12 “गो गानीलाई र्वामु बासिक्पा ल्वा ने आथावो बु, लावो मेराम ओम्लो गानी इनीमा नडा लु़न्बेन्मु मेचाम्नी।
आथा ने गो गानीलाई डु़ल्चो़ मेर्वाङु, हेङालोने उमा नेमहपका हाम बु़, मेराम डु़ल्चो़का मेच। मेम मेर्वाक्साका गो गानीलाई ङोप्सो़नी र्वाङु, हेङालोने आमा पापलामका थो़उतोम खोत्ले ल्वा गानीनुङ सो़उतोम बु।
मेर्मिमका थेसिथेट्मिडिमसम्म येशूका आरेप्माम ङा वाङमिम छो़म सेर्पा सीसि-सो़म्दी नुङ सिजेम दो़म्डी।
क्रूसडा सिम्डिम चङ्डा गुमीका हापा ल्वामिमलामका मेर्मिमकु ङादोडा सिमुलाम बम्गेम्डिम र्वाक्पा रेम्बेम्डी। मेर्मिमनुङ गुमी ब्ल धु़म (४०) नेमसम्म ल्वाला सो़म्सिम्डी, मा माम्चु़नीकु किब्दीकु दुथाम सीट्मिडी।
गानीनुङ जेमु थारी हापा गोनुङ मिबु, हेङालोने ओराम सु़म्दिसेरडाम साखामचो़ रोक्तोङा लेडु़। मेरामका गोलाई हाम वो बोमु ने मेचाम्ङी।
मेम्मा निया दु़म्पाकु दुथाम सु़म्दिसेरका ख्लो़ड्डु़म बु, हेङालोने ओराम सु़म्दिसेरकु साखामचो़लाई देन्दे ग्वाक्पा मुलु़ दु़स्ल्याड्डाम बु।
गुमी आच्छाङाम पेल योमिमा गुमीका गानीलाई आच्छाङाकाम खोत्ले ल्वाथो़ क्रिनिमी। गुमीका उनी त्वाकु नका मेजेमी। गुमीका हाम थो़मी मेराम कोङङा जेमी, मा दिफु दु़म्पा ल्वाकु दुथाम गानीनुङ सो़मी।