यूहन्‍ना 14:12 - थुलुङ राई

¹² “आच्‍छाङा गो गानीलाई र्‍वाङु, उहेमका गोडला थो़र बु़, मेरामका गो बेउतोम होप्‍माम खारी बु़। मेम्‍मा मेरामडाम वो डोक्‍पु खारी बु़, हेङालोने गो पापकाडा लक्‍तोङा बेउ।

यूहन्‍ना 14:12 Referans Kwoze

मत्ती 21:21

येशूका र्‍वाम्‍डी, “गानीलाई गो आच्‍छाङा र्‍वाङु, गानी थो़रलु़नी, मा इनीमा नड्‌डा मेमुर्सिनी माला बैससीकु धक्‍सालाई गो बेउतोम होप्‍माम नुङ हापा डोक्‍पु खारी बोमु चाम्‍नी। ओराम पोप्‍चङलाई वो ‘होसामा दिरिदिनगोयु़ आल्‍सा’ र्‍वानी, मा मेमङा दु़म।

मर्कूस 16:17

थो़रलु़पामिमनुङ ओर्मिम छेखोपमिम दु़म– मेर्मिमका आमा नङडा मुनाङपेलमिम ख्‍लुमी, लाले जेसी जेमी।

थु़र्मा 16:18

मेरामका हापा थारीसम्‍म आरेङा बु़डु़होम बाइडा। मेकोतिमा उ र्‍वा ओड्‌डामा पिख्‍लोसित्तो पावलका मे मुनाङपेललाई र्‍वाक्‍ता, “येशू ख्रीष्‍टकु नङडा गो र्‍वाङु, गाना मेरामलामका लुक्‍ल्‍याडा।” मेकोतिलोङा मेराम मुनाङपेल लुक्‍तामा लस्‍ल्‍याड्‌डा।

थु़र्मा 9:34

पत्रुसका मेरामनुङ र्‍वाक्‍ता, “ए एनियास, येशू ख्रीष्‍टका गानालाई सबेनामी। बका, मा इमा प्‍लान फका।” मेकोतिलोङा मेराम हुबक्‍ता।

थु़र्मा 19:12

कोङ-कोङका ने पावलका लु़प्‍डु़म रुमाल नुङ थ्‍वाक्‍पुरी ङा वो लम्‍डिमा नो़पामिमडला जु़ल्‍मिडिलो मेर्मिम सम्‍थाल्‍मिडी, मा मुनाङपेलमिम वो मेर्मिमलाम लुम्‍डिमा लम्‍डी।

थु़र्मा 9:40

मेर्मिम खोत्‍लेलाई पाखानो ख्‍लुक्‍तु़मिमा पत्रुसका क्रचु़खुम बु़डु़, मा सो़म्‍दी बु़डु़। मेकोतिमा मे सिपा रो़मथो़ ख्‍लोसिड्‌डामा र्‍वाक्‍ता, “तबीता, बका!” मा तबीताका उ मिक्‍सी ह्‌वाक्‍तु़। मेम्‍मा मेरामका पत्रुसलाई ल्‍वास्‍तु़मा बक्‍तामा गन्‍डा।

थु़र्मा 8:7

हेङालोने सेर्पा मु़चु़मिमलामका मुनाङपेलमिम छो़म डोक्‍पु लो़लामका येत्तो लुम्‍डी, मा उनी ल्‍वा-खेल सोक्‍पामिम हापा ङा सम्‍डी। मेकोतिमा उनी खेल ब्‍लेट्‌पामिम वो सम्‍डी।

थु़र्मा 5:15

मु़चु़मिमका नो़पामिमलाई लाम्‍दी-गुदीबाडे रेट्‌मिडी, मा पत्रुस रोलो उ पेल कोङङा लोवो मेर्मिमगोडाम कोङ-कोङडला दु़म्‍नु़ र्‍वाक्‍साका उनी अम्‍खोप नुङ खाटबाडे जु़ल्‍थाल्‍मिडी।

थु़र्मा 2:41

उहेम-उहेमका पत्रुसकु सिजेम उनी नडा रम्‍डी, मेर्मिमका कु-रु़दु़म रम्‍डी, मा मेनेम सु धु़मसङ (३,०००) कोति मु़चु़मिम मेर्मिमनुङ काम्‍सिम्‍डी।

थु़र्मा 4:4

लावो मेर्चिपकु सिजेम थो़पामिमगोडा हापाका ङा थो़र लु़म्‍डी, मा मे थो़रलु़पा मु़चु़मिम ङो धु़मसङ (५,०००) कोति दु़म्‍मिडी।

