यूहन्‍ना 14:6 - थुलुङ राई

⁶ येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 14:6 Referans Kwoze

थु़र्मा 4:12

येशू ख्रीष्‍टका कोङङा सेल्‍मु चाप्‍सामी, वाङमिम सु़का वो सेल्‍मु मेचाप्‍सा, हेङालोने सुबुडाम मु़चु़मिमगोडा गुइ सेल्‍सिमुलाई उहेम वो नङ ग्‍वाक्‍मा मिबु।”

यूहन्‍ना 10:9

हुखोप लाम्‍चोको गोङा सो़, उहेम मु़चु़ गोलामका गोनो हु मेराम सेल्‍सी। नेमगो-पाखा हुपा लुक्‍पा बु़ मा जाखोप ल्‍वासु़।

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

यूहन्‍ना 1:4

गुमीडा त्‍वारो़म बाइडा, मा मेराम त्‍वारो़म मु़चु़मिमकु ओल बाइडा।

१ यूहन्‍ना 5:20

माम्‍चु़नीकु तारापाचो़ योम्‍डिम बुमी, मा आच्‍छाङाकाम माम्‍चु़नीलाई गुइ छेडिनु़ र्‍वाक्‍साका गुमीका गुइलाई न ग्‍वाक्‍साड्‌डामिम बु र्‍वाक्‍पा गुइ चडिम बु। गुइ माम्‍चु़नीडा बुइ हेङालोने उनीमा तारापाचो़ येशू ख्रीष्‍टडा गुइ बुइमिम बु। गुमी कोङङा आच्‍छाङाकाम माम्‍चु़नी मा हेल्‍लो वो मेसिपा त्‍वारो़म गुमीङा।

यूहन्‍ना 1:14

सिजेम मु़चु़ दु़म्‍मिडी, मा गुकुगोडा बाम्‍डी। गुकु उनीमा यु़म-झ्‍वाक्‍सी ल्‍वात्तोको। मेराम यु़म-झ्‍वाक्‍सी पापकामलाम योक्‍पा कोलेङा तारापाचो़काम होप्‍माम छो़म दिदामनुङमा नुङ आच्‍छाङाकाम बाइडा।

यूहन्‍ना 1:17

हेङालोने माम्‍चु़नीका मोशालामका डु़म्‍ला ग्‍वाक्‍साड्‌डामी, लावो दिदाम नुङ आच्‍छाङाकाम ल्‍वा ने येशू ख्रीष्‍टलाम रेम्‍बेम्‍डी।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

यूहन्‍ना 8:32

मेम्‍मा गानी माम्‍चु़नीकु दुथाममिम आच्‍छाङाकाम ल्‍वा थेसिथेनी, मा मे आच्‍छाङाकाम ल्‍वाका गानीलाई फ्‍वानी।”

१ पत्रुस 3:18

इकीमा छु़लमिमकाम लागि ख्रीष्‍ट सिम्‍डी। कोखेप गुमी सिम्‍डिम बाइडा, आथा ने सिमु मेबासी। गुमीका हेल्‍लो वो छु़ल मेबेमिवा लावो गानीलाई माम्‍चु़नीकाडा रेन्‍मु छु़लचो़मिमकाम लागि गुमी सिम्‍डी। मिरो़मडा सिसाका गुमीका दु़खा ल्‍वाम्‍डी, लावो पेलडा गुमी नु़साका बम्‍गेम्‍डी।

यूहन्‍ना 5:21

पापका सिपा मु़चु़मिमलाई फमिमा मेर्मिमलाई मेसिपा त्‍वारो़म ग्‍वामी। मेम्‍साकाङा तारापाचो़का उहेमलाई उ ग्‍वाग्‍वाद्‌वा मेरामलाई मेसिपा त्‍वारो़म ग्‍वाकु़।

२ यूहन्‍ना 1:9

ख्रीष्‍टकु सीसिडा हेल्‍लो लोवो मेबाट्‌पा मा ओरामडाम हेम्‍साका लक्‍पा मु़चु़नुङ माम्‍चु़नी मेदु़म्‍मी। ख्रीष्‍टकु सीसिडा बाट्‌पाम बाट्‌पा मु़चु़काडा पाप नुङ तारापाचो़ निफिङा दु़म्‍मी।

