यूहन्‍ना 16:16 - थुलुङ राई

¹⁶ “घरिकोङ गानी गोलाई मेल्‍वाङिनी। मेकोतिमा घरिकोङका गोलाई ल्‍वाङिनी।”

यूहन्‍ना 16:16 Referans Kwoze

यूहन्‍ना 7:33

येशूका मेर्मिमलाई र्‍वाम्‍डी, “गानीनुङ गो किचो़ कोङङा बुङु, मेम्‍मा गोलाई थु़र्पाकाडा लङु।

थु़र्मा 1:3

क्रूसडा सिम्‍डिम चङ्‌डा गुमीका हापा ल्‍वामिमलामका मेर्मिमकु ङादोडा सिमुलाम बम्‍गेम्‍डिम र्‍वाक्‍पा रेम्‍बेम्‍डी। मेर्मिमनुङ गुमी ब्‍ल धु़म (४०) नेमसम्‍म ल्‍वाला सो़म्‍सिम्‍डी, मा माम्‍चु़नीकु किब्‍दीकु दुथाम सीट्‌मिडी।

यूहन्‍ना 16:28

पापकामलामका सु़म्‍दिसेरडा गो योङडो, मा ओम्‍लो सु़म्‍दिसेर डिट्जो़लुमा पापकालाङा ख्‍लोङ्‌सिङु।”

यूहन्‍ना 16:22

मेम्‍साकाङा ओम्‍लो इनीमा न-गो ख्राम, लावो आथावो गो गानीलाई रेम्‍निनी, मा इनीमा न-गो भ्रसी। मेराम इनी न-गो भ्रसी सु़का वो गानीलाम मेरोनिमी।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

यूहन्‍ना 16:5

“गोलाई थु़र्पाकाडा ओम्‍लो गो लक्‍तोङा बेउ मा वो ‘गानी बान्‍ते लनिमिम?’ र्‍वाक्‍साका गानी सु़का वो गोलाई हिला मेबोङिनी।

यूहन्‍ना 13:33

“ए चो़च्‍चो़नी, गो गानीनुङ घरिकोङ कोङङा दु़म्‍ङु। गानी गोलाई माल्‍ङिनी, मा यहूदीमिमलाई र्‍वाङ्‌डोम होङ्‍ङा गानीलाई वो र्‍वाङु, गो बान्‍ते लक्‍तोङा लेट्‌पु, मेसिन्‍डा गानी रोमु मेचाम्‍नी।

यूहन्‍ना 12:35

येशूका मेर्मिमलाई र्‍वाम्‍डी, “आथावो घरिकोङसम्‍म ओल गानीनुङ दु़म। ओल गानीनुङ बुलो लाम्‍दिनी, मा तुकुम्‍चिमका गानीलाई मेहुम्‍निनु। तुकुम्‍चिमडा लाम्‍दिपा मु़चु़का गु बान्‍ते लक्‍तोङा लेडु़, मेराम मेच।

मर्कूस 16:19

मेर्मिमनुङ जेमु डु़म्‍मिडिमा येशू पाह्रीथो़ कोम्‍सिम्‍डी, मा माम्‍चु़नीकु जो़पलामका गन्‍मिडी।

यूहन्‍ना 17:13

“ओम्‍लो गो इनीमाडा गेत्तोङा लेट्‌पु। लावो गो सु़म्‍दिसेरडा आथावो बुङुलो ओर्मिम ल्‍वा र्‍वाङु, मेम्‍साका छो़म आमा न-गो भ्रसी मेर्मिमकु गोगोडा दु़म्‍नु़।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

यूहन्‍ना 16:10

गो आमा पापकाला लङुमिमलामका माम्‍चु़नीनुङ जो़पा दु़म्‍ङुमिम र्‍वाक्‍पा गुमीका सु़म्‍दिसेरलाई रेम्‍बेन्‍मी। मेम्‍मा ल्‍वाला मेसो़ङ्‌सिङु।