यूहन्‍ना 15:5 - थुलुङ राई

⁵ “गो अङ्‍गूरकु रो़ल सो़, मा गानी ग्रेममिम। कोङनिम मु़चु़ गोगोडा दु़म माला गो गुगोडा दु़म्‍ङुमा मेरामका हापा मा सिन्‍बेडु़। गोडाम फ्‍वासिक्‍साका गानी हाम वो बोमु मेचाम्‍नी।

यूहन्‍ना 15:5 Referans Kwoze

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

कलस्‍सी 1:10

मेम्‍मा ङाचो़का न बोमिमिम होङङा गानी बुमु चाम्‍नी मा गुमीलाई गेर्सीबेट्‌पा खारी हेल्‍लो लोवो बोनी, गानी खोत्‍ले जो़पा खारी बोनी मा माम्‍चु़नीलाई हापा छेत्तो लनी।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

२ कोरिन्‍थी 13:8

गुकु आच्‍छाङाकाम ल्‍वाकु कोर्थो़लाममिम खारी हाम वो बोमु मेचाम्‍कु, लावो आच्‍छाङाकाम लागि कोङङा खारी बोमु चाम्‍कु।

यूहन्‍ना 5:19

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, तारापाचो़ उ त्‍वाकाङा हाम वो बोमु मेचाप्‍सु़। पापका हाम बोमिमिम ल्‍वासु़ मेराम कोङङा बु़। पापका हाम बु़ तारापाचो़का मेमङा बु़।

याकूब 1:17

आच्‍छाङाकाम नुङ जो़पा खोत्‍ले राप्‍लावा पाह्रीलाममिम सो़। ओराम ओल प्रङ्‌पा माम्‍चु़नीलाम यो। ख्‍लोसिक्‍पाम बाट्‌पा रिम्‍जुङ होम्‍साका गुमी ने हेल्‍लो वो मेख्‍लोम्‍सिमी।

२ पत्रुस 3:18

लावो इकीमा ङाचो़ नुङ गुइलाई सेल्‍पा येशू ख्रीष्‍टकु दिदामडा बर्तो लक्‍नी मा गुमीलाई छेत्तो लक्‍नी। ओम्‍लो नुङ हेल्‍लो लोवो उनी यु़म झ्‍वानु़म बुनु़। आमेन।

यूहन्‍ना 12:24

आच्‍छाङा गो गानीलाई र्‍वाङु, जेप्‍सेरकु मा क्‍वाडला हुम्‍साका मेसियावा माला मेराम उ त्‍वापङा दु़म। लावो मेराम सिडा माला मेरामका हापा मा सिन्‍बेडु़।

रोमी 7:4

आमा वा-ल्‍वाकनी, गानी वो ख्रीष्‍टकु मिरो़मनुङ डु़म्‍लाकाम लागि सिन्‍निम बु। मेम्‍मिमका जो़पा मा-के सिन्‍बेडिमिम होम्‍साकाङा माम्‍चु़नीकु जो़पा खारी बोमु चापा दु़म्‍मु लागि गुइ ने सिमुलाम बग्‍गेसाका त्‍वारो़म ल्‍वापानुङ कोले दु़म्‍सी।

फिलिप्‍पी 1:11

माम्‍चु़नीलाई डोक्‍पु बोमु नुङ उनीमा नङ कोमु लागि येशू ख्रीष्‍टका गानीलाई जो़पा बेसी-दोसी बेपा दु़म्‍बेनिमिनु़।

यूहन्‍ना 9:33

गुमी माम्‍चु़नीलाम मेयोक्‍मिवाम माला ने गुमीका हाम वो बोमु मेचाप्‍मिवा।”

फिलिप्‍पी 4:17

गो ख्‍लो़ला सो़सिमु मालुमिम मेएँ, लावो गानी ग्‍वानिमका माम्‍चु़नीलाम ल्‍वानिमिम इनीमा पुरस्‍कार काम्‍सिक्‍तो लनु़ र्‍वाक्‍पा आमा न बु।

रोमी 6:22

आथा ने गानी छु़लडाम वाङ दु़म्‍निम बु मा माम्‍चु़नीकु डु़ल्‍चो़ दु़म्‍निम बु। ओरामका गानीलाई सेपा दु़म्‍बेनी मेम्‍मा हेल्‍लो वो मेसिपा त्‍वारो़म ल्‍वानी।

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

१ कोरिन्थी 12:12

मु़चु़कु मिरो़म गोडा हापा अंग बुमी, लोवो मे खोत्‍ले दु़म्‍साका कोलेङा मिरो़म बनेदु़म। ख्रीष्‍ट वो मेप्‍मामङा सो़।

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।

१ कोरिन्थी 12:27

गानी ख्रीष्‍टकु मिरो़म, मा गानी खोत्‍ले ने मेराम मिरो़मडाम भाग सो़।

एफिसी 5:9

हेङालोने ख्रीष्‍टकु ओलडा दु़म्‍पा मु़चु़ ने जो़पा बेपा, माम्‍चु़नीकु मिक्‍सीलामडा घ्रेट्‍पा मा थो़र लु़इमिम दु़म।

२ कोरिन्‍थी 9:10

फोन्‍मु लागि भ्रल नुङ पोमुथोक माम्‍चु़नीका ग्‍वाक्‍सामी। मेम्‍मा गानी चाहेबोनिमिम खोत्‍ले भ्रल गुमीका ग्‍वानिमी मा ल्याबेन्मी, मा ग्‍वा-ग्‍वा द्‌वाक्‍पा इनीमा न-गोका ग्‍वानिमका इनीमा जो़पा खारी बेसीडा गुमीका बर्बेत्तो लनिमी।

कलस्‍सी 1:6

मेराम जो़पा-सेला इनीमाडा रोक्‍ताम बु। सु़म्‍दिसेर खोत्‍लेथो़म हापा छो़म मु़चु़मिमका मेराम सेलाडा थो़र लु़मिम बुमी, मा मेराम जो़पा-सेलाका उनीमा बासी-दोसीडा जो़पा बु़डु़म बु। माम्‍चु़नीकु दिदाम गानी थो़न्‍नी मा आच्‍छाङा थेसिथेट्‌निलो आथाम मेराम सेलाका गानीगोडा वो मेमकाङा खारी बु़होम बु।

रोमी 12:5

मेम्‍साका ङा गुइ हापा बुइ लोवो गुइ ख्रीष्‍टकाम कोलेङा मिरो़म सो़ मा गुइ खोत्‍लेङा कोले कोङमीकु अंग सो़।

१ कोरिन्थी 10:16

ङाचो़ येशूकु ग्रुला पेखोपडा कान्‍चु़रे रसाका गुइ माम्‍चु़नीलाई आलासो़ ग्‍वाकी। हाम गुइ कान्‍चु़रेलाम डुङिलो ख्रीष्‍टकु सीसिडा दो़दो़वा डार्स्‍तिम मेएँ मा? मेम्‍मा गुइ सो़बेम चक्‍साका पिइरिलो हाम गुइ ख्रीष्‍टकु मिरो़मकु दो़दो़वा डार्स्‍तिम मेएँ मा?

मत्ती 13:21

लावो मेराम दु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म। मेम्‍मा गुका थो़र लु़डामका दु़खा ग्‍वामिमा उ थो़मतेर्सामिलो थो़र लु़मु डिथाडु़।