यूहन्‍ना 14:23 - थुलुङ राई

²³ येशूका मेरामलाई सिख्‍लोम्‍डिमा र्‍वाम्‍डी, “उहेमका गोलाई रिखाम बोङि, मेरामका आमा सीसि थो़सु़। आमा पापका मेरामलाई रिखाम बोमी, मा आमा पाप नुङ गुचुकु मेरामकाडा रोचुकुमा मेरामकाडा बुचुकु।

यूहन्‍ना 14:23 Referans Kwoze

यूहन्‍ना 14:21

उहेमनुङ गो जेङ्‌डोम ल्‍वा बु, मा मेराम होम्‍साका बु़, मेरामका गोलाई रिखाम बोङी। गोलाई रिखाम बेपा मु़चु़लाई आमा पापका रिखाम बोमी। मेम्‍मा गो वो गुलाई रिखाम बेउ, मा उमाडा गो रेम्‍बेङ्‌सिङु।”

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

१ यूहन्‍ना 2:24

ङादो गानी हाम सीन्‍सिट्‌निम मेरामडा गानी थो़र लु़इमिम दु़म्‍मुम बुमु बासी। गानी मेम बेन्‍नी माला इनीमा हेमकेम माम्‍चु़नी पाप नुङ उनीमा तारापाचो़नुङ दु़महोम बु।

१ यूहन्‍ना 4:4

आमा चो़च्‍चो़नी, गानी ने माम्‍चु़नीकाम सो़। माम्‍चु़नीलाम-जेपा लिसिक्‍पा ओर्मिम मु़चु़डला गानी घ्‍ल्‍वान्‍निम बु, हेङालोने सु़म्‍दिसेरडा बाट्‌पा पेलडाम ने गानीगोडा बुमिमिम पेल छो़म डोक्‍पु बुमी।

२ कोरिन्‍थी 6:16

माम्‍चु़नीकु सो़रनेम गोडा ङाटामिम हेसाका दु़म मा? हेल्‍लो वो मेसिपा माम्‍चु़नी बुमी, मा उनीमा सो़रनेम ने गुइ ङा सो़। गुमीका आरेसाका र्‍वाम्‍डिम बु: “गो मेर्मिमकाडा बुङु, मेर्मिम गोडा लाम्‍दिङु, मा गो मेर्मिमकु माम्‍चु़नी दु़म्‍ङु, मेम्‍मा मेर्मिम आमा मु़चु़ दु़म्‍मी।”

यूहन्‍ना 10:30

गो नुङ पाप कोलेङा।”

यूहन्‍ना 6:56

उहेमका आमा मिरो़म पु़, मा आमा सिसि डुङु़, मेराम मु़चु़ गोनुङ दु़म, मा गो गुनुङ दु़म्‍ङु।

यूहन्‍ना 14:17

माम्‍चु़नीकु दुथाम सो़पा पेल गुमी सो़। उनीमा ल्‍वाडा सु़म्‍दिसेरडाम मु़चु़मिम बुमु मेचाम्‍मी, हेङालोने मेर्मिमका गुमीलाई मेल्‍वामी, मा मेछेमी वो। लावो गानी गुमीलाई छेनी, हेङालोने गुमी गानीगोडा दु़म्‍मी, मा गानीनुङ दु़म्‍मी।

रेम्‍बेट्‌मिडिम ल्‍वा 21:22

मेराम शहरडा गो सो़रनेम मेल्‍वाउवा, हेङालोने खोत्‍लेडलाम यु़मनुङमा मिप्रङमा माम्‍चु़नी नुङ भेन्‍दाचो़ङा शहरडाम सो़रनेम सो़।

रेम्‍बेट्‌मिडिम ल्‍वा 22:3

मेसिन्‍डा आथा ने हाम्‍सी वो वाइतो मेदु़म। माम्‍चु़नी नुङ भेन्‍दाचो़कु साखाम थो़पा खोम मेराम शहरडा दु़म, मा माम्‍चु़नीकु लाले-पाङकेचो़मिमका माम्‍चु़नीकु सो़रलोले बोमी।

यूहन्‍ना 8:51

आच्‍छाङा गो गानीलाई र्‍वाङु, कोङनिम मु़चु़ आमा सिजेम होम्‍साका दोस्‍ता माला मेराम मु़चु़ हेल्‍लो वो मेसि।”

यूहन्‍ना 8:52

यहूदीमिमका गुमीलाई र्‍वाम्‍डी, “गानालाई मुनाङका हुप्‍नामङा बु र्‍वाक्‍साका गुकु चक्‍तोको। अब्राहाम सिडा, मा माम्‍चु़नीलाम-जेपामिम वो सिम्‍डी, लावो गाना र्‍वाना, कोङनिम मु़चु़ आमा सिजेम होम्‍साका दोस्‍ता माला मेराम हेल्‍लो वो मेसि।

यूहन्‍ना 14:24

गोलाई रिखाम मेबेपाका आमा सीसि मेथो़सु़। गानी थो़निमिम ओर्मिम सिजेम आमा मेएँ, मेर्मिम ने गोलाई थु़र्पा पापकाम सो़।

यूहन्‍ना 15:10

गानी गो र्‍वाङ्‌डोम थो़नी माला आमा रिखामडा गानी बुनी, हेसाका गो वो आमा पापका र्‍वाम्‍डिम थो़उतो, मा उनीमा रिखामडा बुङु।

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

एफिसी 3:17

गानी थो़र बेनिम बानी मा ख्रीष्‍ट इनीमा नगोडा बुमिनु़म बुमिनु़, रिखामडा फ्रु़प क्रोसिसाका गानी होनो आथो़ मेदु़म्‍पा डोक्‍पु थो़रनुङमा दु़म्‍नी,

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

१ यूहन्‍ना 5:3

माम्‍चु़नीलाई रिखाम बोमु र्‍वाक्‍मा गुमीका बेबेसाड्‌डामिम होङङा बोमु मा गुमीका बेबेसाड्‌डामिम ल्‍वा बोमु मेझापा मिबु।

२ यूहन्‍ना 1:6

माम्‍चु़नीका बेबेसाड्‌डामिम होम्‍साका बुमुङा ओराम रिखाम सो़। गानी ङादो आथामङा थो़न्‍निम बोमु बासिक्‍पा ल्‍वा ने गानी रिखामडा बुमु-दोमु बासी।

रेम्‍बेट्‌मिडिम ल्‍वा 21:3

मेम्‍मा साखाम थो़पा गन्‍खोपलामका आरे र्‍वाक्‍पा डोक्‍पु लो़लाम गो थो़उतो, “रेप्‍नी, माम्‍चु़नीकु बाखोप मु़चु़मिमनुङ बु, मा गुमी मेर्मिमनुङ बुमी। मेर्मिम उनीमा मु़चु़मिम दु़म्‍मी मा माम्‍चु़नी उनी त्‍वापङा मेर्मिमकु माम्‍चु़नी दु़म्‍साका मेर्मिमनुङ दु़म्‍मी।