1 “इनीमा न-गोडा मेभ्रसिक्पा मेदु़म्नी। माम्चु़नीडा थो़रलु़नी, मा गोडला वो थो़र बेनी।
मेकोतिमा येशूका डोक्पु लो़लामका र्वाम्डी, “गोडला थो़रलु़पा मु़चु़का गोडला कोङङा मेएँ गोलाई थु़र्पाडला वो थो़र बु़।
हेङालोने आमा पापकु न ओराम बु, उहेम-उहेमका तारापाचो़लाई रेम्मी, मा गुडला थो़रलु़मी मेर्मिमका मेसिपा त्वारो़म ल्वामिनु़। मेम्मा हुक्पा थारीनेम गो मेर्मिमलाई नु़बेट्पुमी।”
ख्रीष्टलामका माम्चु़नीलाई थो़र लु़न्निम बु, गुमीका ख्रीष्टलाई सिमुलाम फक्मिडिमा खोत्लेडाम डोक्पु दु़म्बेट्मिडी। मेम्मिमका इनी थो़र नुङ हाम-हुम ल्वापा इनीमा न माम्चु़नीडला बु।
“आरे दु़म्मु ङादोङा गो गानीलाई ओराम ल्वा र्वाङु, मेम्साका आरे दु़म, मा गो गुङा र्वाक्पा गानी थो़रलु़नी।
मेम्मिमका ङाचो़ येशूडा इनीमा थो़र बुमिम नुङ माम्चु़नीकु मु़चु़मिमडलाम इनीमा रिखामकु दुथाम गो थो़उतोमका,
“आमा न-गो छो़म मेभ्रसिक्पा बु, मा गो हाम र्वामु? ‘ए पाआ, ओराम थारीका गोलाई सेल्ङिनी’ र्वामु? मेएँ, दु़खा ल्वामुकाम लागिङा ओराम थारीडा गो रोङ्डोम।
कोङनिमका ओराम ल्वा र्वामु चाम्मी, माम्चु़नी-पेललाम लोवो कोङनिमलाम लोवो आकीमा कोङनिम सेलाखाजेममिमलाम लोवो थो़त्तोकोम ङाचो़ येशू ङादोङा योमु डु़म्मिडिम बु। मेर्मिमका आरे र्वामिलो इनीमा नडा मेभ्रल्यासिड्पा मेदु़म्नी मा इनीमा लो़ मेदाम्नु़।
मेम्मिमका गानी मेरामकु छु़ल हेम्साट्नी मा मेरामनुङ न-थो़मनुङमा दु़म्साका जेनी-दोनी, मेएँ माला ने छो़म उ दु़खा लुमा उ गो ज।
येशूका मरियम ख्रापा मा गुनुङ रोक्पा यहूदीमिम वो ख्राप्मिडिम ल्वाम्डी। मेम्मा गुमी उनीमा न-गोडा छो़म मेभ्रम्सिप्मिवा, मा ङाली डम्डी।
मेम्साका पापलाई डोक्पु मिम्मिमिम होङङा तारापाचो़लाई वो डोक्पु मिम्मिनु़। तारापाचो़लाई डोक्पु मेमिम्पाका गुलाई थु़र्पा पापलाई वो डोक्पु मेमिम्मी।
मेर्मिमका आरेप्माम खारी बोमी, हेङालोने मेर्मिमका पापलाई वो छेट्मिडिम मिबु, मा गोलाई वो छेट्ङिडिमिम मिबु।
ओर्मिम ल्वा गो गानीलाई सो़उतोमका इनी न-गो ख्रापा बु।
ओम्लोसम्म गानी बिन्निम मिबु। बिनी, मा गानी ल्वानी, मा गानी छो़म भ्रन्सिनी।