यूहन्‍ना 14:13 - थुलुङ राई

¹³ गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 14:13 Referans Kwoze

यूहन्‍ना 15:7

गानी गोगोडा दु़म्‍निमा आमा सिजेम गानीगोडा बु माला हाम न बोनी, मेराम बिनी, मा गानी ल्‍वानी।

मर्कूस 11:24

मेम्‍मिमका गो गानीनुङ र्‍वाङु गानी सो़म्‍दीडा हाम बिनी मेराम गो ल्‍वाउतोम बु र्‍वाक्‍साका थो़र लु़नी, मा मेराम इनीमा दु़म।

मत्ती 21:22

गानी थो़रलु़नी माला सो़म्‍दीडा हाम बिनी, मेराम ल्‍वानी।”

मत्ती 7:7

“बिनी मा गानी ल्‍वानी, माल्‍नी मा गानी डार्नी, नेमगोनो हुमु लागि हेलाबेनी, मा इनीमा लागि लाम्‍चोको होल्‍सी।

१ यूहन्‍ना 5:14

माम्‍चु़नी फार्डा इकीमा ओराम थो़र बु, उनीमा न होङङा गुइ हाम-हुम बिइडी माला गुइ र्‍वाकिमिम ल्‍वा गुमीका थो़मी।

यूहन्‍ना 16:23

मेनेम गानी गोलाई हाम वो हिला मेबोनी। आच्‍छाङा गो गानीलाई र्‍वाङु, गानी आमा नङडा हाम बिनी, मेराम आमा पापका गानीलाई ग्‍वानिमी।

१ यूहन्‍ना 3:22

मेम्‍मा गुइ हाम बिइ मेराम माम्‍चु़नीका ग्‍वाक्‍सामी हेङालोने गुमीका र्‍वामिमिम होङङा गुइ बि, मा गुमीलाई गेर्सी बेट्‌पा खारी बि।

यूहन्‍ना 15:16

गानी गोलाई छेट्‌ङिडिनिम मेएँ, गो गानीलाई छेट्‌निनी, मा गानी लक्‍निमा मा सिन्‍बेट्‌नी, मा इनीमा दु़म्‍नु़म बुनु़ र्‍वाक्‍साका गो गानीलाई थुट्‌निनी। मेम्‍मा आमा नङडा गानी हाम बिनी मेराम पापका गानीलाई ग्‍वानिमी।

यूहन्‍ना 14:14

गानी आमा नङडा हाम-हुम बिन्‍नी माला गो मेराम रेथिक्‍पु।

याकूब 5:16

मेम्‍मिमका गानी कोलेका कोलेनुङ इनी छु़ल न-गोलामका सो़बेनी। कोलेका कोलेनुङ त्‍वाका बेन्‍निम छु़लकु दुथाम सो़बेनिमा सो़म्‍दी बेनी, मेम्‍मा गानी सनी। माम्‍चु़नीकु न होम्‍साका दोपा मु़चु़कु सो़म्‍दीका छो़म डोक्‍पु खारी बु़।

फिलिप्‍पी 4:13

गो ख्रीष्‍टका ग्‍वाङडिमिम यु़मका ओराम खोत्ले ल्वा बोमु चापु।

याकूब 1:5

लावो गानीगोडाम कोङनिमलाई नेप्‍ची चाइदु़म्‍पा बु माला न-थो़मनुङमा माम्‍चु़नीनुङ मेरामका बियु़नु़, मा मेरामलाई गुमीका ग्‍वामी। हेङालोने गानी खोत्‍लेका बिनिमिम ल्‍वाडा गुमीका मेभुर्साका छो़म ग्‍वानिमी।

एफिसी 3:12

ख्रीष्‍टडा दु़म्‍साका मा गुमीडा थो़र बेसाका ङा गुइ माम्‍चु़नीकाडा रोमु मेङिपा मा इकी सो हन्‍पा दु़म्‍सी।

यूहन्‍ना 16:26

मेनेम गानी आमा नङडा बिनी। गो इनीमा लागि पापनुङ बिन्‍सानिनी र्‍वाक्‍साका गो गानीलाई मेर्‍वाङु।

यूहन्‍ना 10:30

गो नुङ पाप कोलेङा।”

एफिसी 2:18

येशू ख्रीष्‍ट क्रूसडा सिम्‍डिमका यहूदी नुङ मेयेहूदी गुइ खोत्‍ले कोलेङा माम्‍चु़नी पेललामका माम्‍चु़नीकु ङादोडा रोमु चाप्‍स्‍तिम बु।

कलस्‍सी 3:17

जेमुडा लोवो खारी बोमुडा लोवो गानी हा-हाम बोनी ङाचो़ येशूकु नङडा ओर्मिम खोत्‍ले बेनी, मा गुमीलामका माम्‍चु़नी पापलाई आलासो़ ग्‍वाक्‍नी।

