यूहन्‍ना 15:7 - थुलुङ राई

⁷ गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

यूहन्‍ना 15:7 Referans Kwoze

१ यूहन्‍ना 5:14

माम्‍चु़नी फार्डा इकीमा ओराम थो़र बु, उनीमा न होङङा गुइ हाम-हुम बिइडी माला गुइ र्‍वाकिमिम ल्‍वा गुमीका थो़मी।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

मत्ती 7:7

“बिनी मा गानी ल्‍वानी, माल्‍नी मा गानी डार्नी, नेमगोनो हुमु लागि हेलाबेनी, मा इनीमा लागि लाम्‍चोको होल्‍सी।

यूहन्‍ना 16:23

मेनेम गानी गोलाई हाम वो हिला मेबोनी। आच्‍छाङा गो गानीलाई र्‍वाङु, गानी आमा नङडा हाम बिनी, मेराम आमा पापका गानीलाई ग्‍वानिमी।

गलाती 5:16

मेम्‍मिमका गो र्‍वाङु, माम्‍चु़नी-पेलका र्‍वामिम होम्‍साका दोनी, मेम माला इनीमा नकु को-कोक्‍सी होम्‍साका मेजो़पा मेबोनी।

१ यूहन्‍ना 2:27

ख्रीष्‍टका ग्‍वाक्‍निमिम माम्‍चु़नी-पेल गानीगोडा दु़म्‍मिहोम बुमी, मा गानीलाई सु़का वो सीमु मेबासी। गुमीका ग्‍वाक्‍निमिम माम्‍चु़नी-पेलका आच्‍छाङाकाम खोत्‍ले ल्‍वाडा सीनिमी, लिमा ल्‍वाडा मेएँ। माम्‍चु़नी-पेलका सीनिमिमिम होम्‍साका ख्रीष्‍टडा गानी दु़म्‍निहोम बानी।

१ यूहन्‍ना 2:14

ङावानी, गो गानीलाई ओराम र्‍याक्‍तोङा बेउ, हेङालोने खोत्‍ले प्रङ्‌सिमु ङादो आथामङा बाट्पा येशू ख्रीष्‍टलाई गानी छेनी। स्‍वालानी, गो गानीलाई ओराम र्‍याक्‍तोङा बेउ, हेङालोने गानी इनी न-गोडा सोनुङमा बुनी, मा माम्‍चु़नीकु सिजेम इनीमा नडा बु। मेम्‍मा शैतानडला गानी घ्‍ल्‍वान्‍निम बु।

कलस्‍सी 3:16

ख्रीष्‍टकु सिजेम हाङकोलो लोवो इनीमा न-गोडा जु़ल्साका नु़निम बानी। सीबोनिलो नुङ मुलु़ ग्‍वाबोनिलो नेप्‍चीनुङमाका बेनी। माम्‍चु़नीकु सिजेमगोडाम काम्‍सो, उनीमा नङ कोमु काम्‍सो नुङ उनीमा दुथाममिम वाङमिम काम्‍सोमिम बेत्तो माम्‍चु़नीलाई न-गोलामका आलासो़ ग्‍वाक्‍नी।

यूहन्‍ना 8:37

गानी अब्राहामकु चो़-चु़सु़ र्‍वाक्‍साका गो चक्‍पु। लावो गानी गोलाई सेन्‍मु माल्‍तोङा लेन्‍ङिनी, हेङालोने इनीमा न-गोडा आमा सिजेमकु बाखोप मिबु।

गलाती 4:2

गु चो़च्‍चो़ बुलो उमा पापका र्‍वाम्डिम थ कोति गु रोथिमिमसम्‍म गुलाई क्रिपा नुङ रेपा मु़चु़का र्‍वामिम ल्‍वा थो़मु बासी।

यूहन्‍ना 8:31

येशूका गुमीडा थो़र लु़पा यहूदीमिमलाई र्‍वाम्‍डी, “आमा सिजेम होम्‍साका गानी दोन्‍नी माला गानी आमा आच्‍छाङा सीसिपामिम सो़।