यूहन्‍ना 15:2 - थुलुङ राई

² मा मेसिट्‌पा आमा खोत्‍ले ग्रेममिम गुमीका फल्‍मी। मा सिट्‌पा खोत्‍ले ग्रेममिमलाई आथावो हापा मा सिट्‌नु़ र्‍वाक्‍साका स्‍याङमी।

यूहन्‍ना 15:2 Referans Kwoze

मत्ती 3:10

धक्‍सामिमकु फारगोयु़ खोका फल्‍मुङा खाप्‍डु़मिम बु। मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुड्‌डा घ्रोमी।

मत्ती 15:13

लावो येशूका र्‍वाम्‍डी, “कोङनिमका मेख्‍लियु़वाम विरुवा बुलु़मिम होङङा, उनीमा साखाम मान्‍थिका सीमिमिम मु़चु़मिमकु सीसिलाई पाह्रीलाम आमा पापका हाम ना हामकाम दु़म्‍बेन्‍मी।

रेम्‍बेट्‌मिडिम ल्‍वा 3:19

उहेम-उहेमलाई गो रिखाम बेउमी, मेर्मिमलाई गो भुरुमी मा सीमु लागि यालु़मी। मेम्‍मिमका इमा सो हन्‍बेडा, मेजो़पा खारी बोमु डिसाका माम्‍चु़नीथो़ ख्‍लोसा।

यूहन्‍ना 15:8

गानी हापा मा सिन्‍बेसाका गानी आमा सीसिपा र्‍वाक्‍पा रेम्‍बेनी, मा मेरामका आमा पापकु यु़म झ्‍वा।

मत्ती 13:12

हेङालोने उहेमका माम्‍चु़नीकु किब्‍दीकु दुथाम थेसिथेन्‍मु न बु़, माम्‍चु़नीका गुलाई थेसिथेन्‍बेन्‍मी, मा उमा नेप्‍ची बर्बेन्‍सामी। लावो उहेमका थेसिथेन्‍मु न मेबु़, मेरामका कि-कि थेसिथेडु़मिम वो थेसिङा मेथेट्‌पा माम्‍चु़नीका दु़म्‍बेन्‍मी।

मत्ती 3:12

स्‍याक्‍पा उनी स्‍वाफेमका जेप्‍सेर स्‍यामुङा खाप्‍मिमिम बु। मेम्‍मा गुमीका उनी देल्‍फु जो़होमका छिमी मा उनी जेप्‍सेर छेदेनेमडा खोप्‍साका जु़ल्‍मी, लावो होक्‍ते ने हेल्‍लो वो मेसिपा मुगोडा चामी।”

मत्ती 21:19

लाम्‍दी फार्डा गुमीका कोले बैससीकु धक्‍सा ल्‍वाम्‍डी। मेरामकु मा बु डे र्‍वाक्‍साका गुमी मेसिन्‍डा लम्‍डी, लावो उ ब्‍लाम कोङङा बाइडा। मेकोतिमा गुमीका मे धक्‍सालाई र्‍वाम्‍डी, “आथाडा आनो हेल्‍लो वो इमा मा मेसिट्‌नु़।” मेम्मा बैससीकु धक्‍सा साट्‌ल्‍याड्‌डा।

हिब्रू 12:15

कोलेका कोले रेम्‍बेनी, मेम्‍साका सु़ वो माम्‍चु़नीकु दिदाम ल्‍वामुडाम वाङ मेदु़म्‍नु़। न-गो खेम्‍ल्‍यामुकु सक्‍फार बर्साका दु़खा ग्‍वाक्‍पा होप्‍माम मेदु़म्‍नी, मेएँ माला ने ओरामका हापा मु़चु़मिमलाई मेसेपा दु़म्‍बेडु़मी।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

लूका 8:13

लुङदुडा झुक्‍पा भ्रल ओर्मिम ङा सो़, उहेमका माम्‍चु़नीकु सिजेम थो़मिमा गेर्सिद्‌वाक्‍तो रमी। लावो धु़प्‍पा सक्‍फार मान्‍थिम भ्रल होङङा हापा थो़र मेलु़पा दु़म्‍मी। लावो मेजो़पा ल्‍वालामका उनी न छाम्‍सिमिम थारीका माम्‍चु़नीडा थो़र लु़मु डिन्‍मी, मा गुमीडाम वाङ दु़म्‍मी।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

