यूहन्‍ना 13:1 - थुलुङ राई

¹ सेल्‍सिमुनेमकु चाड ङादो गुमीका ओराम सु़म्‍दिसेर डिसाका पापकाडा लक्‍पा उनी थारी रोक्‍फाड्‌डा र्‍वाक्‍साका येशूका चम्‍डी। गुमीका सु़म्‍दिसेरडा बाट्‌पा उनी सीसिपामिम खोत्‍लेलाई रिखाम बेत्तो मेर्मिमलाई चङ्‌डासम्‍म छो़म रिखाम बेम्‍डी।

यूहन्‍ना 13:1 Referans Kwoze

यूहन्‍ना 12:23

येशूका र्‍वाम्‍डी, “मिनीचो़कु यु़म-झ्‍वासिक्‍पा थारी रोक्‍फाड्‌डाम बु।

१ यूहन्‍ना 4:19

गुइ रिखाम बेबी, हेङालोने ङादो माम्‍चु़नीका गुइलाई रिखाम बेसाड्‌डामी।

यूहन्‍ना 13:34

“गानीलाई कोले लाले ल्‍वा बेबेनिनी: रिखाम बेबेनी। गो गानीलाई रिखाम बेन्‍निनिम होम्‍साकाङा गानी वो रिखाम बेबोमु बासी।

यूहन्‍ना 16:28

पापकामलामका सु़म्‍दिसेरडा गो योङडो, मा ओम्‍लो सु़म्‍दिसेर डिट्जो़लुमा पापकालाङा ख्‍लोङ्‌सिङु।”

यूहन्‍ना 13:3

पापका खोत्‍ले ल्‍वामिमडला साखाम येशूलाई ग्‍वाम्‍डिम मा गुमी माम्‍चु़नीलाम योम्‍डिम, मा माम्‍चु़नीकाडाङा ख्‍लोसिक्‍तो लेट्‌पु र्‍वाक्‍पा गुमीका चम्‍डिम बाइडा।

यूहन्‍ना 18:4

उनी त्‍वापडला दु़म्‍मु खाप्‍डु़मिम ल्‍वा चक्‍साका येशू रोम्‍डी, मा मेर्मिमनुङ हिलाबेम्‍डी, “गानी सु़ माल्‍निमिम?”

१ कोरिन्थी 1:8

हुक्‍पा थारी मेदु़म्‍थु़मसम्‍म गुमीका गानीलाई छो़म सोनुङमा दु़म्‍बेनी। मेम्‍मा इकीमा ङाचो़ येशू ख्रीष्‍ट आथावो योमिलो गानी हाम वो मेजो़पा मेबेपा डार्निमी।

यूहन्‍ना 17:16

गो सु़म्‍दिसेरकाम मेएँ, मेप्‍माङा मेर्मिम वो सु़म्‍दिसेरकाम मेएँ।

यूहन्‍ना 17:1

येशूका आरे र्‍वामु दु़म्‍मिडिमा पाह्रीथो़ रेप्‍साका सो़म्‍दी बेम्‍डी: “पाआ, थारी रोक्‍फाड्‌डाम बु। इनीमा तारापाचो़कु यु़म झ्‍वाक्‍नी, मा तारापाचो़का इनीमा यु़म झ्‍वाक्‍नु़।

रेम्‍बेट्‌मिडिम ल्‍वा 1:5

माम्‍चु़नीकु दुथाम सो़मुडा थो़रलु़इमिम, सिमुलाम बग्‍गेट्‌पामिमगोडाम खोत्‍लेडाम ङादोम, मा सुबुडाम हपमिमडला साखाम थो़पा येशू ख्रीष्‍टलाम वो दिदाम नुङ न-भ्रसी ल्‍वानिनु़। येशू ख्रीष्‍ट, उहेमका गुइलाई रिखाम बेसामी मा गुमी सिम्‍डिम उनीमा सिसिका गुइलाई इकी छु़लमिमलाम वाङ बेसाड्‌डामी,

हिब्रू 3:14

गुइ ङादो माम्‍चु़नीडा थो़र लु़इडिलो आथाम हुक्‍पा थारीसम्‍म भाल-आथो़ मेदु़म्‍साका गुमीडा थो़रलु़इमिम बुइ माला गुइ खोत्‍लेका ख्रीष्‍टनुङङा खुन्‍चु़म ल्‍वापा दु़म्‍सी।

यूहन्‍ना 17:5

पाआ, सु़म्‍दिमो ङादो गानीनुङ बाङ्‌डोलोम आमा यु़म-झ्‍वाक्‍सीका इनीमा ङादोडा यु़म झ्‍वाबेट्‌नी।

मत्ती 26:45

मेकोतिमा गुमी उनी सीसिपामिमकाडा ख्‍लोम्‍सीम्‍डिमा र्‍वाम्‍डी, “गानी आथावो अम्‍ल्‍याक्‍पाङा बुनी, मा ङेन्‍सिनिम बुनी? रेप्‍नी, मिनीचो़ छु़लचो़मिमकु ल्‍वाड्‌डा ग्‍वाला सो़सिक्‍पा थारी रोक्‍फाड्‌डाम बु।

१ पत्रुस 1:13

मेम्‍मिमका इनीमा न-गोडा झो़म्‍सिट्‌नी, त्‍वाका त्‍वापलाई जो़होमका जु़ल्‍नी, येशू ख्रीष्‍ट रेम्‍बेम्‍सिप्‍मिलो गानी ल्‍वामु खाम्‍निमिम दिदाम छो़म ल्‍वापा न बेनी।

