यूहन्‍ना 13:34 - थुलुङ राई

³⁴ “गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

यूहन्‍ना 13:34 Referans Kwoze

एफिसी 5:2

येशू ख्रीष्‍टका गानीलाई रिखाम बेन्‍निमिमका इनी छु़ललाम वाङ बोमु लागि उनी त्‍वापङा सासेन्‍सिम्‍डी मा माम्‍चु़नीलाई गेर्सीबेट्‌पा भ्रपा मुर्नेम्‍पा धूप होप्‍माम दु़म्‍मिडी। मेम्‍साका गानी वो रिखामडा बानी-दोनी।

यूहन्‍ना 15:17

गो गानीलाई र्‍वाङुमिम ल्‍वा ओरामङा सो़: रिखाम बेबेनी।

१ पत्रुस 1:22

आच्‍छाङाकाम ल्‍वा होङङा बेसाका गानी इनी त्‍वापलाई छेको-छेको दु़म्‍बेट्‌निम बु। मेम्‍मिमका थो़र लु़पा इनीमा वा-ल्‍वाकलाई आच्‍छाङाका रिखाम बेनी, मा इनी त्‍वाप-त्‍वापडा न-गोलामकाङा छो़म रिखाम बेबेनी।

गलाती 6:2

कोलेका कोङमीकु दु़खाडा ख्‍लो़बेबेनी। आरे बेन्‍नी माला येशू ख्रीष्‍टकु डु़म्‍ला होम्‍साका दोनिमिम दु़म।

१ यूहन्‍ना 3:23

गुमीका गुइलाई बेबेसाड्‌डामिम ल्‍वा ओरामङा सो़: उनीमा तारापाचो़ येशू ख्रीष्‍टडा गुइ थो़र लु़मु बासी, मा गुमीका बेबेसाड्‌डामिम होङङा कोलेका कोलेलाई रिखाम बोमु बासी।

१ यूहन्‍ना 4:21

मेम्‍मा माम्‍चु़नीका ओराम बेबेसाड्‌डामिम बु: उहेम मु़चु़का माम्‍चु़नीलाई रिखाम बु़, मेराम मु़चु़का थो़रलु़पा वा-ल्‍वाकलाई रिखाम बोमु बासी।

याकूब 2:8

माम्‍चु़नीकु सिजेमडाम खोत्‍लेडाम डोक्‍पु डु़म्‍ला “त्‍वाकु साउखोरेलाई त्‍वाप होङङा मिम्‍डा” र्‍वाक्‍पा होम्‍साकाङा बोनी माला ने जो़पाङा बोनी।

१ थेसलोनिकी 3:12

गानीलाई गुकु रिखाम बोकुमिम होङङा इनी त्‍वाप-त्‍वापडा बेबोनिमिम रिखाम ङाचो़ येशूका बर्बेन्‍सानिमिनु़ मा वाङमिम मु़चु़मिमलाई छो़म रिखाम बेपा दु़म्‍बेनिमिनु़।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

२ यूहन्‍ना 1:5

द्‌वादीबुङ रिचो़, गानी बोमु बासी र्‍वाक्‍साका र्‍याक्‍तोङा बेउमिम ओराम लाले सीसि ने मेएँ लावो माके आथामङा गुइनुङ बाट्‌पा ल्‍वा सो़। गो र्‍वाङु गुइ रिखाम बेबी।

गलाती 6:10

मेम्‍मिमका जो़पा खारी बोमु ल्‍वासी मेडे गुइ खोत्‍लेकाम लागि जो़पा बेत्तो लक्‍सी, खोत्‍लेडाम ङादो येशू ख्रीष्‍टडा थो़रलु़पा वा-ल्‍वाकमिमलाई जो़पा बिइ।

१ यूहन्‍ना 3:11

गुइ ङादो आथाम थो़स्‍तिम सिजेम ओरामङा सो़: गुइ रिखाम बेबोमु बासी।

हिब्रू 13:1

गानी इनी त्‍वाप-त्‍वापगोडा वा-ल्‍वाक होप्‍माम दु़म्निमका रिखाम बेबेनिम बानी।

२ थेसलोनिकी 1:3

वा-ल्‍वाकनी, इनीमा लागि गुकु हेल्‍लो लोवो माम्‍चु़नीलाई आलासो़ ग्‍वामुङा बासी। ओराम जो़पा दु़म, हेङालोने ख्रीष्‍टडा गानी छो़म थो़रलु़त्तो लनिम बु, मा वाङमिम मु़चु़नुङ वो छो़म रिखाम बेबोनिमिम बु।

गलाती 5:22

लावो माम्‍चु़नी-पेलका ने गुइलाई आरेप्‍माम दु़म्‍बेसामी– रिखाम बेपा, न-थो़म भ्रसिक्‍पा, न-गो भ्रसिक्‍पा, इम्‍सिमु चापा, न-थो़मनुङमा, खोत्‍लेकाम लागि जो़पा मिम्‍पा, थो़र लु़इमिम,

२ पत्रुस 1:7

माम्‍चु़नीकु लाम्‍दीडा लाम्‍दीसीडला वा-ल्‍वाकडा न-थो़म बेबेसी, वा-ल्‍वाकडा न-थो़म बेबेसीडला रिखाम काप्‍तो लक्‍नी।

कलस्‍सी 1:4

हेङालोने ख्रीष्‍ट येशूडलाम इनीमा थो़र नुङ माम्‍चु़नीकु खोत्‍ले मु़चु़मिमडलाम इनीमा रिखामकु दुथाम गुकु थो़त्तोकोम बु।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

यूहन्‍ना 17:21

मेम्‍साका मेर्मिम खोत्‍ले कोङसो़ दु़म्‍मिनु़, पाआ, हेसाका गानी गोगोडा बुनी, मा गो गानीडा बुङु। मेर्मिम इकीमाडा दु़म्‍मिनु़, मेम्‍साका गानी गोलाई थु़र्ङिडिनिम र्‍वाक्‍पा सु़म्‍दिसेरका थो़र बु़नु़।

मत्ती 5:44

लावो गो गानीलाई र्‍वाङु, इनी स्‍वाक्‍चिमोलाई रिखाम बेनी, मा इनी थो़मतेर्साक्‍पामिमकाम लागि सो़म्‍दी बेनी,

रोमी 13:8

रिखाम बेबोमुडाम वाङमिम ल्‍वाडा गानी सु़काम वो जेर मेपेनी। हेङालोने त्‍वाकु साउखोरेलाई रिखाम बोनी माला डु़म्‍लाका हाम र्‍वा मेराम होम्‍साका खोत्‍ले बोनिमिम दु़म।

रोमी 13:10

रिखाम बेपाका वाङमिमकाम लागि मेजो़पा मेबु़मी। मेम्‍मिमका रिखाम बोमु ङा डु़म्‍लाका र्‍वाक्‍ताम ल्‍वा बोम्‍सोमु सो़।