यूहन्‍ना 14:2 - थुलुङ राई

² आमा पापकु नेमडा बाखोप हापा बु। मेमका मेबाट्‌पा माला इनीमा लागि, बाखोप झो़म्‍सिबेड्‌डा लक्‍तोङा बेउ र्‍वाक्‍साका हाम गानीनुङ र्‍वाङुवा?

यूहन्‍ना 14:2 Referans Kwoze

२ कोरिन्‍थी 5:1

गुइ बुइमिम ओराम क्‍वाकु मिरो़म पुयु़लु लोवो पाह्रीला हेल्‍लो वो पुयु़ मेलुक्‍पा बाखोप माम्‍चु़नीका इकीमा लागि बनेबेम्‍डिम बु। गुइ ओराम च, मेराम ने मु़चु़कु ल्‍वाका बनेबेम्‍मा मेएँ।

यूहन्‍ना 13:36

सिमोन पत्रुसका गुमीनुङ हिलाबु़डु़, “ङाचो़, गानी बान्‍ते लनिमिम?” येशूका र्‍वाम्‍डी, “गो बान्‍ते लक्‍तोङा बेउ, मेनो ओम्‍लो आमा चङचङ लाम्‍दिमु मेचाम्‍ना, लावो दिफु ने आमा चङचङ लाम्‍दिना।”

हिब्रू 13:14

हेङालोने ओराम सुबुडा इकीमा लागि हेल्‍लो लोवो दु़म्‍पाम बाट्‌पा शहर मिबु, लावो गुइ दिफु रोक्‍पा शहर लथाडिमिम बु।

रेम्‍बेट्‌मिडिम ल्‍वा 21:2

सेपा शहर, लाले यरूशलेम पाह्रीलामका माम्‍चु़नीलाम योक्‍तोङा बेपा गो ल्वाउतो, मेराम शहर वोचु़काम लागि ब्‍ल्‍वासाका झो़म्‍सिबेट्‌मा लारेमा होप्‍माम बाइडा।

रेम्‍बेट्‌मिडिम ल्‍वा 3:12

मेजो़पाडला सु़ घ्‍ल्‍वा, गुलाई गो आमा माम्‍चु़नीकु सो़रनेमकु खाँबा होप्‍माम दु़म्‍बेट्‌पु। मेम्‍मा मेलामका गु हाम्‍सी वो मेल। गो गुडला आमा माम्‍चु़नीकु नङ नुङ उनीमा लाले शहर यरूशलेमकु नङ र्‍याक्‍पु। मेराम शहर पाह्रीलाम माम्‍चु़नीलाम यो। मेम्‍मा गुडला आमा लाले नङ वो र्‍याक्‍पु।

हिब्रू 11:10

हेङालोने अब्राहामका ने माम्‍चु़नी उनी त्‍वाकु नड्‍डा मिम्‍साका बनेबोमिमिम हेल्‍लो लोवो दु़म्‍पाम बाट्‍पा फारनुङमा शहर गुका लथाड्‌डु़म बाइडा।

यूहन्‍ना 13:33

“ए चो़च्‍चो़नी, गो गानीनुङ घरिकोङ कोङङा दु़म्‍ङु। गानी गोलाई माल्‍ङिनी, मा यहूदीमिमलाई र्‍वाङ्‌डोम होङ्‍ङा गानीलाई वो र्‍वाङु, गो बान्‍ते लक्‍तोङा लेट्‌पु, मेसिन्‍डा गानी रोमु मेचाम्‍नी।

यूहन्‍ना 16:4

थारी रो, मा गो गानीलाई चङचङया बाबेट्‌निनिम ल्‍वा इनीमा नडा रो र्‍वाक्‍साका ओराम ल्‍वा गो गानीलाई र्‍वाङडोम बु। गो गानीनुङ बाङडोमका गानीनुङ ङादो गो ओराम ल्‍वा मेर्‍वाङुवा।

यूहन्‍ना 17:24

“पाआ, गानी गोलाई ग्‍वाङ्‌डिनिम मु़चु़मिम बान्‍ते गो बुङु, मेसिन्‍डा गोनुङ दु़म्‍मिनु़ र्‍वाक्‍पा आमा न बु। सु़म्‍दिमो ङादोङा गानी गोलाई रिखाम बेङ्‌डिनिमका ग्‍वाङ्‌डिनिम यु़म-झ्‍वाक्‍सी मेर्मिमका रेम्‍मिनु़ र्‍वाक्‍पा वो न बेउ।

हिब्रू 6:20

इकीमा लागि येशू गुइडाम ङादोङा मेराम बायडा लमु दु़म्‍मिडिम बु। मल्‍कीसेदेक डु़म्‍लाचो़ होप्‍मामङा गुमी हेल्‍लो लोवो दु़म्‍पाम बाट्‌पा डोक्‍पु डु़म्‍लाचो़ दु़म्‍मिडिम बु।

रेम्‍बेट्‌मिडिम ल्‍वा 3:21

गो घ्‍ल्‍वाङडोमा माम्‍चु़नी पापनुङ उनीमा गन्‍खोपडा गन्‍पा साखाम ल्‍वाउतोम होङङा मेजो़पाडला घ्‍ल्‍वापामिमलाई गोनुङङा हप गन्‍खोपडा गन्‍मु ग्‍वाक्‍पुमी।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

हिब्रू 9:8

सेपा बाखोपकाम पाखालाममिम सेपाखोम बुमिमसम्‍म गोलाममिम खोत्‍लेडाम डोक्‍पु सेपाखोमगोनो हुपा लाम्‍दी मेहोल्‍सी र्‍वाक्‍साका माम्‍चु़नी-पेलका रेम्‍बोमी।

तीतस 1:2

ओराम थो़र नुङ आच्‍छाङाकु सिजेम थेसिथेट्‌पा नेप्‍चीलाम मेर्मिमका त्‍वारो़म ल्‍वामु लागि लथाक्‍पा दु़म्‍मी। मेराम त्‍वारो़म हेल्‍लो वो लिमा मेथेट्‌पा माम्‍चु़नीका सु़म्‍दिमोलोङा याचे जेम्‍डिम बाइडा।

१ थेसलोनिकी 5:9

माम्‍चु़नीका उनी छोक्‍चो गुइडला हान्‍मु लागि मेएँ, लावो इकी ङाचो़ येशू ख्रीष्‍टलामका गुइलाई सेल्‍मु लागि थुसाड्‌डामी।

थु़र्मा 9:16

आमा नङकाम लागि मेरामका हाङको दु़खा इम्मु बासी, मे गो मेरामलाई रेम्‍बेट्‌पु।”

यूहन्‍ना 14:28

“गो लङुमा इनीमाडा ख्‍लोङ्‌सिङुमा रोङु र्‍वाङ्‌डोम ने गानी थो़न्‍नी। गानी गोलाई रिखाम बेङिनिवाम माला गो पापकाडा लङुमिमडा गानी गेर्सिट्‌निवा, हेङालोने पाप गोडाम घ्‍ल्‍वापा बुमी।

लूका 14:22

“मेकोतिमा डु़ल्‍चो़का उ नेमहपलाई र्‍वाक्‍ता, ‘ङाचो़का र्‍वाक्‍निम होप्‍माम खोत्‍ले मु़चु़मिमलाई रेत्तोमिम बु। लोवो आथावो बोच्‍चो़मिम गन्‍खोप खोम ने हापाङा बु।’