यूहन्‍ना 14:21 - थुलुङ राई

²¹ उहेमनुङ गो जेङ्‌डोम ल्‍वा बु, मा मेराम होम्‍साका बु़, मेरामका गोलाई रिखाम बोङी। गोलाई रिखाम बेपा मु़चु़लाई आमा पापका रिखाम बोमी। मेम्‍मा गो वो गुलाई रिखाम बेउ, मा उमाडा गो रेम्‍बेङ्‌सिङु।”

यूहन्‍ना 14:21 Referans Kwoze

यूहन्‍ना 14:15

“गानी गोलाई रिखाम बोङिनी माला गो र्‍वाङुमिम थो़नी।

१ यूहन्‍ना 5:3

माम्‍चु़नीलाई रिखाम बोमु र्‍वाक्‍मा गुमीका बेबेसाड्‌डामिम होङङा बोमु मा गुमीका बेबेसाड्‌डामिम ल्‍वा बोमु मेझापा मिबु।

१ यूहन्‍ना 2:5

लावो कोङनिमका माम्‍चु़नीकु सिजेम होम्‍साका बु़ माला मेरामकाडा माम्‍चु़नीकु रिखाम होङङा दु़म। गुइ गुमीडा बुइमिम ओरामलामका छेडी:

२ यूहन्‍ना 1:6

माम्‍चु़नीका बेबेसाड्‌डामिम होम्‍साका बुमुङा ओराम रिखाम सो़। गानी ङादो आथामङा थो़न्‍निम बोमु बासिक्‍पा ल्‍वा ने गानी रिखामडा बुमु-दोमु बासी।

यूहन्‍ना 16:27

पाप उनी त्‍वाकाङा गानीलाई रिखाम बोनी, हेङालोने गानी गोलाई रिखाम बेङ्‌डिनिम बु। गो माम्‍चु़नीलाम योङडोम र्‍वाक्‍साका गानी थो़र लु़न्‍निम बु।

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

रेम्‍बेट्‌मिडिम ल्‍वा 3:20

थो़सा, गो लाम्‍चोकोडा येम्‍सिङुमा हेला बेउ। कोङनिमका आमा लो़लाम थो़सु़मा लाम्‍चोको होलु़ माला गो मेगोनो बिङु मा गुनुङ पोचुकु-डुचुकु मा गुका गोनुङ पु़।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

२ कोरिन्‍थी 4:6

“तुकुम्‍चिमलाम ओल झ्‍वानु़” र्‍वाक्‍पा माम्‍चु़नी ङा आकीमा नडा उनीमा ओल झ्वाबेसाका माम्‍चु़नीकु यु़म-झ्‍वाक्‍सीकाम नेप्ची गुकुलाई थेसिथेन्‍बेत्तिकी। आच्छाङा ओराम ओल येशू ख्रीष्‍टकु ङालीडा झ्‍वा।

रेम्‍बेट्‌मिडिम ल्‍वा 2:17

उहेमकाम नोफ्‍ला बु, माम्‍चु़नी-पेलका मण्‍डलीमिमलाई हाम र्‍वामी, मेरामका थो़सु़नु़। उहेमका मेजो़पाडला घ्‍ल्‍वा, मेरामलाई थक्‍मा मन्‍न ग्‍वाक्‍पु। मेम्‍मा लाले नङ र्‍याक्‍मा बुबुम लुङ गो मेराम मु़चु़लाई ग्‍वाक्‍पु। मेराम लुङ डार्पाडाम वाङमिम सु़का वो मे नङकु दुथाम मेच।

यूहन्‍ना 17:23

मेर्मिम खोत्‍ले कोले दु़म्‍मिनु़ र्‍वाक्‍साका गानी गोगोडा दु़म्‍निमा गो मेर्मिमडा दु़म्‍ङु। मेम्‍मा गानी गोलाई रिखाम बेङ्‌डिनिम होङ्‍ङा मेर्मिमलाई रिखाम बेनिमी र्‍वाक्‍पा नुङ गानी गोलाई थु़र्ङिडिनिम र्‍वाक्‍पा सु़म्‍दिसेरका च।

१ यूहन्‍ना 3:1

रेप्‍नी, पाह्रीलाम इकीमा पापका गुइलाई हाङको छो़म रिखाम बेसामी, गुइलाई माम्‍चु़नीकु चो़मिम र्‍वामी, मा आच्‍छाङा गुइ उनीमा चो़च्‍चो़मिमङा सो़। सु़म्‍दिसेरडाम मु़चु़मिमका माम्‍चु़नी मेछेमिवा, मेम्‍मिमका गुइलाई मेछेसामी।

२ थेसलोनिकी 2:16

गुइलाई रिखाम बेपा ङाचो़ येशू ख्रीष्‍ट नुङ माम्‍चु़नी इकी पापकु दिदामका हेल्‍लो वो मेहुक्‍पा सो हन्‍बेसाड्‌डामिम बु, मा जो़पा ल्‍वा लथाक्‍पा दु़म्‍बेसाड्‌डामिम बु।

यूहन्‍ना 16:14

गुमीका आमा यु़म झ्‍वामी, हेङालोने गो हाम र्‍वाङु, गुमीका रमिमा मेराम गानीनुङ सो़मी।

यूहन्‍ना 14:18

“गो गानीलाई रेचो़कुपा होङ्‍ङा मेपार्जो़ल्‍निनी। गो इनीमाडा योङु।

२ तिमोथी 4:22

माम्‍चु़नी गानानुङ दु़म्‍मिनु़। उनीमा दिदाम गानानुङ दु़म्‍नु़।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

थु़र्मा 22:18

मेकोतिलो गुमीका गोनुङ आरे र्‍वाक्‍तोङा बेम्‍डिम ल्‍वाउतो, ‘दाला बासामा यरूशलेमलामका लुक्‍ल्‍याडा, हेङालोने गाना मेर्मिमनुङ सो़नामिम आमा दुथाममिम ल्‍वा मेर्मिमका मेथो़मी।’

२ कोरिन्‍थी 12:8

गो ओराम हेम्‍सिनु़ र्‍वाक्‍साका ङाचो़नुङ सु खेप गो छो़म र्‍वाङडो।