यूहन्‍ना 15:26 - थुलुङ राई

²⁶ “जेप्‍साक्‍पा योमी, उहेमलाई पापलामका गो गानीडा थु़रु। पापलामका योक्‍पा आच्‍छाङाम पेल गुमी, गुमीका आमा दुथाम सो़मी।

यूहन्‍ना 15:26 Referans Kwoze

यूहन्‍ना 14:26

लावो जेप्‍साक्‍पाका खोत्‍ले सीनी, मा गो र्‍वाङ्‌डोम खोत्‍ले मिम्‍बेनिमी। जेप्‍साक्‍पा ओराम ने माम्‍चु़नी-पेल सो़, उहेमलाई पापका आमा नङडा थु़र्मी।

थु़र्मा 5:32

गुकु ओर्मिम खोत्‍ले ल्‍वा आकी मिक्‍सीका ङा ल्‍वात्तोकोम बु, मा गुमीका र्‍वामिमिम थो़पामिमलाई माम्‍चु़नीका ग्‍वाम्‍डिम उनी पेलका वो मेराम सो़मी।”

थु़र्मा 15:8

न-गोडाम ल्‍वा चक्‍पा माम्‍चु़नीका मेर्मिमलाई वो गुइलाई होम्‍साका ङा उनी पेलका लु़ट्‌मिडी, मा गुमीका मेर्मिमलाई रम्‍डिम ल्‍वा रेम्‍बेम्‍डी।

लूका 24:49

रेप्‍नी, आमा माम्‍चु़नीका ङादो इनीमाडा उनी पेल थु़रु र्‍वाम्‍डिम बाइडा, मेराम गो थु़रु। लावो माम्‍चु़नी-पेल योमी मा पाह्रीलाम यु़मका गानीलाई मेलु़थु़मसम्‍म गानी ओराम शहरडाङा बानिम बानी।”

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

हिब्रू 2:4

माम्‍चु़नीका वो छेखोपमिम, हापा खालकाम हेल्‍लो वो मेल्‍वाम्‍मा खारीमिम नुङ यु़मनुङमा खारीमिम रेम्‍बेसाका, मा उनी नकाङा मेर्मिमलाई दो़म्‍साम्‍डिम माम्‍चु़नी-पेलकु राप्‍लावामिमलाम ओराम ल्वा आच्‍छाङा र्‍वाक्‍साका रेम्‍बेम्‍डी।

१ कोरिन्थी 1:6

ख्रीष्‍टकु दुथाम सो़त्तोकोम ल्‍वा गानी जो़होमका थो़र बेन्‍नी।

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 8:42

येशूका मेर्मिमलाई र्‍वाम्‍डी, “माम्‍चु़नी इनीमा पाप बामिवाम माला ने गानी गोलाई रिखाम बेङिनिवा, हेङालोने माम्‍चु़नीलामका गो इनीमाडा रोङ्‌डो। गो आमा त्‍वाकु नका रोङ्‌डोम मेएँ, लावो गुमीका गोलाई थु़र्ङिडिमिम।

थु़र्मा 1:4

कोलेम येशू उनी सीसिपामिमनुङ ग्रुला पेप्‍डा गन्‍मिडिलो गुमीका आरे र्‍वाम्‍डिम बाइडा, “माम्‍चु़नीका गानीलाई हाम ग्‍वानिनी र्‍वाक्‍साका याचे जेम्‍डिम बाइडा, मेरामकु दुथाम गो गानीलाई ङादो ङा र्‍वाङडोम बु, गानी यरूशलेमडाम वाङथो़ मेलक्‍साका लन्‍थाट्‌नी।