9 “आमा पापका गोलाई रिखाम बेङ्डिमिम होङ्ङा गो वो गानीलाई रिखाम बेन्निनिम बु। गानी आमा रिखामडा बानिहोम बानी।
गोलाई बेङ्डिनिम इनीमा रिखाम मेर्मिमकाडा दु़म्नु़, मा गो आ त्वाप मेर्मिमकाडा दु़म्ङुनु़ र्वाक्साका गो गानीलाई थो़रलु़पामिमकाडा छेबेट्निनिम बु मा छेबेनिनिमिम बुङु।”
आमा चो़च्चो़ होप्माम मु़चु़नी, ख्रीष्टडा बानिम बानी, मेम्साका गुमी रेम्बेम्सिप्मिलो मेङिसिनु़ मा गुमी योमिलो उनी ङादोडा इकीमा क्रो़म मेलु़नु़।
माम्चु़नीकु दुथाम सो़मुडा थो़रलु़इमिम, सिमुलाम बग्गेट्पामिमगोडाम खोत्लेडाम ङादोम, मा सुबुडाम हपमिमडला साखाम थो़पा येशू ख्रीष्टलाम वो दिदाम नुङ न-भ्रसी ल्वानिनु़। येशू ख्रीष्ट, उहेमका गुइलाई रिखाम बेसामी मा गुमी सिम्डिम उनीमा सिसिका गुइलाई इकी छु़लमिमलाम वाङ बेसाड्डामी,
त्वाकु ङोप्सो़काम लागि त्वाकु साम फ्यामुडाममा डोक्पु रिखाम सु़काम वो मेदु़म।
आमा न-भ्रसी गानीगोडा दु़म्नु़, मा इनीमा न-गो भ्रम्सिमु हाम वो मेबासिक्पा दु़म्नु़ र्वाक्साका गो गानीलाई ओराम ल्वा र्वाङडोम।
मा गानी नुङ माम्चु़नीकु खोत्ले सेपा मु़चु़मिमका ख्रीष्टकु रिखाम हाङको भापा, हाङको धु़पा, हाङको येपा, हाङको घ्लु़म्पा मिम्मु मेझापा डोक्पु बु र्वाक्पा थेसिथेन्मु चाम्निनु़ र्वाक्साका गो सो़म्दी बेउ।
लावो द्वादीबुङ ङोप्सो़नी, छो़म सेपा इनी थो़रलु़सीडा बर्तो लक्नी, मा माम्चु़नी-पेलडा सो़म्दी बेनी।
पापका तारापाचो़लाई रिखाम बोमी, मा खोत्ले उनीमा ल्वाडाङा ग्वाम्डिम बु।