यूहन्‍ना 13:14 - थुलुङ राई

¹⁴ गो इनीमा ‘सीपा’ नुङ ‘ङाचो़’ दु़म्‍साका वो इनीमा खेल सो़ल्‍तो माला गानी इनीमा खेल सोल्‍बेबोमु बासी।

यूहन्‍ना 13:14 Referans Kwoze

१ पत्रुस 5:5

मेम्‍साकाङा स्‍वालानी, गानी ङावामिमकु साखामगोयु़ बानी। गानी खोत्‍ले त्‍वाप-त्‍वापडा ख्‍लो़या-बाया बेबोमु छो़म याक्‍के दु़म्‍नी। “डोक्‍पु लिसिक्‍पा मु़चु़कु कोर्थो़लाम माम्‍चु़नी बमी, लावो याक्‍के दु़म्‍पामिमडला न-थो़म रेम्‍बोमी।”

थु़र्मा 20:35

खोत्‍ले ब्राम्‍दु़ल्‍वा बेउतोमा गानीलाई रेम्‍बेट्‌निनिम बु सो़। गानी वो आरेसाकाङा छो़निमा मेचापामिमलाई ख्‍लो़मुमि बासी। येशूका र्‍वाम्‍डिम ओराम सिजेम मिम्‍नी सो़ ‘ग्‍वामु ङा रमुडाम वो आलाकाम दु़म सो़’।”

गलाती 5:13

वा-ल्‍वाकनी, माम्‍चु़नीका गानीलाई डु़ल्‍चो़लाम वाङ दु़म्‍मु लागि येट्‌निमिम सो़। ओराम वाङदु़म्‍सी ने इनीमा मिरो़मडाम मेजो़पा न-गो होम्‍साका मेदोनु़, लावो रिखामका इनी त्‍वाप-त्‍वापडा ख्‍लो़या-बाया बेबेनी।

रोमी 12:16

त्‍वाप-त्‍वापगोडा दु़साका बानी, इनी त्‍वापङा डोक्‍पु मेलिसिट्‍नी लावो खोत्‍लेनुङ याक्‍के दु़म्‍साका बानी मा त्‍वापङा हापा थेट्‍पा मेलिसिट्‍नी।

१ पत्रुस 4:1

मेम्‍मिमका ख्रीष्‍टका उनी मिरो़मडा दु़खा ल्‍वाम्‍डी, गानी वो गुमी होप्‍मामङा दु़खा इम्‍मु नडा झो़म्‍जो़ल्‍सिट्‌नी। हेङालोने उहेमका मिरो़मडा दु़खा ल्‍वास्‍तु़म बु मेरामका छु़ल बोमु डिड्‌डु़म बु।

१ कोरिन्थी 8:13

मेम्‍मिमका गो हाम पेउ मेरामका थो़रलु़पा आमा वा-ल्‍वाकलाई छु़ल वामबेडु़ माला आथाडा आनो गो हेल्‍लो वो सो़ मेपेउ, मेम्‍साका वा-ल्‍वाकलाई छु़ल वाममेबेट्‌पु।

हिब्रू 12:2

इकीमा थो़र चो़म्‍पा मा बेप्‍सोक्‍पा येशूडला इकीमा मिक्‍सी बिइ। गुमीका उनीमा ङादोडा जु़ल्‍मा न-भ्रसिसीकाम लागि क्रो़मलु़सीमिम हाम होङङा मेलु़साका क्रूसडलाम दु़खा इम्‍मिडी। मेम्‍मा साखाम थो़मिम बुमिमिम माम्‍चु़नीकु जो़पलाम गन्‍तासिट्‌मी।

२ कोरिन्‍थी 10:1

गो पावल, ख्रीष्‍टकु याक्‍के दु़म्‍सीलाम नुङ मेक्रोक्‍पा दु़म्‍सीलाम गो गानीलाई छो़म र्‍वाङु। गानीनुङ बुङुलो याक्‍के दु़म्‍ङु ए, लावो गानीडाम होनोवा बुङुलो मेङिपा दु़म्‍ङु ए र्‍वाक्‍पा ल्‍वा गानीगोडा बोमी ए।

२ कोरिन्‍थी 8:9

इकीमा ङाचो़ येशू ख्रीष्‍टकु डोक्‍पु दिदाम ने गानी चनिम बु। गुमी पाह्रीलाम बाट्‍पा जो़ल्‍सिक्‍पा बाम्‍डी, लोवो उनीमा हाम वो मेबाट्‍पा दु़म्‍सीका गानी बाट्‍पा जो़ल्‍सिक्‍पा दु़म्‍नी र्‍वाक्‍साका गुमी उनी हाम वो मेबाट्‌पा दु़म्‍मिडी।

रोमी 12:10

त्‍वाकु वा-ल्‍वाक होम्‍साका रिखाम बेबेनी, त्‍वापडाम वो वाङमिमलाई हापा डोक्‍पु मिम्‍नी।

यूहन्‍ना 11:2

ओराम मरियमकाङा चङडा येशूकु खेलडा हापा थिकाम भ्रपा मुर्नेम्‍पा तेलका क्‍लक्‍तु़मा उमा सेमका बक्‍साड्‌डु़म बाइडा। उमा रिपाप लाजरस नो़पा बाइडा।

१ कोरिन्थी 12:3

मेम्‍मिमका गानी आरेप्‍माम ल्‍वा चक्‍नी र्‍वाक्‍पा आमा न बु, मेम्‍मा माम्‍चु़नीकु पेललामका जेपा सु़का वो “येशूडला वाइतो रोनु़” मेर्‍वा। माम्‍चु़नी पेललामका कोङङा, “येशू ङा ङाचो़ सो़” र्‍वामु चाप्‍सु़।

फिलिप्‍पी 2:11

मा माम्‍चु़नी पापकु नङ डोक्‍पु बोमु येशू ख्रीष्‍टङा ङाचो़ र्‍वाक्‍साका खोत्‍लेका र्‍वामी।

१ तिमोथी 5:10

मेकोतिमा गुका जो़पा खारी बेसीडा उमा नङ दोस्‍ताम दु़म्‍मु बासी। चो़मिम बर्बेड्‌डु़मिम, वाङथो़लाम रोक्‍पामिमकाम चापे-डुपे बु़साड्‌डु़मिम, माम्‍चु़नीकु चो़मिमकाम खेल सो़ल्‍साड्‌डु़मिम, दु़खा ल्‍वापामिमलाई ख्‍लो़यु़डु़मिम, मा आरेप्‍मामङा जो़पा खारी बोमु छो़म द्‌वाक्‍पा दु़म्‍मु बासी।