यूहन्‍ना 12:43 - थुलुङ राई

⁴³ हेङालोने माम्‍चु़नीका डोक्‍पु बोमिमिमडाम ने मु़चु़मिमका डोक्‍पु बोमिमिम मेर्मिमका हापा द्‌वाम्‍थाल्‍मिडी।

यूहन्‍ना 12:43 Referans Kwoze

यूहन्‍ना 5:44

गानी इनी त्‍वाप-त्‍वापगोडा डोक्‍पु बेला सो़म्‍सिमु माल्‍नी। लावो कोलेङा माम्‍चु़नीलाम रोक्‍पा डोक्‍पु बेला सो़सिसी ने मेमाल्‍नी, माला हेसाका गानी थो़रलु़नी मा?

यूहन्‍ना 5:41

“गानी आमा नङ कोनिमिम गोलाई मेबासी।

लूका 16:15

मेकोतिमा गुमीका मेर्मिमलाई र्‍वाम्‍डी, “गानी मु़चु़मिमकु ङादोडा माम्‍चु़नीकु न-गो होप्‍माम दु़म्‍साका रेम्‍बेपा लिन्‍सिनी, लावो माम्‍चु़नीका इनी न-गोडाम ल्‍वा चमी। मु़चु़मिमका डोक्‍पु मिम्‍मिमिम ने माम्‍चु़नीकु ङादोडा हाम ना हामकाम दु़म।

१ थेसलोनिकी 2:6

मु़चु़मिमलाम गुकु कोला मेसो़सिट्‌कुवा मा गानीलाम वो मेएँ, वाङमिमलाम वो मेएँ।

२ कोरिन्‍थी 10:18

हेङालोने त्‍वाका त्‍वाकु नङ कोक्‍पा मु़चु़लाई सु़का वो जो़पा मेमिम्‍डु़, लावो ङाचो़का नङ कोम्‍साप्‍मिमिम मु़चु़ङा जो़पा दु़म।

मत्ती 6:2

“मेम्‍मिमका खेरेला दु़म्‍पा मु़चु़मिमलाई गानी हाम-हुम ग्‍वानिलो मिनी मिक्‍सीलामडा जो़पा लिसिक्‍पामिमका मु़चु़मिमलाम नङ कोला सो़म्‍सिमु लागि घ्रो़म्‍दीनेमबाडे नुङ लाम्‍दी-गुदीबाडे डोक्‍पु रेम्‍बेम्‍सिप्‍मिमिम होङङा मेबेनी। आच्‍छाङा गो गानीलाई र्‍वाङु, मेर्मिमका खोत्‍ले उनी पुरस्‍कार ल्‍वामु दु़म्‍मिडिम बु।

१ कोरिन्थी 4:5

मेम्‍मिमका ङाचो़ येशू योमु ङादो हाम वो निया मेबेनी। गुमीका ङा तुकुम्चिमडा थक्‍मा ल्‍वा ओलडा रेन्मी, मा मु़चु़मिमकु न नुङ गो वो रेम्‍बोमी। मेम्‍लो मु़चु़मिमका माम्‍चु़नीलाम त्‍वा त्‍वाहोम डोक्‍पु बेला सो़म्‍सिमी।

यूहन्‍ना 12:26

उहेमका आमा चापेडुपे बु़, मेराम आमा चङचङ लाम्‍दिमु बासी, मा गो बान्‍ते बुङु, आमा डु़ल्‍चो़ वो मेसिङा दु़म। आमा चापेडुपे बेपा मु़चु़लाई आमा पापका डोक्‍पु बोमी।

यूहन्‍ना 8:54

येशूका र्‍वाम्‍डी, “गो आ त्‍वाकाङा यु़म-झ्‍वाबेट्‌पुवा माला ने मेराम हाम ना हामकाम दु़प्‍सावा। आमा यु़म-झ्‍वाबेट्‌पा ने आमा पाप बुमी, उहेमलाई गानी ‘आकीमा माम्‍चु़नी’ र्‍वानी।

लूका 19:17

“हपका मेरामलाई र्‍वाक्‍ता, ‘छ्‌यावा! गाना छो़म जो़पा डु़ल्‍चो़, कतिकलङडाङा थो़रलु़इमिम दु़म्‍ना, को धु़म शहरडला गाना साखाम थो़पा दु़म्‍ना।’

१ पत्रुस 3:4

इनीमा जो़प्‍सी ने न-गोलाममिम दु़म्‍मु बासी। मेराम हेल्‍लो वो मेदाम्‍पा याक्‍के दु़म्‍सी नुङ लिबा बासी सो़। माम्‍चु़नीकु ङादोडा मेराम हापा थिकाम दु़म।

रोमी 2:7

याक्‍के दु़म्‍साका जो़पा खारी बेपाम्‍बाट्‍पा, माम्‍चु़नीकु यु़म-झ्‍वाक्‍सी, जो़पा दु़म्‍सी नुङ हेल्‍लो वो मेसिपा त्‍वारो़म माल्‍मी। मेर्मिमलाई माम्‍चु़नीका हेल्‍लो वो मेसिपा त्‍वारो़म ग्‍वामी।

यूहन्‍ना 7:18

उ त्‍वापङा जेपा मु़चु़का उ त्‍वापलाई डोक्‍पु बेला सो़म्‍सिमु न बु़, लावो उहेमका गुलाई थु़र्पालाई डोक्‍पु बोमु खारी बु़, मेराम ने आच्‍छाङाकाम ल्‍वा जेपा सो़, मा मेरामनुङ हाम वो लिमा ल्‍वा मेदु़म।

रोमी 2:29

नगोलामका यहूदी दु़म्‍पा कोङङा यहूदी सो़, मा आच्‍छाङाकाम खिरिरि क्रिप्‍सी ने नगोडा दु़म्‍पा ल्‍वा सो़, ओराम ने माम्‍चु़नी-पेललाम दु़म्‍पा ल्‍वा सो़, डु़म्‍लाडा र्‍यासिट्‍पा ल्‍वा मेएँ। आरेप्‍माम मु़चु़लाई मु़चु़का मेएँ, माम्‍चु़नीका जो़पा मिम्‍मी।