यूहन्‍ना 15:21 - थुलुङ राई

²¹ गानी आमा सीसिपा दु़म्‍निमका मेर्मिमका गानीलाई मेम बोनी, हेङालोने मेर्मिमका गोलाई थु़र्पा पापलाई मेछेमी।

यूहन्‍ना 15:21 Referans Kwoze

मत्ती 10:22

गानी आमा चङचङ लाम्‍दिपा दु़म्‍निमका खोत्‍ले मु़चु़मिमका गानीलाई मेद्‌वानी। लावो उहेम मु़चु़ दिफुसम्‍म थो़रलु़होम बु, मेराम मु़चु़ सेल्‍सी।

यूहन्‍ना 16:3

मेर्मिमका आरेप्‍माम खारी बोमी, हेङालोने मेर्मिमका पापलाई वो छेट्‌मिडिम मिबु, मा गोलाई वो छेट्‌ङिडिमिम मिबु।

यूहन्‍ना 8:19

मेम्‍मा मेर्मिमका गुमीलाई हिलाबेम्‍डी, “इमा पाप बान्‍ते बुमी?” येशूका मेर्मिमलाई र्‍वाम्‍डी, “गानी गोलाई छेङिनी ना आमा पापलाई छेनी। गानी गोलाई छेङ्‌निवा माला आमा पापलाई वो छेनिवा।”

मत्ती 24:9

“मेकोतिमा मु़चु़मिमका गानीलाई चु़म्‍नीमा इनीमा थो़मतेर्बेन्‍मी, मा सेन्‍बेन्‍मी। गोडला गानी थो़रलु़न्‍निमका खोत्‍ले सामामिमका गानीलाई मेद्‌वानिमी।

मत्ती 10:18

आमा दुथाम गानीलाई साखामचो़ नुङ हपमिमकाडा लनी। मेम्‍मा मेर्मिम मु़चु़ नुङ वाङसामा मु़चु़मिमलाई आमा दुथाम सो़पा गानी दु़म्‍नी।

थु़र्मा 5:41

माम्‍चु़नीका मेर्मिमलाई येशूकु नङडा नाप्‍छु़न्‍ला सो़म्‍सिमु घ्रेट्‌पा दु़म्‍बेट्‌मिडी र्‍वाक्‍तो गेर्सिक्‍तो मेर्मिम मे डोक्‍पु घ्रो़म्‍दीलामका लुम्‍डिमा लम्‍डी।

रेम्‍बेट्‌मिडिम ल्‍वा 2:3

गानी गोडला थो़र बेन्‍निमका हाम वो मेर्‍वाक्‍साकाङा दु़खामिम इम्‍तोङा लेनी। मेम्‍मा थो़र बोमु डिट्‌निम मिबु।

२ थेसलोनिकी 1:8

गुमी मुकु भुल्‍मुडा योमिमा माम्‍चु़नीलाई मेछेपामिम, मा इकीमा ङाचो़ येशू ख्रीष्‍टकु जो़पा-सेला होम्‍साका मेबेपामिमलाई देन्‍दे ग्‍वामी।

१ कोरिन्थी 15:34

न छ्‌याक्‍नी मा छु़ल बोमु डिट्‌नी। गो इनी क्रो़मलु़बेन्‍मु लागि र्‍वाङु, गानीगोडा याङका माम्‍चु़नी छेट्‌मिडिमङा मिबु।

१ कोरिन्थी 2:8

ओराम सु़म्‍दिसेरडाम साखामचो़मिम सु़का वो ओराम ल्‍वा थेसिमेथेट्‌मिवा। मेर्मिमका थेसिथेट्‌मिवाम माला यु़म-झ्‍वासिक्‍पा ङाचो़लाई क्रूसडा मेचेट्‌मिवा।

रोमी 1:28

माम्‍चु़नीकु दुथाम चम्‍डिम ल्‍वा मेर्मिमका बोमु मेद्‍वाक्‍मिवामका गुमीका मेर्मिमलाई उनी मेजो़पा खारीङा बोमिनु़ र्‍वाक्‍साका डिट्‍जो़ल्‍मिडी।

थु़र्मा 17:23

ओराम शहरडा खिर्सिङडोलो इनीमा नो़पखोममिम वो रेप्‍तो। कोङ सासेन्‍खोप खोमडा ‘उ नङ मेचमा नो़पकाम लागि’ र्‍वाक्‍साका र्‍याक्‍मा बाइडा। गानी मेछेसाका ङा सेव साट्‌निम मेराम नो़पकु दुथाम ओम्‍लो गो सो़त्तोङा बेउ।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

