यूहन्‍ना 16:11 - थुलुङ राई

¹¹ मेम्‍मा निया दु़म्‍पाकु दुथाम सु़म्‍दिसेरका ख्‍लो़ड्‌डु़म बु, हेङालोने ओराम सु़म्‍दिसेरकु साखामचो़लाई देन्‍दे ग्‍वाक्‍पा मुलु़ दु़स्‍ल्‍याड्‌डाम बु।

यूहन्‍ना 16:11 Referans Kwoze

यूहन्‍ना 12:31

ओराम सु़म्‍दिसेरकु निया दु़म्‍पा थारी रोक्‍फाड्‌डाम बु। ओराम सु़म्‍दिसेरकु साखामचो़ शैतान पाखानो घ्रोला सो़सी।

१ यूहन्‍ना 3:8

उहेम मु़चु़का छु़ल बु़ मेराम शैतान सो़, हेङालोने शैतानका सु़म्‍दिमोलोमङा छु़ल बेत्तो गेड्‌डाम सो़। शैतानकु ओराम खारी छो़रो़प बोमु लागि माम्‍चु़नीकु तारापाचो़ रेम्‍बेम्‍सिम्‍डिम सो़।

हिब्रू 2:14

माम्‍चु़नीकु जाउमो तारापाचो़मिमकाम आरेप्‍माम मिरो़म बु, मेराम मिरो़म सिमिमका येशू वो मेर्मिम होप्‍माम मु़चु़ दु़म्‍मिडी। मेम्‍साकाङा गुमी सिम्‍डी मा सिमुलाम रेट्‌पा शैतानडला घ्‍ल्‍वाम्‍डी,

कलस्‍सी 2:15

मेम्‍मा येशू ख्रीष्‍ट क्रूसडला सिम्‍डिमलामका माम्‍चु़नीका साखाम नुङ यु़म बाट्‌पा खोत्‍ले पेलमिमडला घ्‍ल्‍वाम्‍डिमी। मेकोतिमा खोत्‍लेकु ल्‍वाहोमडा मेर्मिमकु क्रो़म फुल्‍साम्‍डी।

२ कोरिन्‍थी 4:4

मेर्मिमकु दुथाम र्‍वाकी माला, माम्चु़नीकु ङाली बुमिम ख्रीष्‍टकु यु़म-झ्‍वासिक्‍पा जो़पा-सेलाकु ओल मेर्मिमका मेल्‍वामिनु़ र्‍वाक्‍साका ओराम सु़म्‍दिसेरडाम नो़पका थो़रमेलु़पा मु़चु़मिमकु न ब्‍लो़प्साड्‍डु़मिम बु।

यूहन्‍ना 14:30

गानीनुङ जेमु थारी हापा गोनुङ मिबु, हेङालोने ओराम सु़म्‍दिसेरडाम साखामचो़ रोक्‍तोङा लेडु़। मेरामका गोलाई हाम वो बोमु ने मेचाम्‍ङी।

रेम्‍बेट्‌मिडिम ल्‍वा 1:7

रेप्‍नी, येशू खासेडलामका योमुङा खाप्‍मी, मेम्‍मा खोत्‍ले मु़चु़मिमका गुमीलाई मिक्‍सीका ल्‍वामी। गुमीलाई क्रूसडला चेट्‌पामिमका वो गुमीलाई ल्‍वामी। मेम्‍मा सुबुडाम खोत्‍ले दोचो़गोडाम मु़चु़मिम गुमीडाम खोर्सेक्‍तो ख्राम्‍मि-दुमी। आरेङा दु़म्‍नु़। आमेन।

२ पत्रुस 3:7

मेराम सिजेमकाङा ओम्‍लोम सुबु नुङ पाह्री मुका ख्‍याबेन्‍मु लागि जु़ल्‍मा बु। मेर्चिपलाई माम्‍चु़नीकु लाम्‍दीडा लाम्‍मेदिपा मु़चु़मिम पुयु़लुमिलोम निया दु़म्मिम नेमसम्‍म जु़ल्‍मा बु।

