18 “सु़म्दिसेरडाम मु़चु़मिमका गानीलाई मेद्वानिवा माला ङादो गोलाई मेद्वाङिमी र्वाक्पा गानी चन्जो़ल्नी।
आमा वा-ल्वाकनी, सु़म्दिसेरका गानीलाई मेद्वानिमी माला ङाङाया मेदु़म्नी।
गानीलाई मेद्वाक्पा मु़चु़ सु़म्दिसेरडा सु़वो मेबुमी। लावो सु़म्दिसेरडाम मु़चु़मिमका गोलाई ने मेद्वाङिमी, हेङालोने मेर्मिमकु खारी बेसी मेजो़पा बु र्वाक्साका गो सो़उ।
मेजो़पा खारी बेपा खोत्ले मु़चु़का ओल मेद्वामी, मा मेर्मिमकु छु़लमिम रेम्बेम्सिप्मि र्वाक्पा ङिमका ओलकु फार्डा मेलमी।
मेकोतिमा आमा दुथाम खोत्लेका गानीलाई नाप्छु़निमी, लावो हुक्पा थारीसम्म ङा इम्सिसाका बाट्पामिम कोङङा सेल्सिमी।
मिनीचो़डला थो़र लु़न्निमका मु़चु़मिमका मेद्वानिमी, सामालामका ख्लुनिमी, मा रिन्सानिमी, मेम्मा मेजो़पा मिम्मिमा गानीलाई डक्साका जेमी माला गानी आलाकाम सो़।
गानी आमा चङचङ लाम्दिपा दु़म्निमका खोत्ले मु़चु़मिमका गानीलाई मेद्वानी। लावो उहेम मु़चु़ दिफुसम्म थो़रलु़होम बु, मेराम मु़चु़ सेल्सी।
रेप्नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्चु़नीकु चो़मिम र्वामी, मा आच्छाङा गुइ उनीमा चो़च्चो़मिमङा सो़। सु़म्दिसेरडाम मु़चु़मिमका माम्चु़नी मेछेमिवा, मेम्मिमका गुइलाई मेछेसामी।
“गानी आमा सीसिपा दु़म्निमका मु़चु़मिमका डक्साका जेमी, मा इनी थो़मतेर्मी, मेम्मा इनीमा दुथाम खोत्ले मेजो़पा ल्वा जेसाका लिमा थेन्मी, गानी ने जिनुङमा सो़।
नाम्सु़रु़ बेपानी, सु़म्दिसेरनुङ ङोप्सो़बुङ दु़म्मु माम्चु़नीलाई नाप्छु़न्मु सो़ र्वाक्पा ल्वा गानी मेचनी? उहेमका सु़म्दिसेरनुङ ङोप्सो़बुङ दु़म्मु न बु़, मेराम माम्चु़नीकु स्वाक्चिमो मु़चु़ दु़म।
इकीमा थो़र चो़म्पा मा बेप्सोक्पा येशूडला इकीमा मिक्सी बिइ। गुमीका उनीमा ङादोडा जु़ल्मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्मिडी। मेम्मा साखाम थो़मिम बुमिमिम माम्चु़नीकु जो़पलाम गन्तासिट्मी।
मेम्मा आरे दु़म्मु लथाक्पा मु़चु़ खोत्लेका येशू ख्रीष्ट छु़ल मान्थिम बुमिमिम होङङा त्वापलाई छु़ल मान्थिम दु़म्बेन्मी।
“मेकोतिमा मु़चु़मिमका गानीलाई चु़म्नीमा इनीमा थो़मतेर्बेन्मी, मा सेन्बेन्मी। गोडला गानी थो़रलु़न्निमका खोत्ले सामामिमका गानीलाई मेद्वानिमी।
“गानी ताङताहेरथो़ मेलक्नी र्वाक्साका ओराम ल्वा गो गानीलाई र्वाङ्डोम।
आमाडा गानी दु़म्साका इनीमा न-गो भ्रसिनु़ र्वाक्साका गो गानीलाई ओराम ल्वा र्वाङडोम। ओराम सु़म्दिसेरडा गानीलाई दु़खा दु़म, लावो रुखु फिन्नी, सु़म्दिसेरडला गो घ्ल्वाङडोम बु।”
मेसिन्डा मेर्चिपका थो़रलु़पामिमलाई उनी थो़र बर्बेसाक्चिमी, मा उनी थो़रलु़सीडा सो हन्बेट्साक्चिमी। मेर्चिपका र्वाक्ची, “गुइ माम्चु़नीकु किब्दीगोडा हुमु हापा मेझापातो दु़खा ल्वामु बासी।”