यूहन्‍ना 12:47 - थुलुङ राई

⁴⁷ “कोङनिमका आमा सिजेम थो़सु़ लावो मेराम होङ्‍ङा मेबु़ माला गो मेरामकु निया मेबेउ। हेङालोने गो सु़म्‍दिसेरकु निया बेप्‍डा योङ्‌डोम मेएँ, लावो सु़म्‍दिसेर सेल्‍मु लागि योङ्‌डोम।

यूहन्‍ना 12:47 Referans Kwoze

यूहन्‍ना 3:17

सु़म्‍दिसेरडाम मु़चु़मिमलाई मुमा बेन्‍मु र्‍वाक्‍साका माम्‍चु़नीका उनीमा तारापाचो़लाई थु़र्मीडिम मेएँ, लावो सु़म्‍दिसेरडाम मु़चु़मिम गुमीलामका सेल्‍सिमिनु़ र्‍वाक्‍साका थु़र्मिडी।

यूहन्‍ना 12:48

गोलाई मेद्‌वाक्‍पा, मा आमा सिजेम मेथो़पामिमकाम लागि नियाचो़ बुमी, मेराम गो ङादो जेङ्‌डोम ल्‍वाका हुक्‍पा थारीनेम मेराम मु़चु़लाई मुमा बेडु़।

१ यूहन्‍ना 4:14

गुकु ल्‍वात्तोकोम बु मा मेराम सो़कु, सु़म्‍दिसेरलाई सेल्‍मु लागि पापका उनीमा तारापाचो़ थु़र्मिडी।

लूका 19:10

हेङालोने दाम्‍पा मु़चु़मिमलाई माल्‍मु नुङ सेल्‍मु लागि मिनीचो़ योक्‍ताम सो़।”

यूहन्‍ना 5:45

“पापकु ङादोडा गानीलाई गो मुमा बेनिनी र्‍वाक्‍पा मेमिम्‍नी। गानीलाई मुमा बेट्‌पा ने मोशा सो़, गुलामका ख्‍लो़ला सो़म्‍सिमु लन्‍थाट्‌निम बाइडा।

मत्ती 20:28

मिनीचो़ चापे-डुपे बेला सो़सिप्‍डा मेएँ, चापे-डुपे बेप्‍डा नुङ उमा त्‍वाकु साम फ्‍यामुमा हापा मु़चु़मिमकु थि सोक्‍साका सेल्मु लागि योक्‍ताम सो़।”

२ पत्रुस 3:15

गानी ओराम मिम्‍नी, ङाचो़कु इम्‍सीका मु़चु़मिमलाई सेल्‍सिबेट्‌पा थारी ग्‍वाकु़। छो़म इकी द्‌वादीबुङ पावलका वो माम्‍चु़नीका गुलाई ग्‍वाम्‍डिम नेप्‍चीका गानीलाई ओरामङा र्‍याक्‍तु़म बाइडा।

यूहन्‍ना 8:26

इनीमा दुथाम सो़मु नुङ निया बोमु बासिक्‍पा हापा ल्‍वामिम गोनुङ बु। लावो गोलाई थु़र्पा ने आच्‍छाङाकाम बुमी, मा गुमीलाम गो हाम थो़उ, मेराम ल्‍वा सु़म्‍दिसेरडाम मु़चु़मिमलाई थो़बेट्‌पुमी।”

मत्ती 18:10

“चङचङया बानी, ओ याक्‍केमिमगोडाम कोलेलाई वो हाम ना हामकाम मेमिम्‍नी। हेङालोने गो गानीलाई र्‍वाङु, मेर्मिमकु पाह्रीचो़मिम पाह्रीलाम आमा पापकु ङादोडा हेल्‍लो लोवो पाह्रीला बुमिम बुमी।

लूका 9:56

मेकोतिमा येशू नुङ उनी सीसिपामिम वाङमिम देलथो़ लम्‍डी।

मत्ती 18:11

[हेङालोने मिनीचो़ ने दाम्‍पा मु़चु़मिम ङा सेल्‍मु लागि योक्‍ताम सो़।]