हिब्रू 9:27

खोत्‍लेका ङा कोखेम सिमु बासी मा मेराम चङडा माम्‍चु़नीका उमा निया बोमी।

हिब्रू 6:2

कु-रु़दु़ममिमकु दुथाम सीसि, मु़चु़मिमडला ल्‍वा जु़ल्‍साका सो़म्‍दी बेपा, सिमुलाम बम्‍गेट्‍पा मा हेल्‍लो लोवो दु़म्‍पा देन्‍देकु दुथाम ने ङादो माम्‍चु़नीडला थो़र लु़न्‍निलोङा सीसिट्‌निम बाइडा। मेम्‍मिमका आरेप्‍माम ल्‍वामिम आथावो गानी सीसिमुमबुमु मेबासी।

एफिसी 2:2

मेराम थारीका गानी सु़म्‍दिसेरडाम छु़लचो़मिम होम्‍साका दोन्‍थाल्‍नी। गानी मुनाङ पेलमिमकु हपका र्‍वाक्‍ताम थो़न्‍थाल्‍नी। मेरामका ओम्‍लो माम्‍चु़नीका र्‍वामिमिम मेथो़पा मु़चु़मिमगोडा साखाम थो़त्तो बु़।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

थु़र्मा 10:42

मु़चु़मिमलाई जो़पा-सेला थो़बेन्‍मुमी, मा सिपा नुङ नु़पामिमकाम नियाबेपा माम्‍चु़नीका थुट्‌मिडिम मु़चु़ येशू ङा सो़ र्‍वाक्‍साका सो़मु गुमीका गुकुलाई र्‍वाम्‍डिम बु।

लूका 10:18

गुमीका मेर्मिम मु़चु़लाई र्‍वाम्‍डी, “ब्‍ल्‍याक्‍ची ओपा होङङा पाह्रीलामका शैतान आल्‍स्‍ताम गो ल्‍वाउतो।

मत्ती 12:36

गो गानीलाई र्‍वाङु, मु़चु़मिमका मेजो़पा हेङा जेम्‍डी, निया दु़म्मिम नेम मेराम माम्‍चु़नीनुङ सो़मु बासी।

मत्ती 12:18

“गो छेत्तोम आमा डु़ल्‍चो़ आसिन्‍डा बु, गुलाई गो द्‌वाक्‍पु, मा गुनुङ गो गेर्सिद्‌वाक्‍पा बुङु, गो आमा पेलका गुलाई लु़ट्‌पु, मा गुका खोत्ले सामाकाम मु़चु़मिमलाई मेर्मिम सेल्‍सिमिमिमकु दुथाम सो़यु़।

रोमी 16:20

न-गो भ्रसिबेट्‍पा माम्‍चु़नीका शैतानलाई दालाङा इनीमा फेम-खेलगोयु़ दु़म्‍बेन्‍मी। इकीमा ङाचो़ येशूकु दिदाम गानीडला दु़म्‍नु़।

रोमी 2:16

मु़चु़मिमका थक्‍साका जु़ल्‍मिडिम ल्‍वा ने माम्‍चु़नीका निया बोमिमिम नेम खोत्‍ले मु़चु़मिमगोडा येशू ख्रीष्‍टलाम रेम्‍बोमी। ओर्मिम ल्‍वा गो दो़उतोम जो़पा-सेला होप्‍माम ङा दु़म।

थु़र्मा 26:18

मा गाना मेर्मिमकु मिक्‍सी ह्‌वाक्‍साडामी, मेर्मिम तुकुम्‍चिमलामका ओलडा ख्‍लोम्‍सिमिनु़, मा शैतानकु यु़मलामका माम्‍चु़नीडा रोमिनु़। आरेसाका गोडला बोमिमिम उनी थो़रका मेर्मिमकु उनी छु़ल हेम्‍सी, मा माम्‍चु़नीका छेट्‌मिडिम मु़चु़मिमकु बाखोपडा मेर्मिमका बुमु ल्‍वामी।’

थु़र्मा 24:25

लावो पावलका, “माम्‍चु़नीकु ङादोडा हाम जो़पा बु, मे ङा बोमु बासी, त्‍वापलाई जो़होमका जु़ल्‍मु बासी, माम्‍चु़नीका खोत्‍लेकाम निया बेपा थारी रोक्‍तोङा लेडु़” र्‍वाक्‍तालो फेलिक्‍स ङिस्‍तामा र्‍वाक्‍ता, “आनेप आकोतिङा, गाना लना लोवो नु़, दिफु वो गो येनी!”

यूहन्‍ना 16:12

“गो गानीलाई र्‍वामु बासिक्‍पा ल्‍वा ने आथावो बु, लावो मेराम ओम्‍लो गानी इनीमा नडा लु़न्‍बेन्‍मु मेचाम्‍नी।