यूहन्‍ना 15:25 - थुलुङ राई

²⁵ लावो डु़म्‍लाडा आरेसाका र्‍याक्‍मा ल्‍वा होङ्‍ङा रोम्‍थिमु लागि आरेप्‍माम दु़स्‍ताम बाइडा: ‘मेर्मिमका गोलाई मेडेङा मेद्‌वाङमिवा।’

यूहन्‍ना 15:25 Referans Kwoze

लूका 24:44

गुमीका मेर्मिमलाई र्‍वाम्‍डी, “गो ङादो गानीनुङ बाङडोलो मोशाकु डु़म्‍लाडा, माम्‍चु़नीलाम-जेपामिमकु खाजेमडा नुङ कोमु काम्‍सोकु खाजेमडा आमा दुथाम र्‍वाक्‍मा खोत्‍ले ल्‍वा रोम्‍थिमुङा बासी” र्‍वाङ्‌डोमा सो़उतोम बाइडा।

२ कोरिन्‍थी 11:7

माम्‍चु़नीकु जो़पा-सेला गानीलाई हाम वो मेरसाका मेडेङा थो़बेट्‌निनिमा गो आ त्‍वाप याक्‍के दु़म्‍ङोडो मा गानीलाई डोक्‍पु दु़म्‍बेट्‌निनी। हाम आरे बेउतोमका गो छु़ल बेउतो?

रेम्‍बेट्‌मिडिम ल्‍वा 21:6

गुमीका गोनुङ र्‍वाम्‍डी, “खोत्‍ले बोम्‍सोमु दु़स्‍ता। अल्‍फा नुङ ओमेगा, खोत्‍ले चो़म्‍सी बेट्‌पा नुङ हुक्‍सोक्‍पा गोङा। सु़ कोरा सि गो मेराम मु़चु़लाई त्‍वारो़म ग्‍वाक्‍पा कु पुन्‍खोपलामका पुट्‌पा कु मेडेङा थो़पु।

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

२ थेसलोनिकी 3:8

गुकु खउलुङ मेसोक्‍साका सु़काम वो मेडे मेपेसाक्‍कुवा-मेडुसाक्‍कुवा। लावो गानी सु़लाई वो दु़खा मेग्‍वामु र्‍वाक्‍साका नेम्‍फु-सिन्‍था खारी बेत्तोको।

गलाती 2:21

माम्‍चु़नीकु दिदाम गो हाम ना हामकाम मेमिम्‍पु। हेङालोने डु़म्‍लाका माम्‍चु़नीकु ङादोडा मुमा मान्‍थिम दु़म्‍बेडु़ माला येशू ख्रीष्‍ट क्रूसडा चेन्‍ला सो़सिम्‍डिम ने हाम ना हामकाम दु़म।

रोमी 3:24

लावो माम्‍चु़नी न-थो़मनुङमा बुमी मा उनीमा दिदामलामका मु़चु़मिमलाई ख्रीष्‍ट येशूडा मुमा मान्‍थिम नुङ जो़पा न-गोकाम दु़म्‍बेट्‌मिडी। हेङालोने खोत्‍ले मु़चु़का ल्‍वामु बासिक्‍पा देन्‍दे येशू ख्रीष्‍ट उनी त्‍वाका ल्‍वाम्‍डिमा छु़ललाम वाङ बेसाड्‍डामिम बु।

रोमी 3:19

डु़म्‍लागोडाम ल्‍वा ने डु़म्‍लाका र्‍वामिम थो़पा मु़चु़मिमकाम लागि र्‍वाक्‍साका गुइ चडिम बु। मेम्‍मिमका खोत्‍ले मु़चु़मिमकु सि ड्‍यासी मा सु़म्‍दिसेरडाम मु़चु़मिमलाई माम्‍चु़नीकु ङादोडा येम्‍सिबेन्‍मी।

यूहन्‍ना 10:34

येशूका मेर्मिमलाई र्‍वाम्‍डी, “हाम इनीमा डु़म्‍लाडा ‘गो र्‍वाङडो, गानी नो़पमिम’ र्‍वाक्‍साका र्‍याक्‍मा मिबु?

यूहन्‍ना 19:36

“कोले वो उनीमा सेर मेज” र्‍वाक्‍पा माम्‍चु़नीकु सिजेम होङ्‍ङा रोम्‍थिमु आरे दु़स्‍ताम।

मत्ती 10:8

नो़पा मु़चु़मिमलाई सबेट्‌नी, मा सिपा मु़चु़मिमलाई सिमुलामका फक्‍नी, जोन बेट्‌पा मु़चु़मिमलाई सेपा दु़म्‍बेट्‌नी, मुनाङमिमलाई कोल्‍नी। मेडेङा गानी ल्‍वान्‍नी, मेडेङा वाङमिमलाई वो ग्‍वाक्‍नी।

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’