यूहन्‍ना 16:22 - थुलुङ राई

²² मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

यूहन्‍ना 16:22 Referans Kwoze

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

थु़र्मा 13:52

मेकोतिमा एटिन्‍ओखियाडाम खोत्‍ले थो़रलु़पामिम छो़म गेर्सिम्‍डी, मा माम्‍चु़नी-पेलका लु़न्‍सिम्‍डी।

यूहन्‍ना 16:6

ओर्मिम ल्‍वा गो गानीलाई सो़उतोमका इनी न-गो ख्रापा बु।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

थु़र्मा 16:25

सिन्‍थाम को-न (१२) जेस्‍ताम बिलि पावल नुङ सिलासका सो़म्‍दी बेत्तो माम्‍चु़नीकु काम्‍सो बेच्‍चिम बाच्‍ची, मा वाङमिम चक्‍मामिमका ने मेराम थो़म्‍डिहोम बाम्‍डी।

थु़र्मा 2:46

मेर्मिम खोत्‍ले कोले नकाम दु़म्‍साका सो़रनेमडा कोयो-कोयो घ्रो़म्‍थाल्‍मिडी, मा मेर्मिमका उनी नेम-नेमडा जो़पा न-गो नुङ गेर्सिद्‌वाक्‍तो ग्रुला पेम्‍थाल्‍मिडी,

हिब्रू 10:34

चसिक्‍पामिमडला इनीमा थो़म भ्रो़स्‍ताम बाइडा मा इनीमा खाप्‍ची रोट्‌निमिलो गेर्सिद्‌वाक्‍तो बिन्‍सिट्‌निम बाइडा। हेङालोने इनी त्‍वाकाडाङा खोत्‍लेडाम जो़पा नुङ हेल्‍लो वो मेहुक्‍पा खाप्‍चीमिम बु र्‍वाक्‍पा चक्‍निम बाइडा।

हिब्रू 6:18

माम्‍चु़नीका गुइनुङ जेम्‍डिम याचे नुङ कसम पेम्‍डिम निफिङा गुमीका आच्‍छाङा रेन्‍थिमी। हेङालोने गुमीका लिमा मेथेन्‍मी। मेम्‍मिमका उनीमा थेर्मा-थेर्सीडा लक्‍पा मु़चु़मिमका बिइडिम हाम-हुम ल्‍वापा न हेल्‍लो लोवो झेन्‍थमु इकीमा सो हन।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

यूहन्‍ना 21:7

मेम्‍मा येशूका छो़म रिखाम बेम्‍डिम सीसिपाका पत्रुसलाई र्‍वाक्‍ता, “गुमी ने ङाचो़ रे रेछा।” सिमोन पत्रुसका “गुमी ने ङाचो़ रे रेछा” र्‍वाक्‍पा थो़स्‍तु़मा गुका उमा ब्‍लाङमा-ये कम्‍मरडा बड्‌डु़, हेङालोने गुका उमा ब्‍लाङमा-ये प्‍लु़स्‍तु़म बाइडा। मेम्‍मा दिरिदिनगोयु़ झुस्‍ता।

यूहन्‍ना 14:27

न-भ्रसी गो गानीनुङ पार्जो़लु, मा आमा न-भ्रसी गो गानीलाई ग्‍वानिनी। गानी ओराम सु़म्‍दिसेरका ग्‍वाक्‍पा होप्‍माम न-भ्रसी गो मेग्‍वानिनी। इनी न-गो मेभ्रसिक्‍पा मेदु़म्‍नी, मा मेङिनी।

यूहन्‍ना 14:1

“इनीमा न-गोडा मेभ्रसिक्‍पा मेदु़म्‍नी। माम्‍चु़नीडा थो़रलु़नी, मा गोडला वो थो़र बेनी।

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

लूका 24:41

मेर्मिम छो़म गेर्सिद्‌वाम्‍डिमका नुङ ङाङाया दु़म्‍मिडिमा थो़र मेलु़मिवामका आथावो येम्‍तासिम्‍डी। मेम्‍मा येशूका मेर्मिमलाई हिलाबेम्‍डी, “हाम गानीनुङ हाम-हुम पोमु-डुमु बु?”

लूका 16:25

“लावो अब्राहामका र्‍वाक्‍ता, ‘ए योयो, गाना मिम्‍डा, गाना सुबुडा बान्‍नालो जो़पा-जो़पा फन्‍सिट्‌ना, पेन्‍ना-डुन्‍ना, मा एलेङगी बेन्‍ना। लाजरसका ने छो़म दु़खा ल्‍वास्‍तु़म बाइडा। मेम्‍मिमका ओम्‍लो गुलाई आसिन्‍डा दु़खा मिबु, मा गाना ने दु़खा इम्‍तोङा लेना।

लूका 10:42

लावो छो़म चाहेदु़म्‍पा ने कोलेङा ल्‍वा बु, मेराम जो़पा ल्‍वा मरियमका छेड्‌डु़म बु, मेराम ल्‍वा गुलाई मेरोन्‍मी।”

मत्ती 28:8

मेसेमचिप मे सु़लु़मलामका लक्‍ल्‍याट्‌ची। मेर्चिप ङिपा नुङ भ्रसिद्‌वाक्‍पा बाच्‍ची। येशूकु सीसिपामिमलाई सेला थो़बेड्‌डा मेर्चिप ओन्‍ची।

यूहन्‍ना 16:20

आच्‍छाङा गो गानीलाई र्‍वाङु, गानी ख्राम्‍नीमा येनी-दुनी, लावो सु़म्‍दिसेर ने गेर्सी द्‍वा। इनीमा न-गो ख्राम लावो ख्रापा मे इनीमा न-गो गेर्सी।

लूका 19:26

“हपका र्‍वाक्‍ता, ‘गो गानीलाई र्‍वाङु, उहेम मु़चु़का मेर्मिमलाई ग्‍वाक्‍मा खारी जो़होमका बोमी, मेर्मिमका आथावो हापा डार्मी, लावो उहेम मु़चु़का हाम वो मेबोमी मेर्मिमकाडा बाट्‌पा याक्‍के वो रोन्‍ला सो़म्‍सिमी।

यूहन्‍ना 16:16

“घरिकोङ गानी गोलाई मेल्‍वाङिनी। मेकोतिमा घरिकोङका गोलाई ल्‍वाङिनी।”

यूहन्‍ना 14:19

घरिकोङडाम्‍मा सु़म्‍दिसेरडाम मु़चु़मिमका गोलाई मेल्‍वाङिमी, लावो गानी ने गोलाई ल्‍वाङिनी। गो नु़ङुमिमका गानी वो नु़नी।

२ कोरिन्‍थी 6:10

न-गोडा दु़खा बु लोवो हेल्‍लो लोवो भ्रसिक्‍पा बुकु। गुकु हाम वो मेबाट्‌पा लोवो हापा मु़चु़लाई खाप्‍चीचो़ दु़म्‍बेट्‌पा बुकु। हाम वो मेबाट्‌पा लोवो खोत्‍लेम थोक बाट्‌पा बुकु।