रेम्‍बेट्‌मिडिम ल्‍वा 20:15

उहेमकु नङ त्‍वारो़मकु खाजेमडा र्‍याक्‍मा मेबायावा, मेराम मु़चु़लाई कोङनिमका मुकु भुल्‍मु गोनो छाघ्रोक्‍तु़।

यूहन्‍ना 15:1

“गो आच्‍छाङाकाम अङ्‍गूरकु रो़ल सो़, मा अङ्‍गूर रेपा आमा पाप बुमी।

मत्ती 11:27

“आमा पापका खोत्‍ले ल्‍वा आमा ल्‍वाड्‌डा ग्‍वाङ्‌डिमिम बु। पापका कोङङा तारापाचो़लाई छेमी। तारापाचो़का कोङङा पापलाई छेडु़, मा तारापाचो़का सु़-सु़नुङ पापलाई छेबेपा न बु़, मेर्मिमका वो पापलाई छेमी।

यूहन्‍ना 6:51

त्‍वारो़म ग्‍वाक्‍पा पाह्रीलामका योक्‍पा सो़बेम गोङा सो़। कोङनिमका ओराम सो़बेम पु़ माला मेराम हेल्‍लो लोवो नु़होम बु। ओराम सो़बेम ने आमा मिरो़म सो़, सु़म्‍दिसेरडाम मु़चु़मिमका त्‍वारो़म ल्‍वामु लागि मेराम ग्‍वाक्‍पुमी।”

रेम्‍बेट्‌मिडिम ल्‍वा 22:17

माम्‍चु़नी पेल नुङ लारेमाका आरे र्‍वामी, “योक्‍नी।” मेम्‍मा उहेमका थो़सु़ मेरामका “योक्‍नी” र्‍वानु़। सु़ कोरा सिपा बु, मेराम रोनु़, मा सु़का न बु़, त्‍वारो़म ग्‍वाक्‍पा कु मेरामका मेडेङा डुङ्‌नु़।

यूहन्‍ना 8:51

आच्‍छाङा गो गानीलाई र्‍वाङु, कोङनिम मु़चु़ आमा सिजेम होम्‍साका दोस्‍ता माला मेराम मु़चु़ हेल्‍लो वो मेसि।”

१ यूहन्‍ना 2:23

सु़का येशूलाई माम्‍चु़नीकु तारापाचो़ मेर्‍वा गु माम्‍चु़नीनुङ मेलाम्‍दी। लावो सु़का येशूलाई माम्‍चु़नीकु तारापाचो़ र्‍वा गु माम्‍चु़नीनुङ लाम्‍दी।

यूहन्‍ना 10:28

मेर्मिमलाई मेसिपा त्‍वारो़म ग्‍वाक्‍पुमी, मा मेर्मिम हेल्‍लो वो पुयु़ मेलुमी, मा सु़का वो मेर्मिमलाई आमा ल्‍वालामका रोसाका लमु मेचाप्‍सु़।

यूहन्‍ना 18:37

पिलातसका र्‍वाक्‍ता, “मेएँ माला हाम गाना हपङा?” येशूका र्‍वाम्‍डी, “गो हप र्‍वाक्‍साका गानी जो़पाङा र्‍वानिम बुनी। ओरामकाम लागिङा गो गङ्‌डोम, मा आच्‍छाङाम ल्‍वा सो़मु लागि गो सु़म्‍दिसेरडा योङडोम। आच्‍छाङाकाम ल्‍वाथो़ सु़-सु़ बुमी, मेर्मिमका आमा ल्‍वा थो़मी।”

यूहन्‍ना 6:33

हेङालोने माम्‍चु़नीकु सो़बेम गुङा सो़, मेराम पाह्रीलाम यो, मा सु़म्‍दिसेरडाम मु़चु़मिमलाई त्‍वारो़म ग्‍वाकु़मी।”

यूहन्‍ना 14:19

घरिकोङडाम्‍मा सु़म्‍दिसेरडाम मु़चु़मिमका गोलाई मेल्‍वाङिमी, लावो गानी ने गोलाई ल्‍वाङिनी। गो नु़ङुमिमका गानी वो नु़नी।