यूहन्‍ना 7:37

चाड हुक्‍पानेम, मेराम ने चाडकु डोक्‍पु थारीनेम येशू येम्‍सिम्‍डिमा डोक्‍पु लो़लामका र्‍वाम्‍डी, “कोङनिम मु़चु़ कोरा सिपा बु माला आमाडा रोनु़, मा डुङ्‌नु़।

हिब्रू 7:25

मेम्‍मिमका गुमीडा थो़रलु़साका माम्‍चु़नीडा रोक्‍पामिमलाई गुमीका ओम्‍लो नुङ हेल्‍लो लोवो सेल्‍मी। हेङालोने मेर्मिमकाम लागि माम्‍चु़नीनुङ सो़म्‍दी बोम्‍सामु लागि हेल्‍लो लोवो गुमी दु़म्‍मी।

यूहन्‍ना 14:6

येशूका र्‍वाम्‍डी, “लाम्‍दी, आच्‍छाङा नुङ त्‍वारो़म गोङा सो़। गोडाम वाङमिम सु़लामका वो पापकाडा रोमु मेचाम्‍मी।

यूहन्‍ना 12:44

मेकोतिमा येशूका डोक्‍पु लो़लामका र्‍वाम्‍डी, “गोडला थो़रलु़पा मु़चु़का गोडला कोङङा मेएँ गोलाई थु़र्पाडला वो थो़र बु़।

लूका 11:9

“मेम्‍मिमका गो गानीलाई र्‍वाङु, बिनी, मा गानी ल्‍वानी। माल्‍नी, मा गानी डार्नी। नेमगोनो हुमु लागि हेला बेनी, मा इनीमा लागि लाम्‍चोको होल्‍सी।

१ पत्रुस 2:5

गानीलाई वो माम्‍चु़नीका नु़पा लुङ होप्‍माम दु़म्‍बेसाका सो़रलोले दु़म्‍पा नेम बनेबोनिमी। गानी येशू ख्रीष्‍टलाम माम्‍चु़नीलाई गेर्सीबेट्‌पा उनीमा सेपा डु़म्‍लाचो़ बुनी।

यूहन्‍ना 5:19

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, तारापाचो़ उ त्‍वाकाङा हाम वो बोमु मेचाप्‍सु़। पापका हाम बोमिमिम ल्‍वासु़ मेराम कोङङा बु़। पापका हाम बु़ तारापाचो़का मेमङा बु़।

हिब्रू 13:15

मेम्‍मिमका गुइ हेल्‍लो लोवो येशू ख्रीष्‍टलाम माम्‍चु़नीकु सो़रलोले बेसाका ग्‍वा-ग्‍वा ग्‍वाकिमी। ओराम ने उनीमा नङ कोक्‍पा सिका ग्‍वाकु़मिम ग्‍वा-ग्‍वा सो़।

हिब्रू 4:15

इकीमा खोत्‍लेडाम डोक्‍पु ङाउ डु़म्‍लाचो़ इकी मेचाप्‍सीडा रेम्‍मु मेचाम्‍निनी र्‍वाक्‍पा मेबुमी। गुइ होम्‍साकाङा गुमी वो खोत्‍ले ल्‍वाडा न-छाम्‍ला सो़म्‍सिम्‍डिम बाइडा। लावो गुमीका ने छु़ल मेबेमिवा।

एफिसी 3:14

मेम्‍मिमका माम्‍चु़नी पापकु ङादोडा क्रचु़खुम बेसाका सो़म्‍दी बेउ,

यूहन्‍ना 4:14

लावो गो ग्‍वाक्‍पुमिम कु सु़का डुङु़, मेराम हेल्‍लो वो कोरा मेसि। गो मेरामलाई ग्‍वाक्‍पुमिम कु मेसिपा त्‍वारो़म ग्‍वामु लागि गुगोडा हेल्‍लो लोवो पुट्‌पाम बाट्‌पा कु पुन्‍खोप खोम दु़म।”

यूहन्‍ना 4:10

येशूका मेराम मेसेमलाई र्‍वाम्‍डी, “गाना माम्‍चु़नीकु राप्‍लावा नुङ गानानुङ कु डुमु बिपा मु़चु़ सु़ र्‍वाक्‍साका छेनावाम माला ने गाना गुनुङ बिनावा। मेम्‍मा गुका गानालाई त्‍वारो़म ग्‍वाक्‍पा कु ग्‍वाक्‍नावा।”

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

यूहन्‍ना 13:31

यहूदा मेलाम लस्‍ता, मा येशूका र्‍वाम्‍डी, “मिनीचो़कु यु़म झ्‍वामु खाप्‍डु़, मा गुलामका माम्‍चु़नीकु यु़म झ्‍वा।

१ कोरिन्थी 14:13

मेम्‍मिमका मे वाङमी ल्‍वा जेपा मु़चु़का मेराम ल्‍वाकु दुथाम सो़मु चापा यु़म ल्‍वामु सो़म्‍दी बु़नु़।