यूहन्‍ना 15:11 - थुलुङ राई

¹¹ आमा न-भ्रसी गानीगोडा दु़म्‍नु़, मा इनीमा न-गो भ्रम्‍सिमु हाम वो मेबासिक्‍पा दु़म्‍नु़ र्‍वाक्‍साका गो गानीलाई ओराम ल्‍वा र्‍वाङडोम।

यूहन्‍ना 15:11 Referans Kwoze

रोमी 15:13

सेल्‍सिमु ल्‍वापा न ग्‍वाक्‍पा माम्‍चु़नीडा गानी थो़रलु़न्‍निम बु। गुमीका गानीलाई न-गो भ्रसिबेन्‍मिनु़। मेम्‍साकाङा माम्‍चु़नी-पेलकु यु़मका मेराम ल्‍वापा इनीमा नगोडा गानी बर्तो लमु चापा दु़म्‍नी।

यूहन्‍ना 17:13

“ओम्‍लो गो इनीमाडा गेत्तोङा लेट्‌पु। लावो गो सु़म्‍दिसेरडा आथावो बुङुलो ओर्मिम ल्‍वा र्‍वाङु, मेम्‍साका छो़म आमा न-गो भ्रसी मेर्मिमकु गोगोडा दु़म्‍नु़।

यूहन्‍ना 16:24

ओम्‍लोसम्‍म गानी बिन्‍निम मिबु। बिनी, मा गानी ल्‍वानी, मा गानी छो़म भ्रन्‍सिनी।

१ यूहन्‍ना 1:4

गानी छो़म भ्रसी द्‌वाक्‍नी र्‍वाक्‍साका गानीलाई गुकु ओराम र्‍याकुम बुकु।

१ पत्रुस 1:8

गुमीलाई गानी ल्‍वान्‍निम मिबु लोवो गुमीलाई रिखाम बोनी। ओम्‍लो गुमीलाई गानी मेल्‍वानी लावो गुमीडा थो़रलु़नी, मा सो़मु मेझापा छो़म डोक्‍पु न-भ्रसी ल्‍वानी।

२ यूहन्‍ना 1:12

गो गानीलाई र्‍वामु बासिक्‍पा ल्‍वा ने हापाङा बु लावो कागज नुङ मसीका र्‍यामु आमा न मिबु। मेम मेबेसाका, गुइ छो़म गेर्सिडिनु़ र्‍वाक्‍साका इनीमाडा रोमुमा रेम-रेम बेसाका ल्‍वाबोमु आमा न बु।

यूहन्‍ना 16:33

आमाडा गानी दु़म्‍साका इनीमा न-गो भ्रसिनु़ र्‍वाक्‍साका गो गानीलाई ओराम ल्‍वा र्‍वाङडोम। ओराम सु़म्‍दिसेरडा गानीलाई दु़खा दु़म, लावो रुखु फिन्‍नी, सु़म्‍दिसेरडला गो घ्‍ल्‍वाङडोम बु।”

२ कोरिन्‍थी 1:24

इनीमा थो़रलु़सीडला गुकु साखाम थो़मु लागि मेएँ, लावो इनीमा न भ्रम्‍सिमु लागि गानीनुङ खारी बोमु न बोकु, हेङालोने इनीमा थो़र छो़म सोनुङमा बु।

१ थेसलोनिकी 5:16

हेल्‍लो लोवो इनीमा नगोडा भ्रन्‍सिट्‌नी।

लूका 15:32

लावो गुइ आनेप पोमु-डुमुमा गेर्सिद्‌वामु बासिक्‍पाङा बु, हेङालोने इमा ल्‍वाक सिडाम बाइडा, लावो आथा नु़पाङा ख्‍लोसिड्‌डामा रोक्‍ता, दाम्‍स्‍ताम बाइडा, ओम्‍लो ख्‍लोस्‍तामा इकीमाडा रोक्‍ताम बु’।”

लूका 15:9

दाम्‍स्‍ताम खउलुङ डारु़मिम चङडा गुका उ ङोप्‍सो़मिम नुङ उ साउखोरेमिमलाई येडु़मिमा र्‍वा, ‘गुइ गेर्सिडी, हेङालोने दाम्‍स्‍ताम आमा खउलुङ गो डार्तो।’

फिलिप्‍पी 1:25

ओराम ल्वा आच्‍छाङा लु़ङ्‍डोमका गो नु़पाङा दु़म्‍ङु, मा गानी थो़र लु़सीडा बर्तो लमु नुङ भ्रम्‍सिमु लागि गानी खोत्‍लेनुङ दु़म्‍ङुम बुङु र्‍वाक्‍पा ल्वा गो चक्‍पु।

एफिसी 5:18

डु़का सेट्‍पा मेदु़म्‍नी, हेङालोने मेरामका इनी त्‍वापलाई पुयु़ लुबेनी, लावो हेल्‍लो लोवो माम्‍चु़नी-पेलका लु़न्‍सिट्‌पा दु़म्‍नी।

यूहन्‍ना 3:29

लारेमा लारेपाकामङा सो़। लारेपाकु फार्डा उ ङोप्‍सो़ येम्‍सी, मा उमा ल्‍वा थो़साका छो़म भ्रसिद्‌वा। मेम्‍माङा गो छो़म भ्रसिक्‍पा बुङु।

लूका 15:5

मे दाम्‍पा भेन्‍दा डारु़मिम चङडा गेर्सिद्‌वाक्‍तो गुका उ बालामडला मेरामलाई कुडु़,

लूका 15:23

मेम्‍मा चाडकाम लागि डु़ल्‍मा बेनो फल्‍साका खोक्‍नी, मा गुइ पिइ-डुङीमा गेर्सिद्‌वाकी।