍थिमु लागि ओर्मिम खोत्‍ले दु़म्‍तोङा लेडु़।” मेकोतिमा सीसिपामिम खोत्‍लेका गुमीलाई पार्जो़ल्मिडिमा स्‍वाम्‍डी।

यूहन्‍ना 20:10

मेकोतिमा मे सीसिपाचिप उचीमा नेम ख्‍लोसिट्‌ची।

यूहन्‍ना 16:25

“ओर्मिम ल्‍वा गो गानीलाई सीसि-सो़म्‍दीलामका र्‍वाङडोम बु। थारी रोक्‍तोङा लेडु़, ओराम सीसि-सो़म्‍दीडा गो गानीलाई मेर्‍वाङु, लावो आमा पापकु दुथाम गो गानीलाई जो़होमका सो़उ।

यूहन्‍ना 16:2

मेर्मिमका गानीलाई घ्रो़म्‍दीनेममिमलामका पाखा कोल्‍निमी। लावो आरेप्‍माम थारी रोक्‍तोङा लेडु़, कोङनिम उहेमका गानीलाई सेनी मेर्मिमका माम्‍चु़नीकु लाले-पाङके बेत्तोङा लेट्‌पु र्‍वाक्‍पा मिम्‍मी।

यूहन्‍ना 4:23

लावो थारी रोक्‍तोङा लेडु़, मा मेराम थारी ओम्‍लोङा, हाङकोलो आच्‍छाङाकाम सो़रलोले बेपामिमका पापलाई पेलडा नुङ आच्‍छाङाका सो़रलोले बोमी।

यूहन्‍ना 4:21

येशूका मेराम मेसेमलाई र्‍वाम्‍डी, “ए छापा, गोडला थो़र बे। थारी रोक्‍तोङा लेडु़, पापकु सो़रलोले गानी ओराम पोप्‍चङडला वो मेबोनी, यरूशलेमडा वो मेबोनी।

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

यूहन्‍ना 5:28

“ओराम ल्‍वाडा ङाङाया मेदु़म्‍नी, हेङालोने थारी रोक्‍तोङा लेडु़। मेकोतिलो सु़लु़मगोयु़ बाट्‌पा खोत्‍लेका माम्‍चु़नीकु लो़लाम थो़मी,

यूहन्‍ना 5:25

आच्‍छाङा गो गानीलाई र्‍वाङु, मेराम थारी रोक्‍तोङा लेडु़, मा मेराम थारी ओम्‍लोङा सो़। सिपा मु़चु़मिमका माम्‍चु़नीकु तारापाचो़काम लो़लाम थो़मी, मा सु़का थो़मी मेर्मिम नु़मी।

मर्कूस 14:50

मेकोतिमा उनीमा सीसिपामिम खोत्‍लेका ङा डिन्‍जो़ल्‍मिडिमा स्‍वाम्‍डी।

थु़र्मा 8:1

मु़चु़मिमका स्‍तिफनसलाई आरेसाका लुङका ओम्‍मुमा सेन्‍मु शाऊल वो बिस्‍ताम बाइडा। मेनेम आथामङा यरूशलेमडाम मण्‍डलीडा छो़म डोक्‍पु दु़खा दु़म्‍मु चो़म्‍डु़। मेकोतिमा थु़र्मामिमडाम वाङमिम थो़रलु़पामिम खोत्‍लेङा स्‍वाम्‍डी, मा यहूदिया नुङ सामरियाथो़ फोन्‍सिम्‍डी।

यूहन्‍ना 16:31

येशूका मेर्मिमलाई र्‍वाम्‍डी, “हाम आच्‍छाङा गानी गोडला थो़र लु़नी?

यूहन्‍ना 19:27

मेम्‍मा मे सीसिपालाई वो र्‍वाम्‍डी, “गुमीलाई इमा माम।” मेम्‍लो आथाम मे सीसिपाका येशूकु मामलाई उ त्‍वाकु नेमडाङा लडु़।

थु़र्मा 21:6

मेकोतिमा गुकु डोक्‍पु कुबी-बोक्‍साडा हुत्तोको, मेर्मिम ने उनी नेम ख्‍लोम्‍सिम्‍डी।