तीतस 2:14

खोत्‍ले मेजो़पा ल्‍वाडाम फ्‍वामु नुङ सेपा दु़म्‍साका जो़पा खारी बोमु छो़म माल्‍पा उनी त्‍वाकु मु़चु़मिम दु़म्‍बेन्‍मु लागि येशू ख्रीष्‍ट सेन्‍ला सो़म्‍सिम्‍डी।

१ कोरिन्थी 13:1

गो मु़चु़मिमकु हापा सामाकाम ल्वा नुङ पाह्रीचो़मिमकु ल्‍वा जेङु, लावो आगोनो रिखाम मिबु माला गो ने सेका-सेका येपा पिङमा नुङ घ्रो कोङङा दु़म्‍ङु।

रोमी 8:28

माम्‍चु़नीलाई रिखाम बेपा मा गुमीका उनीमा त्‍वाकु न होम्‍साका छेट्‌मिडिम मु़चु़मिमकाम लागि खोत्‍ले ल्‍वाडा माम्‍चु़नीका जो़पा दु़म्‍बेन्‍मी र्‍वाक्‍साका गुइ चडिम बु।

यूहन्‍ना 17:12

गो आसिन्‍डा बाङडोम थारीका गानी ग्‍वाङ्‌डिनिम नङकु यु़मका मेर्मिमलाई बोत्तोमी-थार्तोमी, मा इनीमा सिजेम होङङा मेर्मिमगोडाम कोले कोङङा पुयु़लुस्‍ता।

मत्ती 13:33

येशूका आथावो मेर्मिमलाई कोङमी सीसि-सो़म्‍दी र्‍वाम्‍डी, “पाह्री-किब्‍दी लङखाम होप्‍मामङा सो़। मेराम लङखाम कोले मेसेमका सो़बेम चामु लागि न-ङोले (२५) किलोग्राम फुलडा ङोल्‍लु़। मे खोत्‍ले फुलङा लङखामका लिस्‍तु़।”

मत्ती 7:19

मेम्‍मिमका जो़पा मा मेसिट्‌पा खोत्‍ले धक्‍सा रु़प्‍मी, मा मुगोडा घ्रोमी।

मत्ती 25:29

उहेमनुङ बु, मेरामका आथावो ल्‍वासु़, मा मेराम लिट्‌पा दु़म। लावो उहेमनुङ मिबु, मेरामनुङ बाट्‌पा वो रोन्‍ला सो़सी।

मर्कूस 4:20

लावो मे जो़पा क्‍वाड्‌डा फोट्‌मा भ्रल ने ओर्मिमङा, उहेमका सिजेम थो़मी मा नडा रमी, मा कोलेका सु धु़म (३०) कोति छो़म, कोङमीका रु धु़म (६०) कोति छो़म नुङ कोङमीका को सङ (१००) कोति छो़म मा फिमी।”

यूहन्‍ना 15:1

“गो आच्‍छाङाकाम अङ्‍गूरकु रो़ल सो़, मा अङ्‍गूर रेपा आमा पाप बुमी।

यूहन्‍ना 15:3

गो गानीलाई र्‍वाङ्‌डोम सिजेमका गानी बासीङा सेपा दु़म्‍मु दु़म्‍निम बु।

यूहन्‍ना 15:6

गोगोडा मेदु़म्‍पा मु़चु़ घ्रोला सो़सिक्‍पामा साट्‌पा ग्रेममिम होप्‍माम दु़म। आरेप्‍माम ग्रेममिम मु़चु़मिमका खोम्‍मिमा मुगोडा घ्रोम्‍सोमी, मा मेराम घ्रु़।

रोमी 11:17

कोङनिम यहूदीमिम जो़पा जैतूनकु दक्‍सालाम फल्‍मामा घ्रोक्‍मा ग्रेम होप्‍माम बुमी। लावो गानी वाङसामामिम ने सो़ब्‍दीडाम जैतून होप्‍माम लोवो जो़पा जैतूनकु ग्रेमडा केप्‍साका कोले ङा दु़म्‍निम बु। आथा ने गानी कोलेङा दक्‍साकु फारलामका यु़म नुङ त्‍वारो़म ल्‍वानी।

रोमी 11:22

मेम्‍मिमका माम्‍चु़नी न-थो़मनुङमा बुमी मा गुमीका र्‍वामिमिम होङङा मेबेपामिमलाई देन्‍दे ग्‍वामी र्‍वाक्‍पा ल्‍वा जो़होमका मिम्‍नी। लावो माम्‍चु़नीकु दिदामगोडा बुनिम बुनी माला गानीडला उनीमा न-थो़म रेम्‍बोमी मेएँ माला गानी वो क्रिम्‍ला सो़सिनी।