4 गो बान्ते लक्तोङा लेट्पु मेसिन्डा लक्पा लाम्दी गानी छेनी।”
हुखोप लाम्चोको गोङा सो़, उहेम मु़चु़ गोलामका गोनो हु मेराम सेल्सी। नेमगो-पाखा हुपा लुक्पा बु़ मा जाखोप ल्वासु़।
पापकामलामका सु़म्दिसेरडा गो योङडो, मा ओम्लो सु़म्दिसेर डिट्जो़लुमा पापकालाङा ख्लोङ्सिङु।”
आमा पापकु नेमडा बाखोप हापा बु। मेमका मेबाट्पा माला इनीमा लागि, बाखोप झो़म्सिबेड्डा लक्तोङा बेउ र्वाक्साका हाम गानीनुङ र्वाङुवा?
पापका खोत्ले ल्वामिमडला साखाम येशूलाई ग्वाम्डिम मा गुमी माम्चु़नीलाम योम्डिम, मा माम्चु़नीकाडाङा ख्लोसिक्तो लेट्पु र्वाक्पा गुमीका चम्डिम बाइडा।
हेङालोने आमा पापकु न ओराम बु, उहेम-उहेमका तारापाचो़लाई रेम्मी, मा गुडला थो़रलु़मी मेर्मिमका मेसिपा त्वारो़म ल्वामिनु़। मेम्मा हुक्पा थारीनेम गो मेर्मिमलाई नु़बेट्पुमी।”
उहेमका माम्चु़नीकु तारापाचो़डला थो़र बु़, मेरामनुङ मेसिपा त्वारो़म दु़म। उहेमका तारापाचो़का र्वामिमिम मेथो़सु़, मेरामका मेसिपा त्वारो़म मेल्वासु़। लावो माम्चु़नीकु देन्दे मेरामडला दु़महोम बु।”
“गो लङुमा इनीमाडा ख्लोङ्सिङुमा रोङु र्वाङ्डोम ने गानी थो़न्नी। गानी गोलाई रिखाम बेङिनिवाम माला गो पापकाडा लङुमिमडा गानी गेर्सिट्निवा, हेङालोने पाप गोडाम घ्ल्वापा बुमी।
उहेमका आमा चापेडुपे बु़, मेराम आमा चङचङ लाम्दिमु बासी, मा गो बान्ते बुङु, आमा डु़ल्चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्पु बोमी।
यु़म-झ्वाक्सी डार्मु ङादो हाम ख्रीष्टका खोत्ले उ दु़खा इम्मु बासिक्पा मेबायावा मा?”
गो लङुमा इनीमा लागि बाखोप झो़म्सिबेट्जो़लुमा योङु। मेम्मा गानीलाई लनिनी, मा गो बान्ते बुङु मेसिन्डा गानी वो दु़म्नी।
थोमाका गुमीलाई र्वाक्ता, “ङाचो़, गानी बान्ते लनिमिम मेराम गुकु मेचकु, मा हेसाका लाम्दी छेकुमिम?”