यूहन्‍ना 13:17 - थुलुङ राई

¹⁷ गानी ओर्मिम ल्‍वा थेट्‌निमा मेराम होम्‍साका बेन्‍नी माला गानी आलाकाम सो़।

यूहन्‍ना 13:17 Referans Kwoze

लूका 11:28

लावो येशूका र्‍वाम्‍डी, “उहेमका माम्‍चु़नीकु सिजेम जो़होमका थो़मी, मा मेराम होम्‍साका बोमी, मेर्मिम मु़चु़ डे आलाकाम सो़।”

याकूब 4:17

मेम्‍मिमका उहेमका जो़पा खारी बोमु बासी र्‍वाक्‍पा चक्‍साका वो मेबु़ माला गु छु़लचो़ सो़।

याकूब 1:25

लावो गुलाई फ्‍वाक्‍पा छो़म जो़पा डु़म्‍ला होम्‍साका उहेम लाम्‍दी, मा गुका थो़स्‍तु़म सिजेम मेप्‍ल्‍वासाका मेराम होम्‍साका खारी बु़ माला मेरामका बु़मिम खारीडा जि ल्‍वासु़।

रेम्‍बेट्‌मिडिम ल्‍वा 22:14

“त्‍वाकु ब्‍लाङमा सो़ल्‍पा मु़चु़मिम आलाकाम सो़। त्‍वारो़म ग्‍वाक्‍पा धक्‍साकु मा पोमु मुलु़ मेर्मिमका ल्‍वामी मा शहर गोनो हुमु ल्‍वामी।

गलाती 5:6

गुइ ख्रीष्‍ट येशूडा थो़रलु़पामिमकाम लागि ने कोक्‍ते खिरिरि क्रिप्‍डी लोवो मेक्रिप्‍डी लोवो मेराम हाम वो मेएँ। लावो कोलेङा डोक्‍पु ल्‍वा बु, मेराम ने रिखामनुङमा दु़म्‍साका खारी बेपा थो़र सो़।

मत्ती 12:50

उहेमका पाह्रीलाम आमा पापकु न होङङा बु़, मेर्मिमङा आमा जाउमो-तारापा ल्‍वाक नुङ माम।”

यूहन्‍ना 15:14

गो गानीलाई हाम र्‍वाङ्‌डोम बु, मेराम होङ्‍ङा बोनी माला गानी आमा ङोप्‍सो़मिम।

रोमी 2:13

हेङालोने डु़म्‍ला थो़साका कोङङा मु़चु़मिम माम्‍चु़नीकु ङादोडा जो़पा न-गोकाम मेदु़म्‍मी, लावो डु़म्‍ला होम्‍साका दोपा मु़चु़ङा माम्‍चु़नीका जो़पा न-गोकाम मिम्‍मी।