यूहन्‍ना 6:57

त्‍वारो़म ग्‍वाक्‍पा पापका गोलाई थुर्ङिडिमिमा नु़बेट्‌ङिडिमिम होम्‍साकाङा आमा मिरो़म पेपा मु़चु़लाई वो गो नु़बेट्‌पु।

१ पत्रुस 2:4

ङाचो़ येशूडा रोक्‍नी, गुमी नु़बेट्‌पा लुङ सो़। गुमीलाई मु़चु़मिमका पार्मिडिम लुङ लावो माम्‍चु़नीका छेट्‌मिडिम मा छो़म डोक्‍पु मिम्‍मुका घ्रेट्‌पा बुमी।

यूहन्‍ना 10:7

मेम्‍मिमका येशूका आथावो मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, भेन्‍दामिमकु हुखोप लाम्‍चोको गोङा सो़।

रोमी 5:2

येशू ख्रीष्‍टडा बिइडिम थो़रलामका गुमीका गुइलाई माम्‍चु़नीकु दिदामगोडा रेसाड्‍डामिम बु। ओम्‍लो गुइ मेराम दिदामगोडा बुइ। गुइ माम्‍चु़नीकु यु़म-झ्‍वाक्‍सीगोडा दु़म्‍पा न बेत्तो गेर्सी द्‍वाकी।

कलस्‍सी 3:4

ख्रीष्‍ट, इनीमा आच्‍छाङाकु त्वारो़म बुमी, मा गुमी सु़म्‍दिसेरडा रेम्‍बेम्सिमिलो गानी वो गुमीनुङ जो़पा नुङ डोक्‍पु दु़म्साका रेम्‍बेन्सिनी।

१ कोरिन्थी 15:45

मेम्‍मिमका माम्‍चु़नी सिजेमडा र्‍याक्‍मा बु, “खोत्‍लेडाम ङादोम मु़चु़ आदम उ सामनुङमा दु़स्‍ता।” लावो चङडाम आदम त्‍वारो़म ग्‍वाक्‍पा पेल सो़।

१ यूहन्‍ना 1:8

गुइ छु़ल मान्‍थिम बुइ र्‍वाकी माला ने गुइ इकी त्‍वाकाङा त्‍वापलाई ताङताहेरथो़ ल, मा आच्‍छाङाकाम ल्‍वा गुइनुङ मेदु़म।

यूहन्‍ना 6:68

सिमोन पत्रुसका गुमीलाई र्‍वाक्‍ता, “ए ङाचो़, गुकु सु़काडा लमु मा? गानीनुङ मेसिपा त्‍वारो़मकु सिजेम बु।

रोमी 5:21

मेराम थारीका छु़लका सिमुलाम रेड्‍डु़ मा मु़चु़मिमडला साखाम थो़डु़म होम्‍साकाङा ओम्‍लो माम्‍चु़नीकु दिदामका साखाम थो़त्तोङा बु़। ओराम दिदामका गुइलाई माम्‍चु़नीकु ङादोडा जो़पा न-गोकाम दु़म्‍बेसाका इकीमा ङाचो़ येशू ख्रीष्‍टलाम हेल्‍लो वो मेसिपा त्‍वारो़म ग्‍वाक्‍साड्‍डामिम बु।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

रेम्‍बेट्‌मिडिम ल्‍वा 19:11

मेम्‍मा पाह्री ह्‌वासिट्‌पा गो ल्‍वाउतो मा मेसिन्‍डा आमा ङादोडा कोले बुबुयाम घोडा बाइडा, मे घोडाडला हुपाकु नङ “थो़रलु़इमिम” नुङ “आच्‍छाङा” बाइडा। गुमीका जो़पा निया नुङ क्‍वाल्‍बा बोमी।

कलस्‍सी 2:9

हेङालोने माम्चु़नीडा बाट्पा खोत्ले ल्वा मिनीचो़ दु़म्डिम ख्रीष्‍टडा ङा दु़म्मी बुमी।

