यूहन्‍ना 15:6 - थुलुङ राई

⁶ गोगोडा मेदु़म्‍पा मु़चु़ घ्रोला सो़सिक्‍पामा साट्‌पा ग्रेममिम होप्‍माम दु़म। आरेप्‍माम ग्रेममिम मु़चु़मिमका खोम्‍मिमा मुगोडा घ्रोम्‍सोमी, मा मेराम घ्रु़।

यूहन्‍ना 15:6 Referans Kwoze

मत्ती 7:19

मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुगोडा घ्रोमी।

यूहन्‍ना 15:2

मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

मत्ती 13:41

मिनीचो़का उ पाह्रीचो़मिमलाई थु़र्सु़मी, मा छु़ल बेबेट्‌पामिम नुङ खोत्‍ले रु़चो़मिमलाई मेर्मिमका उ किब्‍दीलामका ख्‍लुम्‍सोमी।

मत्ती 3:10

धक्‍सामिमकु फारगोयु़ खोका फल्‍मुङा खाप्‍डु़मिम बु। मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुड्‌डा घ्रोमी।

२ पत्रुस 2:20

मेर्मिमका इकी ङाचो़ नुङ गुइलाई सेल्‍पा येशू ख्रीष्‍टलाई छेसाका वो सु़म्‍दिसेरडाम मेजो़पालाम स्‍वामी। मेम्‍मा आथावो मेरामथो़ङा दु़म्‍मिमा मेरामकु डु़ल्‍चो़ दु़म्‍मी माला ङादो बाम्‍डिमडाम वो छो़म मेजो़पा दु़म्‍मी।

हिब्रू 10:27

लावो ङिमलु़पा निया लम्‍थामु नुङ माम्‍चु़नीकु स्‍वाक्‍चिमो छो़रो़प बेपा डोक्‍पु मु कोङङा दु़म।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

मत्ती 27:5

मेकोतिमा यहूदाका मेराम खउलुङ सो़रनेमगोनो घ्रोक्‍तु़मा लस्‍ता, मा मेराम चेस्‍तामा सिडा।

रेम्‍बेट्‌मिडिम ल्‍वा 21:8

लावो ङिजो़ल्‍पा, थो़र मेलु़पा, घ्रामलु़पा खारी बेपा, मु़चु़ सेट्‌पा, वाङमिम मेसेमनुङ अम्‍पा, मुनाङका थो़पा सो़र्मुनुङमा, ङाटा सेव साट्‌पा नुङ खोत्‍ले लिमाचो़मिम ने गन्‍धक वाक्‍तोङा बेपा ङिमलु़पा मुकु भुल्‍मु गोडा दु़म्‍मी। ओराम ननोम सिसि सो़।”