हिब्रू 6:11

आरेप्‍माम इनीमा जो़पा खारी नुङ रिखाम इनीमा सिमु थारीसम्‍मङा बेनिम बानी मा गानी हाम ल्‍वामु न बेन्‍निम बु मेराम डार्नी र्‍वाक्‍पा आकीमा न बु।

हिब्रू 3:6

लावो येशू ने माम्‍चु़नीकु नेमडाम मु़चु़मिमलाई रेपा थो़रलु़इमिम उनीमा तारापाचो़ सो़। गुइ मेङिसाका हाम हुम लथाडी माला माम्‍चु़नीकु मु़चु़मिम दु़म्‍सी सो़।

रोमी 8:37

ओर्मिम खोत्‍ले ल्‍वा दु़म लोवो गुइलाई रिखाम बेपा ख्रीष्‍टलामका ङा ओर्मिम ल्‍वाडा गुइ घ्‍ल्‍वास्‍तिम बु।

यूहन्‍ना 17:26

गोलाई बेङ्‌डिनिम इनीमा रिखाम मेर्मिमकाडा दु़म्‍नु़, मा गो आ त्‍वाप मेर्मिमकाडा दु़म्‍ङुनु़ र्‍वाक्‍साका गो गानीलाई थो़रलु़पामिमकाडा छेबेट्‌निनिम बु मा छेबेनिनिमिम बुङु।”

यूहन्‍ना 14:28

“गो लङुमा इनीमाडा ख्‍लोङ्‌सिङुमा रोङु र्‍वाङ्‌डोम ने गानी थो़न्‍नी। गानी गोलाई रिखाम बेङिनिवाम माला गो पापकाडा लङुमिमडा गानी गेर्सिट्‌निवा, हेङालोने पाप गोडाम घ्‍ल्‍वापा बुमी।

यूहन्‍ना 11:55

यहूदीमिमकाम सेल्‍सिक्‍पा नेमकु चाड रोक्‍फाड्‌डाम बाइडा। मु़चु़मिम सेपा दु़म्‍मु लागि सेल्‍सिक्‍पा नेमकु चाड ङादो डु़म्‍ला होम्‍साका सेपा दु़म्‍मु लागि देल-देललाम यरूशलेम लम्‍डी।

यूहन्‍ना 7:30

मेम्‍मा ङाउमिमका गुमीलाई चु़म्‍मु माल्‍मिडी, लावो सु़का वो गुमीडला ल्‍वा मेफिक्‍मिवा, हेङालोने उनीमा थारी आथावो रोक्‍ताम मेबायावा।

यूहन्‍ना 7:6

येशूका मेर्मिमलाई र्‍वाम्‍डी, “आमा लागि जो़पा थारी आथावो रोक्‍ताम मिबु, इनीमा लागि ने उहेम थारी लोवो जो़पाङा बु।

यूहन्‍ना 6:4

यहूदीमिमकु सेल्‍सिमुनेमकु चाड रोम्‍फामु खाप्‍स्‍तु़म बाइडा।

लूका 22:53

हेल्‍लो लोवो गो गानीनुङङा सो़रनेमगोडा बाङडोलो गोलाई मेचु़म्‍ङिनिवा। लावो शैतानकु न होङङा खारी बेपा ओराम इनीमा थारी सो़।”

लूका 9:51

येशू पाह्रीथो़ लक्‍पा थारी रोक्‍फाड्‌डालो गुमी यरूशलेमथो़ ङा लक्‍पा मुलु़ बेम्‍डी।

मत्ती 28:20

मा गो गानीलाई बेबेट्‌निनिम होम्‍साका खोत्‍ले ल्‍वा होङङा दोमु मेर्मिमलाई सीनिमी। रेप्नी, सु़म्‍दिसेर हुक्‍पा थारीसम्‍म वो गो गानीनुङ दु़म्‍ङुम बुङु।”

यूहन्‍ना 8:20

सो़रनेम गोडा ग्‍वा-ग्‍वा ग्‍वाखोप फार्डा सीट्‌मिडिलो येशूका ओराम ल्‍वा र्‍वाम्‍डिम बाइडा। मेम्‍मा वो सु़का वो गुमीलाई मेचु़म्‍मिवा, हेङालोने आथावो उनीमा थारी रोक्‍ताम मेबायावा।

यूहन्‍ना 2:13

यहूदीमिमकाम सेल्‍सिक्‍पानेमकु चाड रोम्‍फामु खाप्‍स्‍तु़म बाइडा। मेम्‍मिमका येशू यरूशलेमडा लम्‍डी।

यूहन्‍ना 13:29

हेङालोने कोङ-कोङका आरेप्‍माम मिम्‍मिडी, यहूदानुङ खउलुङकु फाजी बु, मा चाडकाम लागि चाहेदु़म्‍पा हाम-हुम भ्रेयु़नु़ रे उनी हाम वो मेबाट्‌पामिमलाई किचो़ ग्‍वाक्‍नु़मी र्‍वाक्‍साका येशूका र्‍वाम्‍डिम।

यूहन्‍ना 14:31

लावो पापलाई गो रिखाम बेउ, मा पापका हाम बेबेन्‍ङिमी मेरामङा गो बेउ र्‍वाक्‍पा सु़म्‍दिसेरडाम मु़चु़मिमका चमिनु़। दो, ओलामका लक्‍सी।”

यूहन्‍ना 19:28

खोत्‍ले खारी बोम्‍सोमु दु़स्‍ता र्‍वाक्‍पा येशूका चम्‍डिमा माम्‍चु़नीकु सिजेम होङ्‍ङा रोथिनु़ र्‍वाक्‍साका गुमीका र्‍वाम्‍डी, “कोरा लु़डा।”