१ यूहन्‍ना 5:6

येशू ख्रीष्‍टका उनीमा कु-रु़दु़मका नुङ क्रूसडला सिसि हासाका मु़चु़ दु़म्‍साका रेम्‍बेम्‍डी। कुका कोङङा मेएँ, कुका नुङ सिसिका। मेम्‍मा ओराम आच्‍छाङा र्‍वाक्‍साका माम्‍चु़नी-पेलका गुइनुङ सो़मी।

रेम्‍बेट्‌मिडिम ल्‍वा 3:14

“लाउडिकिया मण्‍डलीडाम पाह्रीचो़लाई ओराम ल्‍वा र्‍याका: ओराम सिजेम आमेन र्‍वाक्‍पा, थो़रलु़इमिम, माम्‍चु़नीकु आच्‍छाङाकाम ल्‍वा सो़पा, मा उहेमलामका माम्‍चु़नीका खोत्‍ले प्रङ्‌मिडी, मेरामका आरे र्‍वामी।

कलस्‍सी 2:17

ओर्मिम खोत्ले बेम्‍खेप्‍मा डु़म्‍लामिम ने घरिकोङ ल्वासिक्‍पा पेल होप्मामङा सो़, लावो ख्रीष्‍टङा आच्‍छाङा मिरो़म सो़।

रेम्‍बेट्‌मिडिम ल्‍वा 3:7

“फिलाडेल्‍फिया मण्‍डलीडाम पाह्रीचो़लाई ओराम ल्‍वा र्‍याका: सेपा नुङ आच्‍छाङाकाम, उहेमका दाऊदकु चाबी जेन्‍थामी, गुमीका आरे र्‍वामी, गुमीका हाम होल्‍मी मेराम सु़का वो ख्‍लु़न्‍मु मेचाप्‍सु़ मा गुमीका हाम ख्‍लु़न्‍मी मेराम सु़का वो होल्‍मु मेचाप्‍सु़।

थु़र्मा 3:15

मा त्‍वारो़म ग्‍वाक्‍पा ङाचो़लाई गानी सेट्‌नी, लावो गुमीलाई माम्‍चु़नीका सिमुलाम फम्‍डी, मा गुकु मेराम आकी मिक्‍सीका ङा ल्‍वात्तोकोम बु।

रेम्‍बेट्‌मिडिम ल्‍वा 22:1

मेकोतिमा बिल्‍लौर लुङ कोतिम छ्‌याङलो-छ्‌याङलोम त्‍वारो़म ग्‍वाक्‍पा कुकु ब्‍लोकु पाह्रीचो़का गोलाई रेम्‍बेट्‌ङिडी। मेराम ब्‍लोकु माम्‍चु़नी नुङ भेन्‍दाचो़कु साखाम थो़खोप खोमलामका लुक्‍योक्‍साका

हिब्रू 9:8

सेपा बाखोपकाम पाखालाममिम सेपाखोम बुमिमसम्‍म गोलाममिम खोत्‍लेडाम डोक्‍पु सेपाखोमगोनो हुपा लाम्‍दी मेहोल्‍सी र्‍वाक्‍साका माम्‍चु़नी-पेलका रेम्‍बोमी।

रोमी 15:16

वाङसामाकाम लागि माम्‍चु़नीकु डु़म्‍लाचो़का बोमु बासिक्‍पा होम्‍साका खारी बोमु लागि गुमीका गोलाई ओराम दिदाम ग्‍वाङडिमिम सो़। मेम्मिमका माम्‍चु़नी-पेललाम सेपा दु़म्‍साका माम्‍चु़नीडा सासेन्‍सिमु घ्रेट्‍पा दु़म्‍मिनु़।

थु़र्मा 9:2

मा येशूडा थो़रलु़पामिम वोस्‍चो़-मेसेम उहेम डार्सु़मी, मेर्मिम खोत्‍लेलाई चु़म्‍मुमा यरूशलेमडा रेन्‍मु ल्‍वाउनु़ र्‍वाक्‍साका दमस्‍कस शहरडाम घ्रो़म्‍दीनेममिमनुङ सेलाखाजेम र्‍याला सो़सिड्‌डा।