यूहन्‍ना 15:8 - थुलुङ राई

⁸ गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

यूहन्‍ना 15:8 Referans Kwoze

यूहन्‍ना 8:31

येशूका गुमीडा थो़र लु़पा यहूदीमिमलाई र्‍वाम्‍डी, “आमा सिजेम होम्‍साका गानी दोन्‍नी माला गानी आमा आच्‍छाङा सीसिपामिम सो़।

मत्ती 5:16

मेम्साकाङा इनीमा जो़पा खारीमिम झ्‍वामिनु़मा मु़चु़मिमका ल्‍वामिनु़। मेम्‍मा पाह्रीलाम इनीमा पापकु नङ खोत्‍लेका कोमिनु़।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

यूहन्‍ना 15:5

“गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

यूहन्‍ना 13:35

गानी रिखाम बेबेन्‍नी माला ओरामलामका गानी आमा सीसिपा रेछा र्‍वाक्‍साका खोत्‍ले मु़चु़का चमी।”

१ कोरिन्थी 10:31

मेम्‍मिमका गानी पोनी डुनी हाम बोनी लोवो माम्‍चु़नी डोक्‍पु दु़म्‍मिनु़।

१ कोरिन्थी 6:20

गानीलाई माम्‍चु़नीका थि सोक्‍साका भ्रेन्‍निमिम सो़। मेम्‍मिमका गानी इनी मिरो़मकाङा माम्‍चु़नीलाई डोक्‍पु बेनी।

लूका 6:35

लोवो इनी स्‍वाक्‍चिमो मु़चु़मिमलाई रिखाम बेनी, मेर्मिमलाई जो़पा बेनी। चङडा मेर्मिमलाम मेख्‍लोक्‍पा नका मेर्मिमलाई लोखा ग्‍वाक्‍नी। मेम्‍मा गानी डोक्‍पु पुरस्‍कार ल्‍वानी, मा गानी खोत्‍लेडाम घ्‍ल्‍वापा माम्‍चु़नीकु चो़-चु़सु़ दु़म्‍नी, हेङालोने माम्‍चु़नीका आला-तोमा मान्‍थिम मु़चु़ नुङ मेजो़पा मु़चु़डला वो न-थो़म रेम्‍बोमी।

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।

तीतस 2:10

डु़ल्‍चो़मिमका मेखुम्‍सामिनु़, लावो छो़म थो़रलु़इमिम दु़म्‍मु चाम्‍मिनु़। आरे बेसाका गुइलाई सेल्‍पा माम्‍चु़नीकु सीसि जो़पा बु र्‍वाक्‍पा मेर्मिमका खोत्‍ले ल्‍वाडा रेम्‍बोमिनु़।

तीतस 2:5

मा त्‍वापलाई जो़होमका जु़ल्‍पा, सेपा न-गोनुङमा दु़म्‍पा, नेम-किम जो़होमका रेपा, न-थो़मनुङमा नुङ उनी वोचु़कु ल्‍वाडा बुमु सीमिनु़-चेमिनु़। मेम्‍साका माम्‍चु़नीकु सिजेमकु दुथाम सु़का वो मेजो़पा जेमु मेल्‍वामिनु़।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

मत्ती 9:8

सेर्पा मु़चु़का ओराम ल्‍वाम्‍डिमा छो़म ङिम्‍डी। मु़चु़मिमलाई आरेप्‍माम यु़म माम्‍चु़नीका ग्‍वाम्‍डिमका मेर्मिमका माम्‍चु़नीकु नङ कोम्‍डी।