यूहन्‍ना 16:7

लावो गो गानीलाई आच्‍छाङा र्‍वाङु, गो लमुङा इनीमा लागि जो़पा दु़म। गो मेलक्‍थु़मसम्‍म जेप्‍साक्‍पा इनीमाडा मेयोमी। गो लङ्‌डो माला गुमीलाई इनीमाडा थु़रुमी।

थु़र्मा 2:33

माम्‍चु़नीका येशूलाई कोम्‍डिमा उनी जो़पलाम जु़ल्‍मिडी, मा ङादोङा माम्‍चु़नीका र्‍वाम्‍डिम होम्‍साका येशूका माम्‍चु़नी-पेल रम्‍डी। मेराम पेल अम्‍डिम ङा ओम्‍लो गानी ल्‍वानिमिम थो़निमिम सो़।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

यूहन्‍ना 7:33

येशूका मेर्मिमलाई र्‍वाम्‍डी, “गानीनुङ गो किचो़ कोङङा बुङु, मेम्‍मा गोलाई थु़र्पाकाडा लङु।

रोमी 15:19

छेखोपमिम, हेल्‍लो वो मेल्‍वाम्‍मा यु़म खारीमिम मा माम्‍चु़नी-पेलकु यु़मलामका गो यरुशलेमडाम्‍मा इल्‍लुरिकन र्‍वाक्‍मा नेब्‍दीसम्‍म येशू ख्रीष्‍टकु दुथाम जो़पा-सेला जो़होमका दो़उतोम बु।

थु़र्मा 6:7

माम्‍चु़नीकु सिजेम खोत्‍लेथो़ फोन्‍सिक्‍तो लस्‍ता। मेकोतिमा सीसिपामिम यरूशलेमडा छो़म बर्मिडी, मा डु़म्‍लाचो़मिमगोडाम वो हापाका माम्‍चु़नीडा थो़रलु़म्‍डी।

थु़र्मा 4:16

“ओर्चिपलाई गुइ हे बिइ? हेङालोने यरूशलेमडाम खोत्‍ले मु़चु़का ओर्चिपका बेच्‍चिम हेल्‍लो वो मेल्‍वाम्‍मा खारी ल्‍वाम्‍डिम बु, मा मेराम गुइ मेएँ र्‍वामु मेचाप्‍सी।

यूहन्‍ना 14:28

“गो लङुमा इनीमाडा ख्‍लोङ्‌सिङुमा रोङु र्‍वाङ्‌डोम ने गानी थो़न्‍नी। गानी गोलाई रिखाम बेङिनिवाम माला गो पापकाडा लङुमिमडा गानी गेर्सिट्‌निवा, हेङालोने पाप गोडाम घ्‍ल्‍वापा बुमी।

थु़र्मा 10:46

हेङालोने वाङसामामिमका वाङसामा ल्‍वाडा माम्‍चु़नीकु नङ कोक्‍तोङा बेम्‍डिम मेर्मिमका थो़म्‍डी। मेकोतिमा पत्रुसका र्‍वाक्‍ता,

थु़र्मा 4:33

थु़र्मामिम छो़म सोनुङमा दु़म्‍तो येशू सिमुलाम आच्‍छाङा बम्‍गेम्‍डिम ङा र्‍वाक्‍साका हेल्‍लो लोवो सो़मु चो़म्‍मिडी, मा मेर्मिमडला माम्‍चु़नीकु दिदाम छो़म डोक्‍पु बाइडा।

मर्कूस 11:13

मेकोतिमा होनोवा कोले छो़म ब्‍लामनुङमा बैससीकु धक्‍सा ल्‍वाम्‍डिमा मेरामकु मा बु डे र्‍वाक्‍साका गुमी मेसि रेप्‍डा लम्‍डी। लावो मेसिन्‍डा लम्‍डिलो गुमीका मे बैससीकु ब्‍लामडाम वाङमिम हाम वो मेल्‍वामिवा, हेङालोने मेकोतिलो बैससीकु मा सिन्‍मु थारी मेबायावा।

यूहन्‍ना 4:37

‘कोलेका मा-के ख्‍लियु़, मा कोङमीका मा-के खोप्‍डु़’ र्‍वाक्‍मा आच्‍छाङा सो़।

यूहन्‍ना 5:20

हेङालोने पापका तारापाचो़लाई रिखाम बोमी, मा गुमीका बोमिमिम खोत्‍ले खारी उनी तारापाचो़लाई रेम्‍बेन्‍मी। ओर्मिमडाम वो डोक्‍पुतो खारीमिम गुमीका उनी तारापाचो़लाई रेम्‍बेन्‍मी, मा गानी ङाङाया दु़म्‍नी।