यूहन्‍ना 16:3 - थुलुङ राई

³ मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 16:3 Referans Kwoze

यूहन्‍ना 15:21

गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

यूहन्‍ना 8:55

गुमीलाई गानी मेछेनी लोवो गो छेपु। गो गुमीलाई मेछेपु र्‍वाङ्‌डो माला गानी होप्‍मामङा गो वो लिमाचो़ दु़म्‍ङु। लावो गो गुमीलाई छेपु, मा उनी सिजेम होम्‍साका दोङु।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

१ यूहन्‍ना 4:8

सु़का रिखाम मेबु़ मेराम मु़चु़का माम्‍चु़नी मेछेडु़, हेङालोने माम्‍चु़नीका खोत्‍ले मु़चु़लाई रिखाम बोमी।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

यूहन्‍ना 17:3

मेसिपा त्‍वारो़म ल्‍वापा लाम्‍दी ओराम सो़: गानी कोलेङा आच्‍छाङाकाम माम्‍चु़नीलाई मेर्मिमका छेमु, मा गानी थु़र्निम येशू ख्रीष्‍टलाई वो छेमु।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

यूहन्‍ना 15:23

उहेम मु़चु़का गोलाई मेद्‌वाङी, मेराम मु़चु़का आमा पापलाई वो मेद्‌वाकु़।

लूका 10:22

“आमा माम्‍चु़नीका खोत्‍ले गोलाई आमा ल्‍वाडा ग्‍वाङ्‌डिमिम बु। माम्‍चु़नीकु तारापाचो़ सु़ र्‍वाक्‍साका माम्‍चु़नीडाम वाङमिम सु़का वो मेछेङिमी। माम्‍चु़नी सु़ र्‍वाक्‍साका माम्‍चु़नीकु तारापाचो़डाम सु़का मेछेडु़। माम्‍चु़नीकु तारापाचो़का गुमीलाई उहेमकाडा रेम्‍बोमु लागि छेडु़ मेराम मु़चु़डाम वाङमिम सु़का वो गुमीलाई मेछेडु़।”

१ तिमोथी 1:13

ङादो गो गुमीलाई डक्‍साका जेङ्‌डो, उनी मु़चु़मिमकाम थो़मतेर्साक्‍तोमी, मा उनीमा न नो़बेत्तो लोवो, गो मेथेसाका नुङ थो़र मेलु़साका मेम बेउतोमका माम्‍चु़नीलामका न-थो़म ल्‍वाउतो।

थु़र्मा 3:17

“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।