यूहन्‍ना 14:10 - थुलुङ राई

¹⁰ “गो पापगोडा बुङु मा पाप आमागोडा बुमी र्‍वाक्‍पा हाम गाना थो़र मेलु़ना? गो गानीलाई र्‍वाङुमिम ल्‍वा आमा त्‍वाकु नका र्‍वाङुमिम मेएँ, आमागोडा बाट्‌पा पापका र्‍वाबेन्‍ङिमिम, मा गुमीका उनी खारी बेत्तोङा लेन्‍मी।

यूहन्‍ना 14:10 Referans Kwoze

यूहन्‍ना 5:19

येशूका मेर्मिमलाई र्‍वाम्‍डी, “आच्‍छाङा गो गानीलाई र्‍वाङु, तारापाचो़ उ त्‍वाकाङा हाम वो बोमु मेचाप्‍सु़। पापका हाम बोमिमिम ल्‍वासु़ मेराम कोङङा बु़। पापका हाम बु़ तारापाचो़का मेमङा बु़।

यूहन्‍ना 10:38

लावो मेराम खारी गो बेउ माला गोलाई थो़र मेबोङिनी लोवो हेल्‍लो वो मेल्‍वाम्‍मा खारीडा थो़रबेनी। मेम्‍मा पाप आमागोडा बुमी, मा गो पापगोडा बुङु र्‍वाक्‍साका गानी चनी, मा थेसिथेनी।”

थु़र्मा 10:38

माम्‍चु़नीका नासरतडाम येशूलाई उनीमा पेल नुङ यु़मका थुट्‌मिडी। गुमी जो़पा खारी बेत्तो नुङ मुनाङका हुपामिमलामका मुनाङ ख्‍लुक्‍तो लाम्‍दिम्‍डी, हेङालोने माम्‍चु़नी गुमीनुङ बाम्‍डी।

यूहन्‍ना 12:49

गो आमा त्‍वाकु नका जेङ्‌डोम मेएँ। गो हाम जेमु बासिक्‍पा, मा हाम र्‍वामु बासिक्‍पा मेराम गोलाई थु़र्पा आमा पापका बेबेट्‌ङिडिमिम बु।

यूहन्‍ना 10:30

गो नुङ पाप कोलेङा।”

यूहन्‍ना 8:28

मेम्‍मिमका येशूका र्‍वाम्‍डी, “मिनीचो़लाई गानी क्रूसडला कोनी, मेम्‍मा गो गुमीङा र्‍वाङ्‌डोम गानी चनी। गो आमा त्‍वाकु साखामडा हाम वो मेबेउ, लावो पापका हाम सीट्‌ङिडिमी मेराम कोङङा जेङु।

कलस्‍सी 2:9

हेङालोने माम्चु़नीडा बाट्पा खोत्ले ल्वा मिनीचो़ दु़म्डिम ख्रीष्‍टडा ङा दु़म्मी बुमी।

यूहन्‍ना 17:8

हेङालोने गानी ग्‍वाङ्‌डिनिम सिजेम मेर्मिमलाई गो ग्‍वाक्‍तोमिम बु, मा मेर्मिमका मेराम रम्‍डिम बु। गानीलाम योङडोम र्‍वाक्‍पा आच्‍छाङा मेर्मिमका चम्‍डी, मा गानी गोलाई थु़र्ङिडिनिम र्‍वाक्‍साका मेर्मिमका थो़र बेम्‍डिम बु।

यूहन्‍ना 5:17

येशूका मेर्मिमलाई आरे र्‍वाम्‍डी, “आमा पापका ओम्‍लोसम्‍म खारी बोमिम बुमी, मा गो वो खारी बेत्तोङा लेट्‌पु।”

१ यूहन्‍ना 5:7

येशूकु दुथाम गुइनुङ सो़पा सुले बुमी:

२ कोरिन्‍थी 5:19

मेराम र्‍वाक्‍मा ने मु़चु़मिमका बेम्‍डिम छु़लकु मुमा मेबेसाका माम्‍चु़नीका खोत्‍ले मु़चु़मिमलाई ख्रीष्‍टलामका गुमीनुङ न-थो़म घ्रो़म्‍बेट्‌मिडिम बु। मेम्‍मा वाङमिमलाई जो़पा-सेला थो़बेसाका न-थो़म घ्रो़म्‍बेट्‌पा खारी गुकुलाई ग्‍वाक्‍तिकिम बु।

यूहन्‍ना 8:38

आमा पापनुङ बाङ्‌डोलो गो हाम ल्‍वाउतो मेराम गो गानीलाई र्‍वाक्‍तोङा बेउ। लावो गानी इनीमा पापकु मुलु़ होम्‍साका बोनी।”

कलस्‍सी 1:19

हेङालोने माम्चु़नीका उनी त्वापडा बाट्‍पा खोत्ले ल्वा ख्रीष्‍टडा जु़ल्‍मु मुलु़ बोमु द्‍वाम्डी।

यूहन्‍ना 14:20

मेनेम गो आमा पापगोडा बुङु, मा गानी आमाडा बुनी, मा गो गानीगोडा बुङु र्‍वाक्‍पा थेसिथेनी।

यूहन्‍ना 7:16

मेम्‍मा येशूका मेर्मिमलाई र्‍वाम्‍डी, “आमा सीसि आ त्‍वाकाम मेएँ, गोलाई थु़र्पा माम्‍चु़नीलाम रोक्‍पा सो़।

यूहन्‍ना 8:40

मेम मेबेसाका, गानी गोलाई सेन्‍मु माल्‍तोङा बोङिनी, हेङालोने माम्‍चु़नीलाम थो़उतोम आच्‍छाङाकाम ल्‍वा गो गानीनुङ सो़उतो। अब्राहामका ने हेल्‍लो वो आरे मेबु़वा।

यूहन्‍ना 11:26

उहेम मु़चु़ नु़ मा गोडला थो़र बु़, मेराम हेल्‍लो वो मेसि। हाम गाना ओराम ल्‍वा थो़रलु़ना?”

यूहन्‍ना 3:2

सिन्‍था गु येशूकाडा रोक्‍तामा र्‍वाक्‍ता, “सीपा, गानी माम्‍चु़नीलाम योक्‍पा सीपा मु़चु़ र्‍वाक्‍साका गुकु चकु। हेङालोने माम्‍चु़नी मेर्मिमनुङ मेदु़म्‍मिवा माला गानी बेन्‍निम हेल्‍लो वो मेल्‍वाम्‍मा छेखोपमिम सु़का वो बोमु मेचाम्‍मी।”

यूहन्‍ना 14:11

गो पापगोडा बुङु, मा पाप आमागोडा बुमी र्‍वाक्‍पा थो़र बेनी। मेएँ माला वो गो खारी बेउतोम गानी ल्‍वान्‍निमका थो़र बेनी।

यूहन्‍ना 14:24

गोलाई रिखाम मेबेपाका आमा सीसि मेथो़सु़। गानी थो़निमिम ओर्मिम सिजेम आमा मेएँ, मेर्मिम ने गोलाई थु़र्पा पापकाम सो़।