यूहन्‍ना 13:31 - थुलुङ राई

³¹ यहूदा मेलाम लस्‍ता, मा येशूका र्‍वाम्‍डी, “मिनीचो़कु यु़म झ्‍वामु खाप्‍डु़, मा गुलामका माम्‍चु़नीकु यु़म झ्‍वा।

यूहन्‍ना 13:31 Referans Kwoze

१ पत्रुस 4:11

कोङनिम मु़चु़ जे माला माम्‍चु़नीकु सिजेम जेमिम होङङा मेरामका जेनु़। चापे-डुपे बु़ माला माम्‍चु़नीका ग्‍वामिमिम सोका बु़नु़। मेम्‍साका खोत्‍ले ल्‍वाडा येशू ख्रीष्‍टलामका माम्‍चु़नीकु नङ कोसिनु़। उनीमाङा हेल्‍लो लोवो यु़म नुङ यु़म झ्‍वानु़म बुनु़। आमेन।

यूहन्‍ना 14:13

गानी आमा नङडा हाम बिनी मेराम गो रेथिक्‍पु, मेम्‍साका पापकु यु़म गो झ्‍वाबेट्‌पु।

यूहन्‍ना 7:39

गुमीका ओराम ल्‍वा माम्‍चु़नी-पेलकु दुथाम सो़म्‍डिम बाइडा। मे माम्‍चु़नी-पेल गुमीडा थो़र लु़पा मु़चु़मिमका ल्‍वामु खाप्‍मिमिम बाइडा। ओम्‍लोसम्‍म वो माम्‍चु़नीका मेर्मिमडला पेल थु़र्मीडिम मेबायावा, हेङालोने आथावो येशूकु यु़म मेझ्‍वासिक्‍थेङा बाइडा।

१ पत्रुस 1:21

ख्रीष्‍टलामका माम्‍चु़नीलाई थो़र लु़न्‍निम बु, गुमीका ख्रीष्‍टलाई सिमुलाम फक्‍मिडिमा खोत्‍लेडाम डोक्‍पु दु़म्‍बेट्‌मिडी। मेम्‍मिमका इनी थो़र नुङ हाम-हुम ल्‍वापा इनीमा न माम्‍चु़नीडला बु।

एफिसी 3:10

ओम्‍लोम थारीका मण्‍डलीलामका दामुला बाट्‍पा साखामचो़मिम नुङ हपमिमका माम्‍चु़नीकाम हापा खालकु नेप्‍ची बु रेछा र्‍वाक्‍पा चमिनु़ र्‍वाक्‍साका मेराम थक्‍मा ल्‍वा रेम्‍बेम्‍डी।

थु़र्मा 3:13

अब्राहाम, इसहाक नुङ याकूबकु माम्‍चु़नी, इकी बेब-पापकु माम्‍चु़नीका उनी त्‍वाकु डु़ल्‍चो़ येशूलाई उनी यु़म-झ्‍वाक्‍सीडा कोम्‍डी, गुमीलाई गानी चु़म्‍बेट्‌निमी। मेकोतिमा पिलातसका गुमीलाई डिन्‍मु न बु़डु़, लावो गानी गुमीलाई उ ङादोडा ङा रमु मेबिन्‍सिट्‌निवा।

थु़र्मा 2:36

“मेम्‍मिमका इस्राएलडाम खोत्‍ले मु़चु़मिमका जो़होमका चमिनु़, गानी क्रूसडा चेट्‌निम येशूलाई माम्‍चु़नीका ङाचो़ नुङ ख्रीष्‍ट बनेबेम्‍डी।”

यूहन्‍ना 16:14

गुमीका आमा यु़म झ्‍वामी, हेङालोने गो हाम र्‍वाङु, गुमीका रमिमा मेराम गानीनुङ सो़मी।

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

यूहन्‍ना 11:4

ओराम ल्‍वा थो़म्‍डिमा येशूका र्‍वाम्‍डी, “ओराम नो़सी सिमुलामडा रेथिक्‍पा मेएँ। ओराम ने माम्‍चु़नीकु यु़म झ्‍वाम्‍सिमुकाम लागि सो़, मेम्‍साका ओरामलामका माम्‍चु़नीकु तारापाचो़काम यु़म झ्‍वासी।”

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

एफिसी 2:7

रोक्‍पा थारीमिमडा हेल्‍लो लोवो गुइलाई बेसाड्‌डामिम डोक्‍पु रिखाम रेम्‍बोमुलाई ओर्मिम खोत्‍ले बेम्‍डी। ओराम रिखाम गुमीका गुइलाई ङाचो़ येशू ख्रीष्‍टलामका रेम्‍बेम्‍डिम बु।

एफिसी 1:12

ख्रीष्‍टडा खोत्लेडाम ङादो थो़र बेपा गुकु यहूदीमिमका यु़म झ्वाक्‍पा माम्चु़नीकु नङ कोमु चाम्‍कुनु़ र्‍वाक्‍साका गुमीका गुकुलाई छेत्तिकिमिम बु।

२ कोरिन्‍थी 3:18

ङाचो़कु यु़म-झ्‍वाक्‍सी गुइलामका रेम्‍बेसिनु़ र्‍वाक्‍साका इकीमा कल हुपा पार्सिड्‍डाम बु। ङाचो़, गुमी ङा पेल सो़, गुमीलाम रोक्‍पा यु़म-झ्‍वाक्‍सीका गुइलाई वो गुमी होप्‍माम ङा दु़म्‍बेसा मा गुइ आथावो हापा यु़म-झ्‍वासिक्‍पा दु़म्‍तो लक्‍सी।

यूहन्‍ना 12:28

ए पाआ, गानी हाङकोम यु़म-झ्‍वासिक्‍पा बुनी र्‍वाक्‍पा रेम्‍बेनी।” मेकोतिमा पाह्रीलामका कोले लो़लामका र्‍वाक्‍ता, “गो ओराम यु़म-झ्‍वाक्‍तोम बु, मा आथावो ओराम यु़म-झ्‍वाक्‍पु।”

लूका 12:50

गो आ दु़खाकु कु-रु़दु़म रमुङा बासिक्‍पा बु। मेराम गो मेरथु़मसम्‍म आमा गो मेभ्रसि।

मत्ती 8:20

येशूका मेरामलाई र्‍वाम्‍डी, “सेरुलीमिमकाम उनी बाखोप रोङगा बु। चक्‍पुमिमकाम वो उनी बाखोप पान्‍जी बु, लावो मिनीचो़काम ने ङेसिखोप वो मिबु।”

१ पत्रुस 2:12

थो़रमेबेपा इनी साउखोरेमिमकु थेतेडा चङको-चङको दु़म्‍साका जो़होमका बानी। गानी मेजो़पा खारी बेन्‍नी र्‍वाक्‍साका मेर्मिमका मेजो़पा ल्‍वा इनी बुइडला बुम्‍डिङा लोवो मेर्मिमका जो़पा इनी खारी ल्‍वामिनु़, मा सु़म्‍दिसेरकु निया बेप्‍डा योमिमिमनेम मेर्मिमका माम्‍चु़नीलाई डोक्‍पु मिम्‍मिनु़।