यूहन्‍ना 13:5 - थुलुङ राई

⁵ मेकोतिमा कोले सोजामडा कु अम्‍डिमा सीसिपामिमकु खेल सो़ल्‍मु चो़म्‍मिडी। मेम्‍मा गुमीका रिम्‍सिम्‍डिम तौलीका मेर्मिमकु खेल बम्‍साम्‍डी।

यूहन्‍ना 13:5 Referans Kwoze

लूका 7:44

मेकोतिमा मेराम मेसेमथो़ हिसिम्‍डिमा येशूका सिमोनलाई र्‍वाम्‍डी, “ओराम मेसेमलाई रेप्‍डा! गो इमा नेमडा रोङडो, गाना खेल सो़ल्‍पा कु वो मेग्‍वाक्‍ङिवा, लावो ओराम मेसेमका ने उ प्‍लका आमा खेल सो़ल्‍साङ्‌डी, मा उ सेमका बङ्‌साङडी।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।

रेम्‍बेट्‌मिडिम ल्‍वा 7:14

गो गुलाई र्‍वाङडो, “गानीङा चनी।” गुका गोनुङ र्‍वाक्‍ता, “ओर्मिम ने उनी थो़मतेर्ला सो़सिक्‍पामिम सो़, मा ओर्मिमका उनीमा ब्‍लाङमा भेन्‍दाचो़कु सिसिका सो़ल्‍साका बुबुयाम बनेबेम्‍डिम बु।

हिब्रू 10:22

ख्रीष्‍टकु सिसि रक्‍साका ख्‍लो़ट्‌मा इकीमा न-गो छेको-छेको दु़म्‍बेसाका, मा जो़पा कुका इकीमा मिरो़म सो़ल्‍मिडिम दु़म्‍साका, आच्‍छाङाकाम थो़रलु़सी नुङ आच्‍छाङाकाम न-गोनुङ माम्‍चु़नीकु फार्डा लक्‍सी।

एफिसी 5:26

गुमीका थो़रलु़पामिमलाई कुका सो़ल्‍साका नुङ सिजेमका छेको छेको बेसाका सेपा दु़म्‍बेन्‍मु,

१ कोरिन्थी 6:11

गानीगोडाम कोङनिम वो आरेप्‍मामङा बान्‍नी। लावो माम्‍चु़नीका गानीलाई सो़ल्‍निमिमा छु़ललामका सेपा दु़म्‍बेट्‌निमिम बु, मा ङाचो़ येशू ख्रीष्‍टकु नङडा इकी माम्‍चु़नीकु पेललाम उनीमा ङादोडा गानीलाई जो़पा दु़बेट्‌निमिम बु।

थु़र्मा 22:16

मेम्‍मिमका दाला बासा, बकामा कु-रु़दु़म रङा। मेकोतिमा उनीमा नङडा सो़म्‍दी बेमा इमा छु़ल हेप्‍डा।’

१ यूहन्‍ना 5:6

येशू ख्रीष्‍टका उनीमा कु-रु़दु़मका नुङ क्रूसडला सिसि हासाका मु़चु़ दु़म्‍साका रेम्‍बेम्‍डी। कुका कोङङा मेएँ, कुका नुङ सिसिका। मेम्‍मा ओराम आच्‍छाङा र्‍वाक्‍साका माम्‍चु़नी-पेलका गुइनुङ सो़मी।

१ यूहन्‍ना 1:7

माम्‍चु़नी ओलडा बुमिमिम होङङा गुइ वो ओलडा बुइ-दोसी माला कोलेकाम कोङमीडला इकीमा हेमकेम दु़म। मेम्‍मा उनीमा तारापाचो़ येशूकु सिसिका खोत्‍ले इकीमा छु़लडाम गुइलाई छेको-छेको बेसा।

यूहन्‍ना 19:34

मेम मेबेसाका कोले सिपाहीका येशूकु फेटफेटडा जातेका सुक्‍तु़, मा मेलामका सिसि नुङ कु हास्‍ल्‍याड्‌डा।

लूका 7:38

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

यूहन्‍ना 13:10

येशूका र्‍वाम्‍डी, “सो़ल्‍सिमु दु़म्‍पा खेलडाम वाङमिम हाम वो सो़ल्‍मु मेबासी, खोत्‍ले मिरो़म छेको-छेकोम बु। गानी छेको-छेकोम बुनी, लावो गानीगोडाम खोत्‍ले ने मेएँ।”

यूहन्‍ना 13:8

पत्रुसका र्‍वाक्‍ता, “गानी आमा खेल सो़ल्‍मु हेल्‍लो वो मेनु़।” येशूका र्‍वाम्‍डी, “गो इमा खेल मेसो़लुवा माला गाना आमा मेदु़म्‍ना।”

यूहन्‍ना 13:6

सिमोन पत्रुसकाडा येशू खेल सो़ल्‍ला रोम्डिलो गुका र्‍वाक्‍ता, “ङाचो़, हाम गानी आमा खेल सो़ल्‍निमिम?”