थु़र्मा 3:17

“वा-ल्‍वाकनी, गानी मेचक्‍साका मेम बेन्‍नी र्‍वाक्‍पा गो चक्‍पु, मा इनी साखामचो़मिमका वो मेम ङा बेम्‍डी।

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

लूका 6:22

मिनीचो़डला थो़र लु़न्‍निमका मु़चु़मिमका मेद्‌वानिमी, सामालामका ख्‍लुनिमी, मा रिन्‍सानिमी, मेम्‍मा मेजो़पा मिम्‍मिमा गानीलाई डक्‍साका जेमी माला गानी आलाकाम सो़।

मत्ती 10:39

उहेमका उ त्वाकु साम जु़ल्‍मु माल्‍लु़, मेरामका त्‍वारो़म मेल्‍वासु़। उहेमका गु गोनुङ लाम्‍दिडामका उ साम फ्‍याक्‍सु़, मेरामका त्‍वारो़म ल्‍वासु़।

मत्ती 5:11

“गानी आमा सीसिपा दु़म्‍निमका मु़चु़मिमका डक्‍साका जेमी, मा इनी थो़मतेर्मी, मेम्‍मा इनीमा दुथाम खोत्‍ले मेजो़पा ल्‍वा जेसाका लिमा थेन्‍मी, गानी ने जिनुङमा सो़।

मर्कूस 13:13

मेकोतिमा आमा दुथाम खोत्‍लेका गानीलाई नाप्‍छु़निमी, लावो हुक्‍पा थारीसम्‍म ङा इम्‍सिसाका बाट्‌पामिम कोङङा सेल्‍सिमी।

लूका 21:12

“लावो ओर्मिम खोत्‍ले ल्‍वामिम दु़म्‍मु ङादो गानी आमा सीसिपा दु़म्‍निमका मु़चु़मिमका गानीलाई चु़म्‍नी, मा इनी थो़मतेर्मी। घ्रो़म्‍दीनेममिमबाडे रो़-रो़न्‍थु़त्तो लनिमी मा झ्‍यालखानडा चनिमी। मेम्‍मा हपमिम नुङ किब्‍दी साखामचो़मिमकु ङादोडा हिलाहिसी बेप्‍डा येम्‍सिबेनिमी।

लूका 21:17

गानी आमा सीसिपामिम दु़म्‍निमका खोत्‍ले मु़चु़मिमका गानीलाई मेद्‌वानी।

यूहन्‍ना 8:55

गुमीलाई गानी मेछेनी लोवो गो छेपु। गो गुमीलाई मेछेपु र्‍वाङ्‌डो माला गानी होप्‍मामङा गो वो लिमाचो़ दु़म्‍ङु। लावो गो गुमीलाई छेपु, मा उनी सिजेम होम्‍साका दोङु।

यूहन्‍ना 15:24

मेर्मिमकु ङादोडा वाङमिम सु़का वो मेबेमिवाम खारीमिम गो मेबेउवाम माला मेर्मिम छु़लकु मुमा बेन्‍ला मेसो़सिप्‍मिवा। लावो मेर्मिमका यु़मखारीमिम ल्‍वाम्‍डिम बु, मा वो गो नुङ आमा पापलाई मेद्‌वाचिकी।

यूहन्‍ना 17:25

“जो़पा खारी बेपा पाप, सु़म्‍दिसेरडाम मु़चु़मिमका गानीलाई मेछेनी, लावो गो गानीलाई छेनिनी। मेम्‍मा गानी गोलाई थु़र्ङिडिनिम र्‍वाक्‍पा मेर्मिमका चमी।

थु़र्मा 4:17

लावो ओराम ल्‍वा वाङथो़ मेफोन्‍सिनु़ र्‍वाक्‍साका ‘आनेपडाम्‍मा ओराम नङडा गाची सु़नुङ हाम वो मेर्‍वाक्‍ची वो’ र्‍वाक्‍साका ङिमसान्‍मुचि बासी।”

थु़र्मा 9:14

आसिन्‍डा वो ओरामका इनीमा नङ रपा खोत्‍लेलाई बन्‍मु साखाम ङाउ डु़म्‍लाचो़मिमलाम ल्‍वास्‍तु़म बु।”

थु़र्मा 26:9

“नासरतडाम येशूडा थो़रलु़पामिमलाई छो़म उनीमा थो़मतेर्सामुमिबासी र्‍वाक्‍पा गो वो मिम्‍तोम बाइडा।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

३ यूहन्‍ना 1:7

हेङालोने ङाचो़ ख्रीष्‍टकु खारी बोमु लागि मेर्मिम मु़चु़ थो़र मेलु़पा मु़चु़मिमलाम हाम वो मेरसाका लाम्‍दिम्‍डिम सो़।