यूहन्‍ना 13:21 - थुलुङ राई

²¹ आरे र्‍वामु दु़म्‍मिडिमा येशू छो़म उनी न-गोडा मेभ्रसिप्‍मिवा, मा जो़होमका सो़म्‍डी, “आच्‍छाङा गो गानीलाई र्‍वाङु, गानीगोडाम कोलेका गोलाई भ्रेन्‍ङी।”

यूहन्‍ना 13:21 Referans Kwoze

मत्ती 26:21

ग्रुला पेत्तोङा लेट्‌मिडिलो गुमीका र्‍वाम्‍डी, “आच्‍छाङा गो गानीलाई र्‍वाङु, गानीगोडाम कोलेका गोलाई भ्रेन्‍ङी।”

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’

मर्कूस 14:18

येशू नुङ उनीमा सीसिपामिमका पेम्‍डिम बाम्‍डिलो गुमीका र्‍वाम्‍डी, “आच्‍छाङा गो गानीनुङ र्‍वाङु, गानीगोडाम गोनुङ कोयो पेत्तोङा बेपा कोलेका गो भ्रेन्‍ङी।”

यूहन्‍ना 12:27

“आमा न-गो छो़म मेभ्रसिक्‍पा बु, मा गो हाम र्‍वामु? ‘ए पाआ, ओराम थारीका गोलाई सेल्‍ङिनी’ र्‍वामु? मेएँ, दु़खा ल्‍वामुकाम लागिङा ओराम थारीडा गो रोङ्‌डोम।

यूहन्‍ना 11:33

येशूका मरियम ख्रापा मा गुनुङ रोक्‍पा यहूदीमिम वो ख्राप्‍मिडिम ल्‍वाम्‍डी। मेम्‍मा गुमी उनीमा न-गोडा छो़म मेभ्रम्‍सिप्‍मिवा, मा ङाली डम्‍डी।

१ यूहन्‍ना 2:19

ख्रीष्‍टकु कोर्थो़लाम बक्‍पा ओ मु़चु़मिम गुइनुङ लाम्‍दिपा थो़र लु़पामिम मेएँ, मेम्‍मिमका गुइलाई डिसाड्‌डामी। मेर्मिम मु़चु़ गुइनुङ लाम्‍दिपा थो़रलु़पामिम माला ने गुइनुङ बामिवा। लावो मेर्मिम सु़ वो गुइनुङ लाम्‍दिपा थो़र लु़पा मेएँ रेछा र्‍वाक्‍पा मेर्मिमका डिसाड्‌डामिमलामका रेम्‍बेम्‍डी।

थु़र्मा 17:16

पावलका एथेन्‍सडा सिलास नुङ तिमोथीलाई लथाड्‌डु़चिलो मेराम शहरडा बान्‍तेमेनो ङाटा कोङङा बाइडाम ल्‍वास्‍तु़मका छो़म उ न-गो ख्राप्‍डा।

यूहन्‍ना 13:2

येशू नुङ उनी सीसिपामिमका नेम्‍थाम ग्रुला पेत्तोङा बेम्‍डी। येशूलाई भ्रेन्‍मु लागि सिमोनकु तारापाचो़ यहूदा इस्‍करियोतलाई शैतानका ङादोङा कोस्‍तु़म बाइडा।

यूहन्‍ना 11:38

येशू आथावो मेभ्रम्‍सिप्‍मिवा, मा सु़लु़मथो़ लम्‍डी। मेराम सु़लु़म बुडखुमगोडा बाइडा। मेराम सु़लु़म कोले लुङका ड्‌याक्‍मा बाइडा।

यूहन्‍ना 11:35

येशू ख्राप्‍मिडी।

मर्कूस 3:5

येशूका मे लुङ होप्‍माम उनी न ल्‍वाम्‍डिमका उनी गो नो़डा, मा उनी छोक्‍छोका होनो-आथो़ रेप्‍मिडी। मेम्‍मा मेरामलाई र्‍वाम्‍डी, “इमा ल्‍वा थङा।” मेकोतिमा मेरामका उमा ल्‍वा थङडु़, मा उमा ल्‍वा ङादोम होप्‍माङा नु़ल्‍याड्‌डा।

मत्ती 26:38

मेम्‍मा गुमीका उनी सीसिपामिमनुङ र्‍वाम्‍डी, “आमा साम लक्‍पा कोतिङा आमा न-गो मेभ्रसिक्‍पा बु। गानी आसिन्‍डा बानी मा मेअम्‍साका गोनुङङा चङचङया बानी।”

यूहन्‍ना 13:22

येशूका सु़कु दुथाम र्‍वाम्‍डिम मेराम मेचक्‍साका सीसिपामिमका उनी त्‍वाप-त्‍वापडा रेमरेम बेम्‍डी।