यूहन्‍ना 16:23 - थुलुङ राई

²³ मेनेम गानी गोलाई हाम वो हिला मेबोनी। आच्‍छाङा गो गानीलाई र्‍वाङु, गानी आमा नङडा हाम बिनी, मेराम आमा पापका गानीलाई ग्‍वानिमी।

यूहन्‍ना 16:23 Referans Kwoze

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

मत्ती 21:22

गानी थो़रलु़नी माला सो़म्‍दीडा हाम बिनी, मेराम ल्‍वानी।”

मत्ती 7:7

“बिनी मा गानी ल्‍वानी, माल्‍नी मा गानी डार्नी, नेमगोनो हुमु लागि हेलाबेनी, मा इनीमा लागि लाम्‍चोको होल्‍सी।

यूहन्‍ना 16:26

मेनेम गानी आमा नङडा बिनी। गो इनीमा लागि पापनुङ बिन्‍सानिनी र्‍वाक्‍साका गो गानीलाई मेर्‍वाङु।

यूहन्‍ना 14:20

मेनेम गो आमा पापगोडा बुङु, मा गानी आमाडा बुनी, मा गो गानीगोडा बुङु र्‍वाक्‍पा थेसिथेनी।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

१ यूहन्‍ना 2:1

आमा याक्‍के चो़च्‍चो़नी, गानी छु़ल मेबेनी र्‍वाक्‍साका गो ओराम सेलाखाजेम र्‍याक्‍तोङा बेउ। लावो कोङनिमका छु़ल बु़ माला इकीमालाम पापनुङ जेप्‍साक्‍पा कोले येशू ख्रीष्‍ट बुमी। गुमीका माम्‍चु़नीलाई गेर्सिबेन्‍मी।

यूहन्‍ना 14:5

थोमाका गुमीलाई र्‍वाक्‍ता, “ङाचो़, गानी बान्‍ते लनिमिम मेराम गुकु मेचकु, मा हेसाका लाम्‍दी छेकुमिम?”

यूहन्‍ना 16:19

मेर्मिमका ओरामकु दुथाम गुमीनुङ हिलाबेपा न बेत्तोङा लेन्‍मी र्‍वाक्‍पा येशूका चम्‍डी। मेम्‍मा मेर्मिमनुङ र्‍वाम्‍डी, “‘घरिकोङ गोलाई मेल्‍वाङिनी, मा घरिकोङका गोलाई ल्‍वाङिनी’ र्‍वाक्‍मा हाम र्‍वाक्‍साका गानी हिलाहिसी बेबोनिम बुनी?

यूहन्‍ना 16:30

गानी खोत्‍ले चनी, मा सु़का वो गानीनुङ हिलाबोमु मेबासी। गानी माम्‍चु़नीलामका योक्‍निम र्‍वाक्‍साका ओरामलामका गुकु थो़र बोकु।”

यूहन्‍ना 14:22

यहूदाका (यहूदा इस्‍करियोत ने मेएँ, मेरामङा नङ बाट्‌पा कोङमी सीसिपा) र्‍वाक्‍ता, “ङाचो़, हेङा गानी इनी त्‍वापलाई आकीमाडा रेम्‍बोनी, मा सु़म्‍दिसेरडाम मु़चु़मिमकाडा ने रेममेबोनिमिम?”