यूहन्‍ना 13:10 - थुलुङ राई

¹⁰ येशूका र्‍वाम्‍डी, “सो़ल्‍सिमु दु़म्‍पा खेलडाम वाङमिम हाम वो सो़ल्‍मु मेबासी, खोत्‍ले मिरो़म छेको-छेकोम बु। गानी छेको-छेकोम बुनी, लावो गानीगोडाम खोत्‍ले ने मेएँ।”

यूहन्‍ना 13:10 Referans Kwoze

यूहन्‍ना 15:3

गो गानीलाई र्‍वाङ्‌डोम सिजेमका गानी बासीङा सेपा दु़म्‍मु दु़म्‍निम बु।

२ कोरिन्‍थी 5:17

मेम्‍मिमका कोङनिम मु़चु़ ख्रीष्‍टडा बु माला मेराम लाले दु़स्‍ताम मु़चु़ सो़। मेम्‍मा ङादोम त्‍वारो़म दाम्‍स्‍ताम बु, रेप्‍नी, लाले त्‍वारो़म चो़म्‍सिड्‍डाम बु।

२ कोरिन्‍थी 7:1

द्‌वादीबुङ ङोप्‍सो़नी, याचे जेम्‍मा आरेप्‍माम ल्‍वामिम गुइनुङ बुमिमका मिरो़मडाम नुङ न-गोडाम मेसेपा ल्‍वामिमडाम गुइ इकी त्‍वापलाई सेपा दु़म्‍बेडी। मेम्‍मा माम्‍चु़नीकु ङिम जु़ल्‍साका छो़म सेपा दु़म्‍तो लक्‍सी।

२ कोरिन्‍थी 5:21

माम्‍चु़नीका ख्रीष्‍टडा गुइलाई उनी त्‍वाकु ङादोडा जो़पा न-गोकाम दु़म्‍बेन्‍मु लागि हेल्‍लो वो छु़ल मेबेपा ख्रीष्‍टलाई इकीमा छु़ल कुर्बेट्‌मिडी।

याकूब 3:2

गुइ खोत्‍लेका हापा ल्‍वामिम ख्‍लो़डी। उहेमका गु जेमिम ल्‍वाडा मेख्‍लो़डु़ मेराम मु़चु़ जो़पा दु़म। मेप्‍माम मु़चु़का वाङमिम ल्‍वामिमडा वो मेख्‍लो़साका उ त्‍वापलाई जो़होमका जु़ल्‍मु चाप्‍सु़।

हिब्रू 9:10

माम्‍चु़नीलाई ग्‍वाक्‍मा ङादोम बेसी ने पोमु-डुमु नुङ सो़ल्‍सिमु डु़म्‍ला कोङङा सो़। माम्‍चु़नीकु लाले लाम्‍दी मेरोक्‍थु़मसम्‍म मेराम होम्‍साका लाम्‍दिमु लागि मेर्मिम ने मिरो़मकु नियममिम कोङङा बाइडा।

१ थेसलोनिकी 5:23

न-गो भ्रसिबेट्‌पा माम्‍चु़नीका खोत्‍लेडा गानीलाई सेपा दु़म्‍बेन्‍मिनु़। मेम्‍मा खोत्‍ले इनीमा मिरो़म, न-गो, साम ङाचो़ येशू ख्रीष्‍ट योमिलोसम्‍म हाम वो मेख्‍लो़ट्‌पा दु़म्‍बेन्‍मिनु़।

मत्ती 6:12

आकी कोर्थो़लाम बक्‍पामिमकु छु़ल हेप्‍साक्‍तोकोम होङङा आकी छु़लमिम हेप्‍साक्‍किनी,

यूहन्‍ना 13:9

सिमोन पत्रुसका र्‍वाक्‍ता, “ए ङाचो़, मेम माला आमा खेल कोङङा मेएँ, आमा ल्‍वा नुङ बुइ वो सो़ल्‍साङनीका।”

यूहन्‍ना 13:18

“गो गानी खोत्‍लेकु दुथाम र्‍वाङुमिम मेएँ। गो छेत्तोम कोले मु़चु़कु दुथाम गो चक्‍पु। लावो माम्‍चु़नीकु सिजेमका आरे र्‍वामिम होङङा दु़म: ‘गोनुङङा सो़बेम पेपा मु़चु़ङा आमा कोर्थो़लाम बक्‍ता।’